Ես տուրիստ էի եկել, էդ տանն էլ 3 եղբայր ենք ապրում ու 50 ախրանա, որ մեզ պահում ա. Դոն Պիպոն չգիտեր, որ իր ասուլիսն է

Այսօր «Արցախ» մամուլի ակումբում նախատեսված էր քրեական հեղինակություն Դոն Պիպո մականունով հայտնի Արթուր Ասատրյանի հանդիպումը լրատվամիջոցների ներկայացուցիչների հետ: Ավելի ուշ, սակայն, պարզվեց, որ ինքը՝ Ասատրյանը, տեղյակ չի եղել ասուլիսի մասին:

Տարածված հայտարարության մեջ որեւէ նշում չկար, թե ինչ թեմայով է լինելու նրա հետ հանդիպումը: Շուտով պարզվեց, որ Արթուր Ասատրյանը եկել է մի խումբ գեղեցկուհիների հետ հանդիպման. նրա հիմնադրամը ֆինանսավորում է «Միսս Արմենիա» համահայկական մշակութային հիմնադրամին:

Մինչ նրա գալը «հրապարակ մտան» գեղեցկուհիները, նրանցից հետո ժամանեց Արթուր Ասատրյանը, ըստ էության, անակնկալի գալով լրագրողների ներկայությունից. «Ասի` գամ քեզ տենամ, երկու բառ խոսամ»,- դիմելով մրցույթի կազմակերպիչներից Գոհար Հարությունյանին՝ ասաց Արթուր Ասատրյանը: Վերջինս խոսեց մրցույթի, արդար ընտրությունների, առանց բարեկամական կապերի գեղեցկության մրցույթներում հաղթելու, բարեգործական հիմնադրամի կատարած աշխատանքների մասին: «Տարիներ շարունակ ինչ-որ շշուկներ են հասել, որ իրենց բարեկամներին, մտերիմներին սարքում են գեղեցկուհիներ: Գոհարիկին (խոսքը Գոհար Հարությունյանի մասին է,-հեղ.) ասացի՝ մի խնդրանք ունեմ, եթե դուք անեք, մենք կֆինանսավորենք, որ հաղթելու է ամենագեղեցիկն ու ամենաբանիմացը, որը իմ համար շատ կարեւոր է»,- ասաց Արթուր Ասատրյանը՝ հավելելով. «Չէի սպասում, որ էսօր էսքան մարդ ա լինելու, կյանքում էսքան չէի քրտնել»:

Մրցույթի մասին խոսելուց հետո լրագրողները սահուն անցում կատարեցին նրա նկատմամբ առաջադրված մեղադրանքին, Մանվել Գրիգորյանի հետ նրա հարաբերություններին: Ի պատասխան լրագրողների հարցին, Ասատրյանն ասաց, որ իր վերաբերյալ քրեական գործով նախաքննությունն ավարտվել է:

Մեր հարցին՝ ձեր սպանությունը նախապատրաստելու գործով պատվիրատուի անունը ի վերջո հայտնի՞ է, թե՝ ոչ, Ասատրյանը պատասխանեց. «Ինձ որտեղից հայտնի լինի, ձեր ցավը տանեմ»: 2018 թվականի հունիսին, երբ նա ձերբակալվեց, ԱԱԾ-ն տեսանյութ տարածեց Դոն Պիպոյի կողմից ենթադրյալ առեւանգման դրվագի վերաբերյալ, որտեղ, ըստ ԱԱԾ-ի՝ նա իր սպանությունը նախապատրաստելու մեջ մեղադրվող անձանցից պահանջել էր հայտնել պատվիրատուի անունը: Մեր այս դիտարկմանն ի պատասխան Ասատրյանն ասաց. «Բայց ես տեսանյութի մեջ ի՞նչ կապ ունեմ, դուք ինձ տեսե՞լ եք էնտեղ: Ձայնը տվել են փորձաքննության, եկել է, որ դա ես չեմ, էրեխեք ջան, նենց չի, որ դա ես եմ եղել»,- ասաց Ասատրյանը: Նշենք, սակայն, որ ըստ այդ փորձաքննության եզրակացության՝ հնարավոր չի եղել պարզել՝ տեսանյութում հնչող ձայնը Արթուր Ասատրյանինն է, թե՝ ոչ:

Անդրադառնալով իր մեղադրանքին՝ Ասատրյանը նշեց, որ առնչություն չունի Էջմիածնում գտնվող իր առանձնատնից հայտնաբերված զենք-զինամթերքի հետ։ «Հիմա տեսեք՝ ես եկել եմ Գոհարիկին տեսնելու, էրեխեքին լավ բան անելու, դուք ձեր ժուռնալիստական հնարքները օգտագործում եք իմ դեմ... Ես ընդհանրապես կապ չունեմ, ես ստեղ տուրիստ եմ եկել. 10 օրով եկել եմ երկիր, դա հորս տունն է, որտեղ երեք եղբայր ենք ապրում, ու ապրում է 50 հատ ախռանա, որը պահում է մեզ, իրենք կպարզեն` դա ում զենքն է եղել, խնդրում եմ՝ դա մի վերագրեք մեզ»,– դժգոհելով լրագրողների հարցերից՝ ասաց Արթուր Ասատրյանը:

Ինչից հետո «Միսս Արմենիա» հիմնադրամի նախագահ Գոհար Հարությունյանը փորձեց կանխել այս թեմայով լրագրողների հետագա հարցերը՝ նշելով, թե այս միջոցառումը կազմակերպվել էր՝ շնորհակալություն հայտնելու համար. «Այս գեղեցիկ տոնը եկեք այսպես ավարտենք»,- ասաց Հարությունյանը, ապա հղում կատարելով էթիկայի կանոններին՝ խնդրեց այսքանով սահմանափակել հանդիպումը: Ի պատասխան լրագրողները, սակայն, հիշեցրին, որ միջոցառման մեջ գեղեցկության մրցույթի վերաբերյալ որեւէ հիշատակում չի եղել, իրենք եկել են Արթուր Ասատրյանի ասուլիսին:

Լրագրողների հարցին ի պատասխան Արթուր Ասատրյանն ասաց, որ Մանվել Գրիգորյանի հետ որեւէ թշնամական  հարաբերություն չունի. «Ո՞վ է ասել, որ մենք թշնամիներ ենք, ես լրագրողներից եմ դա լսել, իսկապես, մենք թշնամական հարաբերություններ չենք ունեցել։ Մարդու չարությունն ու բարությունը սահմաններ չունեն, մենք ընդդեմ Մանվել Գրիգորյանի ոչ մի թշնամություն չունենք, երեւի դուք նկատած կլինեք, որ նրա ընտանիքի անդամներին, նրա թոռներին չկա մեկը, որ վիրավորած լինի, չկա մեկը, որ վատ խոսք ասած լինի, մենք երկար աշխատանք ենք տարել, որ նրա ընտանիքի անդամներին ոչ մեկ չվիրավորի, որովհետեւ դա հարիր չէ, որ հայրը նստած է, իսկ նրա երեխաներին կամ թոռներին կարող են վիրավորել»,- ասաց Արթուր Ասատրյանը: Ճշտող հարցին՝ ի՞նքն է հանձնարարել, որ Էջմիածնում չնեղացնեն Մանվել Գրիգորյանի հարազատներին, Ասատրյանն ասաց. «Դա մեր հորդորն է եղել, լիքը մարդիկ են եղել վրդովված, ասել ենք՝ հանկարծ չվիրավորեք, որովհետեւ չի կարելի: Մանվել Գրիգորյանն, իր բոլոր սխալների հետ մեկտեղ, անցած ճանապարհ ունի: Ես կուզեի, որ Մանվել Գրիգորյանին մեկ օր շուտ ազատ արձակեին, որ հասներ իր երեխաներին, ես անձամբ կգնայի մի հատ Աստվածաշունչ կնվիրեի իրեն, որ ինքը Աստծու գիտությունը հասկանա, որ չկա մի մարդ, որը խախտում է Աստծո գիտությունը, գալու է ժամանակը պատասխան տալու: Ինձ թվում ա՝ ինքը արդեն պատասխան ա տվել, ես կուզեի, որ ինքը իր անցած ճանապարհի համար էսքանով ներվեր, հասներ իրա թոռներին»,- նշեց Ասատրյանը:

Նշենք, որ Արթուր Ասատրյանն ու Մանվել Գրիգորյանը ձերբակալվել են նույն օրը:

Մեր դիտարկմանը, որ նրա սպանությունը նախապատրաստելու մեջ մեղադրվողների պաշտպանները նշում են, որ ինքը ճնշում է գործադրել պաշտպանյալների նկատմամբ, Արթուր Ասատրյանը հարցին պատասխանելու փոխարեն որոշեց լրագրողներին «նվեր մատուցել»՝ թղթի վրա գրված հայ արքաների անունների տեսքով: Ենթադրվում է, որ այն պետք է բաժանվեր գեղեցկուհiներին, քանի որ Ասատրյանի համար լրագրողների ներկայությունն անսպասելի էր: Քրեական հեղինակության «նվերը», սակայն, լրագրողները չընդունեցին:

Արթուր Ասատրյանը մեղադրվում է Քրեական օրենսգրքի 131-րդ հոդվածի 1-ին, 2-րդ, 3-րդ եւ 6-րդ կետերի (Մի խումբ անձանց կողմից նախնական համաձայնությամբ, առողջության համար վտանգավոր բռնություն գործադրելով, զենքի կամ որպես զենք օգտագործվող առարկաների գործադրմամբ, երեք անձի առեւանգումը) եւ 235-րդ հոդվածի 2-րդ մասի (Մի խումբ անձանց կողմից նախնական համաձայնությամբ հրազեն եւ ռազմամթերք ապօրինի կերպով ձեռք բերելը եւ պահելը) հատկանիշներով: Նա կալանավորվել էր, սակայն 2018 թվականի սեպտեմբերի 20-ին 50 մլն դրամ գրավի դիմաց ազատ է արձակվել:

Տպել
10186 դիտում

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը