Մուննաթը՝ ավագանու անդամների վրա, թե ինչու ժամկետը չեն երկարացնում, շատ տարօրինակ է. Զաքարյանը՝ Թոխատյանի մասին

Պարոն Հրանտ Թոխատյանն ի սկզբանե հնարավորություն ուներ գնալ եւ տեսնել «Կանազ»-ի շենքը: Հասկանալ, թե ինչ խնդիրներ կան, եւ այնպես չէ, որ հանկարծ՝ 2 տարի անց նոր է պարզվել, որ շենքում գազ չկա, կոյուղին վատ վիճակում է, կամ էլ տանիքն է կաթում: «Հայկական ժամանակի»-ի հետ զրույցում ասաց Երեւանի ավագանու «Իմ քայլը» խմբակցության անդամ Լեւոն Զաքարյանը:

Ավագանու անդամն անդրադարձավ օրերս Հրանտ Թոխատյանի՝ «Հայկական ժամանակի»-ին տված հարցազրույցին, որտեղ Թոխատյանը մտահոգություն էր հայտնում, որ  քաղաքապետարանը, մասնավորապես ավագանու անդամները այնքան էլ նպատակահարմար չեն գտնում մշակութային կենտրոնի տրամադրումը 10 տարով երկարաձգելը: Կամ էլ նպատակահարմար են գտնում, բայց հստակ քայլեր չեն ձեռնարկում եւ վերջինիս խնդրանքն ամիսներով ձգձգվում է:

Զաքարյանը հայտնեց, որ ավագանու անդամները ինքնանպատակ ոչինչ չեն անում, փաստն այն է, որ 1,5 տարում Հրանտ Թոխատյանը շենքում գրեթե ոչինչ չի արել: «Մուննաթը ավագանու անդամների վրա, թե ինչու ժամկետը չեն երկարացնում, մեզ համար շատ տարօրինակ է»,-ասաց Զաքարյանը:

2017 թվականի հոկտեմբերին Երեւանի քաղաքապետարանն ավագանու որոշմամբ՝  Հրանտ Թոխատյանի «Արվեստի այբուբեն» հիմնադրամին է փոխանցել «Կանազ» մշակույթի կենտրոնը:

Լեւոն Զաքարյանի խոսքով՝ մի քանի անգամ արդեն հանդիպումներ ունեցել են Հրանտ Թոխատյանի հետ, եւ այդ հանդիպումները եղել են թե ՛ դաշինքի լայն կազմով, թե ՛ առանձին աշխատանքային խմբի հետ: «Մենք Թոխատյանին բազմիցս ասել ենք՝ որպես ի՞նչ պիտի ավագանու անդամը բերի մի նախագիծ, որով երկարացվի իր պայմանագրի ժամկետը: Անգամ նրան խորհուրդ ենք տվել իրավաբան վարձել, որը իրավաբանորեն այդ ամբողջը կներկայացնի բոլոր հիմքերով եւ կհիմնավորի, որ 10 տարին իսկապես քիչ ժամանակ է»,-ասաց ավագանու անդամը՝ նկատելով, որ ինքը Թոխատյանի այդ պնդման հետ այնքան էլ համաձայն չէ, քանզի 1,5 տարվա մեջ, եթե ինչ-որ հստակ քայլեր լինեին, իրենք այսօր դա կտեսնեին:

Զաքարյանն անդրադարձավ Թոխատյանի այն հայտարարությանը, թե վերջինս ամաչել է ներդրողներից գրավոր տեղեկագրեր պահանջել. «Ամբողջ աշխարհում ընդունված բան է, երբ դու ասում ես հովանավորների մասին, նրանք անպայման ունենում են իրենց հուշագրերը: Այս դեպքում էլ բացառություններ լինել չեն կարող, յուրայիններ չկան, այդ ժամանակները պետք է անցյալում թողնել»:

Զաքարյանը հիշեցրեց, որ «Կանազ» կենտրոնի անվարձահատույց տրամադրման պայմանգիրը Թոխատյանը կնքել է նախորդ քաղաքային իշխանությունների հետ, եւ այժմ նրան ոչ ոք չի խանգարում աշխատել. «Մեղադրել, որ ինքը շենքում ոչինչ չի անում մեր պատճառով՝ մեղմ ասած արդարցի չէ»:

Ավագանու անդամը շեշտեց՝ «Կանազ» մշակութային կենտրոնը Երեւան քաղաքի սեփականությունն է եւ իենց ցանակացած որոշում պետք է հիմնավորված լինի փաստերով. «Իսկ ով է մեզ թույլ տվել այդ պայմանագիրը շատ ավելի երկարացնել, երբ որ դրա տակ դեռեւս ոչ մի հիմք չեմ տեսնում: Ես ինքս ձեռնամուխ կլինեի եւ ավելի ոգեւորված, որ ժամկետ երկարացվի, երբ որ գնայի ու տեսնեի, որ այնտեղ գործ է արվում, իսկ հիմա այսպես օդում խոսքեր հնչեցնելով չէ»:

Նշենք, որ Թոխատյանի ստորագրած պայմանագրում կա կետ՝ համաձայն որի, եթե նշված ժամկետում պարտավորությունները չեն իրականացվում, ապա չկատարող կողմը տույժ է վճարում: Զաքարյանը հիշեցնում է, որ դա բոլորովին էլ պետք չէ կապել ավագանու անդամների հետ. «Ոչ ոք Թոխատյանին չի ստիպել այդ պայամնագիրը կնքել եւ ստորագրել մի բանի տակ, որը ինքը չի իրագործել»:

Այնուամենայնիվ, ավագանու անդամը նկատեց, որ Թոխատյանի ներկայացրած ծրագիրն իրենց շատ է դուր եկել, Երեւան քաղաքի մանուկ սերնդի համար դա պարզապես չտեսնված հնարավորություններ կարող է ստեղծել:

Տպել
2068 դիտում

Զինված խմբի պարագլուխ համարվող Արթուր Վարդանյանը դատի է տվել Էդուարդ Շարմազանովին

Սիրիայում 4 երեխա է զոհվել, 9-ը՝ ծանր վիրավորում ստացել, իր տունը հարկադրված լքել է 70 հազար երեխա. ՅՈՒՆԻՍԵՖ

Երեւանի աղբահանության հիմնարկի բաժիններից մեկի պետը դուրս է գալիս աշխատանքից

Զորավարժությունների արդյունքում մեր վստահությունն ավելացել է մեր ԶՈՒ-ի և հավաքական ուժի նկատմամբ. վարչապետ

Գյումրիում այրվել է մոտ 10 հա խոտածածկ տարածք և 20 պտղատու ծառ

Շուշի քաղաքում բացվել է հայ-իրանական գիտամշակութային կենտրոն

Երևանում և ևս 7 մարզում այսօր էլեկտրաէներգիայի անջատումներ կլինեն

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները