Անթույլատրելի ենք համարում. հայաստանյան ՀԿ-ների հայտարարությունը Ռոման Ուդոտի ձերբակալման վերաբերյալ

Հայաստանյան մի շարք հասարակական կազմակերպությունների հայտարարություն են տարածել ՌԴ-ում Ռոման Ուդոտի ձերբակալման վերաբերյալ, որը ներկայացնում ենք ստորեւ.

«Ոստիկանության աշխատակիցների կողմից մայիսի 20-ին ձերբակալվել է Ռուսաստանում գործող «Գոլոս» շարժման խորհրդի անդամ Ռոման Ուդոտը:  Նրա նկատմամբ հարուցվել է քրեական գործ՝ անցյալ տարվա մարտին «Շերեմետևո» օդանավակայանում տեղի ունեցած միջադեպի կապակցությամբ, երբ նա, արձագանքելով «ՆՏՎ» լրագրողուհու անհարիր պահվածքին և հարցերին, վերցրել է նրա հեռախոսը:

Ռ. Ուդոտը դիմել է ոստիկանություն և հայտարարություն տվել հետապնդման և մասնավոր կյանքի անձեռնմխելիության խախտման վերաբերյալ: Թղթակիցն իր հերթին ներկայացրել է հաղորդում հեռախոսի գողության մասին: Արդյունքում, «ՆՏՎ» հեռուստաընկերության թղթակիցների դիմումի համաձայն ոստիկանությունը քրեական գործ է հարուցել ՌԴ Քրեական օրենսգրքի 119-րդ հոդվածով (սպանության կամ առողջությանը ծանր վնաս պատճառելու սպառնալիք): Ռոման Ուդոտը  չի ընդունում իր մեղքը:

Հարկ է նշել, որ այս միջադեպին նախորդել են պարբերական հետապնդումները Ռոմանի նկատմամբ, գիշերային զանգերը և սպառնալիքներն՝ ուղղված նրա ծնողներին, որոնք տեղ են գտել «ՆՏՎ»-ի ֆիլմերում ստահոդ լուրերի տարածման արդյունքում: Իրենց լրագրող ներկայացնող մարդիկ, որոնք ամենայն հավանականությամբ կապված են հատուկ ծառայությունների հետ, դարաններ լարելով՝ հոգեբանական ճնշման են ենթարկել նաև Ռոմանի անչափահաս երեխային:

Ռոման Ուդոտը Ռուսաստանի Դաշնությունում ընտրությունների նկատմամբ վերահսկողություն իրականացնող շարժման ամենահայտնի ակտիվիստներից է: Տարիներ շարունակ նա բացահայտել և վավերագրել է բազմաթիվ ընտրախախտումներ ինչպե՛ս Ռուսաստանում, այնպե՛ս էլ այլ երկրներում: Հայաստանում Ռ.Ուդոտը բացահայտել է 2015թ. սահմանադրական փոփոխությունների հանրաքվեի կեղծարարությունը (տես հավելված 1): Ներկայումս Ռ.Ուդոտը ընտրական վիճակագրության միջազգայնորեն ճանաչված լավագույն փորձագետներից է, որը հանդիսանում է ԵԱՀԿ ԺՀՄԻԳ-ի մի քանի մեթոդական նյութերի համահեղինակ:

Մենք՝ Հայաստանում և Հայաստանի սահմաններից դուրս ընտրությունների դիտորդություն իրականացնող ներքոստորագրյալ հասարակական կազմակերպություններս, անթույլատրելի ենք համարում Ռ.Ուդոտի նկատմամբ հետապնդումները և նրա ընտանիքի անդամների նկատմամբ սպառնալիքները:

Միանալով «Գոլոս» դիտորդական շարժման հայտարարությանը՝ կոչ ենք անում ՌԴ Կառավարությանը և իրավապահ մարմիններին անհապաղ ազատ արձակել Ռ.Ուդոտին և վերացնել նրա նկատմամբ անհիմն մեղադրանքները:

Կոչ ենք անում մարդու իրավունքների հարցերով զբաղվող միջազգային կազմակերպություններին աչալուրջ լինել ինչպես ակտիվիստի դեմ հարուցված քրեական գործի ընթացքի, այնպես էլ նրա ընտանիքի նկատմամբ հնչող սպառնալիքների կանխարգելման նկատմամբ:

Թրանսփարենսի Ինթերնեշնլ հակակոռուպցիոն կենտրոն, «Ականատես» դիտորական նախաձեռնություն

Հելսինկյան  քաղաքացիական ասամբլեայի Վանաձորի գրասենյակ, «Անկախ դիտորդ» հասարակական դաշինք,

Ժուռնալիստների «Ասպարեզ» ակումբ, «Ականատես» դիտորդական նախաձեռնություն,

«Ռեստարտ» քաղաքացիական նախաձեռնություն, «Ականատես» դիտորդական նախաձեռնություն,

Իրավունքի զարգացման և պաշտպանության հիմնադրամ, «Ականատես» դիտորդական նախաձեռնություն,

Իրազեկ քաղաքացիների միավորում, «Անկախ դիտորդ» հասարակական դաշինք»։

Տպել
383 դիտում

Ռուսաստանում ՀՀ պետհամարանիշներով մինիվենի մասնակցությամբ վթարի հետևանքով հոսպիտալացվել է 4 ՀՀ քաղաքացի

Կոմիտասի 140-ամյակի ժամանակ էլ 99 տոկոսը ֆրանսիացի հանդիսատես էր, չէին թողնում, որ երգչախումբը բեմից հեռանա

2 անշարժ գույք, 3 ավտոմեքենա, 250 հազար եվրո, 215 հազար դոլար, 48 մլն դրամ. ԲԴԽ անդամի ունեցվածքը

Վրաստանը մեզի ձեռ կառնի. բողոքի ակցիա են արել Շիրակի ձկնորսները (լուսանկարներ)

Երեւանի ավագանու «Իմ քայլը» խմբակցության անդամ Եվա Թովմասյանը հրաժարվել է մանդատից, նրան փոխարինել է Ասքանազ Աբրահամյանը

Գագիկ Ծառուկյանը դեռ չի ստացել հարցաքննության ներկայանալու վերաբերյալ ՀՀ քննչական կոմիտեի 2-րդ ծանուցագիրը

10.000 զինծառայող, 200-ից ավելի հրետանային համակարգեր, մոտ 150 զրահատեխնիկա. Արցախում զորավարժություններ են

Վարչապետ Փաշինյանը շնորհավորել է Իսլանդիայի վարչապետին Ազգային տոնի կապակցությամբ

Ավելի քան 4000 մարզիկ՝ շուրջ 190 երկրից. Արցախը պատրաստվում է համահայկական 7-րդ ամառային խաղերին

10 հազար տոննա ոսկու հանքանյութ են արդյունահանել հատուկ պահպանվող տարածքում. հարուցվել է քրգործ

ՔՊ վարչության որոշ անդամների դեպքում ընտրությունը սպասելի էր, որոշ անդամների դեպքում՝ ոչ․ Արարատ Միրզոյան

Երեւանի քաղաքապետարանը վերելակների նոր խմբաքանակ ձեռք բերելու համար մրցույթ է հայտարարում. Հակոբ Կարապետյան

Քոչարյանի եւ ՌԴ դեսպանի հանդիպման վերաբերյալ ԱԳ փոխնախարարի ասածն իր կարծիքն է, կրկնում եմ՝ ես չեմ ողջունում․ ԱԺ նախագահ

Ես բացառում եմ, թե գրոհ կա Գագիկ Ծառուկյանի ուղղությամբ․ Արարատ Միրզոյան

Հնարավոր է կարկուտ. ԱԻՆ-ը զգուշացնում է

Համահայկական 7-րդ խաղերի երկրորդ ջահը վառվեց Խոր Վիրապում (լուսանկարներ)

Ինձ համար Ռոբերտ Քոչարյանի եւ ՌԴ դեսպանի հանդիպումը տարակուսելի է եւ ողջունելի չէ․ Ռուբեն Ռուբինյան

Համաշխարհային միջուկային զինանոցը կրճատվել է․ Զեկույց

Վարչապետի որոշմամբ Աշոտ Մուսայանն ազատվել է անշարժ գույքի կադաստրի կոմիտեի ղեկավարի տեղակալի պաշտոնից

Որո՞նք են կանանց իրավունքների խախտմանը նպաստող պայմաններն աշխատավայրում. ՄԻՊ-ի իրազեկող տեսանյութը