ԵԹԿՊԻ-ում իրավիճակը լարված է, ուսանողները փակել են մուտքերն ու ելքերը, խորհրդի անդամներին թույլ չեն տալիս դուրս գալ

Երեւանի թատրոնի եւ կինոյի պետական ինստիտուտում (ԵԹԿՊԻ) իրավիճակը լարված է: Ուսանողները արգելափակել են բուհի ելքն ու մուտքը եւ թույլ չեն տալիս խորհդրի անդամներին դուրս գալ շենքից: 

Այսօր՝ մայիսի 22-ին, հրավիրված էր բուհի խորհրդի նիստ՝ օրակարգում ունենալով ռեկտորի ընտրության հարցը: Առաջադրված երեք թեկնածուներից քվեարկվելու իրավունք էր ստացել միայն մեկը՝ ռեկտորի ժամանակավոր պաշտոնակատար Լիլիթ Արզումանյանը: Մյուս երկու թեկնածուների դեպքում առկա է եղել որոշակի անհամապատասխանություն ներկայացվող պահանջներին: Նրանք չեն ունեցել արվեստի գործչի պատվավոր կոչում, ինչը թափուր պաշտոնի մրցույթին մասնակցելու պարտադիր պայմաններից մեկն է:  

Ուսանողները, սակայն, ինչպես օրեր առաջ տարածած հայտարարության մեջ, այնպես էլ այսօր, պահանջում էին, որ ընտրությունը չլինի Լիլիթ Արզումանյանի եւ Լիլիթ Արզումանյանի միջեւ: Ասում էին, որ ուզում են լսել այլընտրանքային ծրագրեր: Շատերն ասում էին, որ Լիլիթ Արզումանյանի դեմ ոչինչ չունեն, բայց ուզում են այլ թեկնածուներ լինեն: Նրանք պահանջում էին, որ Արզումանյանը կամ ինքնաբացարկ հայտնի, կամ խորհուրդը դեմ քվեարկի նրա թեկնածությանը, որպեսզի հայտարարվեն նոր ընտրություններ: Ի դեպ, ԵԹԿՊԻ դասախոս, Երեւանի քաղաքապետի նախկին տեղակալ Արամ Սուքիասյանը հայտարարել էր, որ իրավիճակի նման զարգացման դեպքում ինքը կառաջադրի իր թեկնածությունը:

Ի վերջո, սակայն, կայացավ ռեկտորի թափուր պաշտոնի մրցույթը՝ չնայած բազմաթիվ ուսանողներ հավաքվել էին շենքում ու փորձում էին թույլ չտալ դա: Խորհրդի անդամ Վարդան Մկրտչյանը տեղի ունեցողը գնահատեց հետեւյալ կերպ. «Կա որոշակի կլան, որը ղեկավարում է այդ ուսանողությանը»:

Նիստին ներկա էին բոլոր 24 անդամները, որոնց ձայները բաշխվել են հետեւյալ կերպ՝ 14 կողմ, 9 դեմ: Մեկ քվեաթերթիկ համարվել է անվավեր:

Ընտրության այսպիսի ելքը էլ ավելի զայրացրեց ուսանողներին: Նրանք հայտարարեցին, որ խորհրդի անդամները շենքից դուրս չեն գալու: Ռուբեն Բաբայանն, ի պատասխան զգուշացրեց, որ եթե նրանք խոչընդոտեն իր ազատ տեղաշարժին, ապա ինքն այլեւս չի աշխատելու այս բուհում եւ կարող են համարել, որ գրել է աշխատանքից ազատման դիմումը:

Ուսանողները պահանջում են կրթության եւ գիտության նախարարությունից գալ բուհ եւ լսել ուսանողների պահանջը: Վարդան Մկրտչյանը առաջարկում է ուսանողներին ներկայացուցչական խումբ կազմել եւ հանդիպել խորհրդի անդամների հետ: Դա ուսանողների համար անընդունելի է:

Տպել
916 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան