Անեծքներով չխոսել. հուշեր սերժանտական ծառայության մասին

22/05/2019 schedule10:10

Տպագրվել է «Հայկական Ժամանակ» օրաթերթի՝ 2006 թվականի մայիսի 23-ի համարում

Երեկ խորհրդարանի նիստին մասնակցելու էր եկել 109 պատգամավոր՝ լսելու, թե ինչպե՞ս է ԱԺ նախագահ Արթուր Բաղդասարյանը հրաժարական տալիս։ Հրաժարականի ողջ արարողակարգը, սակայն, տեւեց ընդամենը 1 րոպե: «Համաձայն ԱԺ կանոնակարգի 20 հոդվածի, ես հրաժարվում եմ ԱԺ նախագահի պաշտոնից»,- Արթուր Բաղդասարյանի հրաժարականի տեքստը նրա իսկ ներկայությամբ կարդաց փոխխոսնակ Տիգրան Թորոսյանը: Ներկաները, սակայն, չցրվեցին, որովհետեւ խորհրդարանում սկսվեց այնպիսի մի շոու, որի ավարտից հետո  բացակա պատգամավորները լրագրողներից խնդրում էին նիստում տեղի ունեցածի ձայնագրությունը՝ լսելու եւ հրճվելու համար։ Իսկ սկսվեց ամեն ինչ նրանից, որ «Ազգային միաբանության» նախագահ Արտաշես Գեղամյանը ակամայից հիշեց ուրբաթ օրը լույս տեսած «Օրինաց երկիր» շաբաթաթերթը, որտեղ «ԱՄ» նախագահի հասցեին հերթական մեղադրանքը կար ու կրկին Սերժ Սարգսյանի մասով։

Ավելին, այդ հրապարակմանը կցված էր նաեւ ԱԺ նախագահի անեծքը. «Ով ասում է, թե իմ հրաժարականն իշխանությունների հետ պայմանավորված խաղ է, թող Աստված նրա ու նրա մերձավորների գլխին նման խաղ բերի»,- ահա այսպես էր ԱԺ նախագահը այդ շաբաթաթերթում, ինչպես նաեւ «Խորհրդարանական շաբաթ» հաղորդման մեջ, անիծել իր հրաժարականն իշխանությունների հետ կապողներին։ «Խորհուրդ եմ տալիս անեծքներով չխոսել. եթե ձայնը տղամարդու չլիներ, կմտածեի, թե ջադու են բերել, որ անեծքներ թափի։ Ի՞նչ է, սատանայական օրդենի մասնակիցն ե՞ք, որ ջադուական անեծքներ եք տալիս»,- չէր հանգստանում Գեղամյանը։ Ու քանի որ դրանից րոպեներ առաջ Արթուր Բաղդասարյանն իր հրաժեշտի խոսքում ասել էր, թե սոցիոլոգիական վերջին հարցման համաձայն՝ հայ հասարակության 70%-ը վախեցած է, Գեղամյանն անեծքից կտրուկ անցում կատարեց վախի թեմային.

«Ճիշտ է ասում Արթուր Բաղդասարյանը՝ երկրում վախի մթնոլորտ է տիրում։ Եւ այդ վախն այն աստիճանի է, որ երկրի երկրորդ դեմքը վախենում է տալ Սերժ Սարգսյանի ու Ռոբերտ Քոչարյանի անունները։ Ի՞նչ վախ են սերմանել այդ մարդկանց մեջ, որ խոսելով ընտրակեղծիքների մասին՝ վախենում են տալ ընտրակեղծիքների մաեստրոյի՝ Սերժ Սարգսյանի անունը։ Ես կարծում եմ, որ բազմահազարանոց ընդդիմության շարքերը համալրող կուսակցությունն իր շարքերում կգտնի գոնե մեկ-երկու սնխչի, որ նախ եւ առաջ իրենց վախը բռնի»,- ՕԵԿ-ին դիմելով՝ ասաց Գեղամյանը։ Նաեւ տեղեկացրեց, որ երբ գա դատվելու ժամանակը, Քոչարյանի ու Սերժի հետ դատվելու են նաեւ այդ երկուսի դհոլչի ընկերները՝ հանձին ՕԵԿ-ի, որպես ընտրական հանցագործությունները պարտակողներ։ Ու քանի որ կռիվը սկսված էր, էստաֆետը վերցրեց ՕԵԿ պատգամավոր Վռամ Գյուլզադյանը:

«Ընդդիմություն լինել չի նշանակում հայհոյել միայն Սերժ Սարգսյանին ու Ռոբերտ Քոչարյանին։ Դրանից պատվերի հոտ է գալիս»,- «ԱՄ» նախագահին ասաց  ՕԵԿ անդամը։ «Սերժ» ու «պատվեր» բառերը լսելուց հետո «ԱՄ»-ում պատասխան ելույթները դարձան այլեւս անկառավարելի։ «Երկիր, որտեղ դատախազը ծառատունկով է զբաղված, քաղաքականությունը իրականացնելու են կարտոֆիլագործները, եւ դա բնական է։ Հա, Հովհաննես Մարգարյան, դու պառաշոկի գործից խոսա. խոսքը կաթի պառաշոկի մասին է»,- ասաց Գեղամյանը։ Քանի որ կաթի պառաշոկն էլ Հովհաննես Մարգարյանի թույլ տեղն էր, նա էլ առիթը բաց չթողեց հիշեցնելու համառ այն խոսակցությունները, որ 2003-ի նախագահական ընտրությունների առաջին փուլից հետո Գեղամյանը Սերժից փող է վերցրել ու դավաճանել ընդդիմադիր իր ընկերներին:

«Ես հրապարակավ ապացուցեցի, որ իմ հասցեին ասվածները զրպարտություն էր։ Եթե զրպարտություն է նաեւ քո հասցեին ասվածը, որ ճարպիկ լինելով՝ այդքան քիչ գումարով ծախվեցիր, ապացուցեք, որ դա զրպարտանք է։ Եւ ոչ թե թույլ տվեք, որ ժողովրդի մեջ լայն ճանաչում ունեցող մեկը արժանանա դատարկ դհոլի գնահատականին»,- Գեղամյանին առաջարկեց պատգամավոր Մարգարյանը։ Այդ պահին «ԱՄ» պատգամավոր Գագիկ Կոստանդյանը թեթեւ փորձ արեց տեղից վեր կենալ՝ երեւի Հովհաննես Մարգարյանին ծեծելու համար, բայց Գեղամյանը չթողեց: «Հանգիստ»,- հրահանգեց արդեն ափերից դուրս եկած Մամիկոնովիչը։ Գագիկ Կոստանդյանը առանձնապես չընդդիմացավ:

Բայց այդ պահին կրկին նիստերի դահլիճ վերադարձավ  ԱԺ նախագահ Արթուր Բաղդասարյանը, արտահերթ ելույթի իրավունք վերցրեց ու ասաց. «2003-ին ՕԵԿ-ը շիտակ, տղամարդու պես կանգնեց Ռոբերտ Քոչարյանի կողքին, ի տարբերություն որոշ ընդդիմադիր առաջնորդների, որոնք 2003-ի առաջին փուլից հետո լքեցին ընդդիմության դաշտը։ Մինչդեռ, եթե չլքեին ընդդիմադիր ճամբարը, Հայաստանում բոլորովին այլ իրավիճակ էր ստեղծվելու։ Ինչո՞ւ լքեցին. դրա մասին գրել են թերթերը, դրա մասին խոսում է ժողովուրդը։ Խոսում եք Սերժից, բայց նույն պաշտպանության նախարարից ֆինանսական աջակցություն եք ստանում ստվերային խողովակներով»,- Գեղամյանին ասաց ԱԺ նախագահը։ Իսկ Գեղամյանն արդեն մոռացել էր ԱԺ կանոնակարգն ու տեղից գոռում էր. «Սերժի զակազն եք կատարում»։

«Սերժի զակազը դուք եք կատարում՝ նրան ապրանքներ մատակարարելով»,- հակադարձեց Բաղդասարյանը։ «Երկրի երկրորդ դեմքն եք, դատի տվեք Սերժին՝ ինձ կաշառք տալու, ինձ էլ՝ կաշառք վերցնելու համար»,- չէր հանգստանում Գեղամյանը։ «Ես կսպասեմ, ես ձեր նման հոգեւարքի մեջ չեմ»,- Գեղամյանին հանգստության կոչ արեց ԱԺ նախագահն ու շարունակեց. «Ընդդիմության դաշտում մինչեւ հիմա չորսով էին պարանը քաշում, հիմա եկել է 5-րդը եւ ասում է՝ տղերք, եկել եմ ձեզ  հետ այդ պարանը քաշեմ։ Ասում է՝ չէ, խի՞ ես եկել։ Ինչի՞ եք խառնվել իրար, ի՞նչ է պատահել։ Չէ՞ որ բոլորն էլ գիտեն՝ ով՝ ով է, եւ բոլորն էլ գիտեն, որ գողի ու էն մյուսի վերջը 40 օր է»,- իր հրաժարականի նիստը, որը սահուն կերպով վերածվեց ՕԵԿ-«ԱՄ» էժանագին եւ լաչառ կռվի, ամփոփեց Արթուր Բաղդասարյանը։

Արդեն նիստի ավարտին Արշակ Սադոյանը բոլորին հարցնում էր. «Լավ, ո՞նց ստացվեց, ո՞վ գցեց այս կուտը, որ հրաժարականի մասին բոլորը մոռացան։ Թե՞ սա էլ էր ծրագրված համերգ»,- իր գործընկերներին մտորելու թեմա տվեց Սադոյանը։ Եւ ընդհանրապես, երեկ ԱԺ-ում տեղի ունեցածը շատ էր հիշեցնում հայտնի ֆիլմի հայտնի արտահայտությունը. «Господин назначил меня любимой женой»։ Ու տպավորությունն այնպիսին էր, որ երեկվա կռիվը հենց դրա համար էր։

Հ.Գ. Երեկվա նիստի ընթացքում հանգստանալու կոչով մի անգամ էլ Արթուր Բաղդասարյանը դիմեց «ԱՄ» խմբակցության անդամ Գագիկ Կոստանդյանին: Բաղդասարյանի ելույթի ժամանակ, երբ ԱԺ դեռեւս գործող նախագահը լուտանքներ էր թափում Արտաշես Գեղամյանի հասցեին, Կոստանդյանը տեղից վեր կենալու փորձ արեց, իբր հիմա հասնելու է ԱԺ նախագահին: «Հանգիստ, երիտասարդ»,- Գագիկ Կոստանդյանին կոչ արեց Բաղդասարյանը: Ակտիվ «ԱՄ»-ականը այս անգամ էլ առանձնապես չառարկեց:

Նաիրա Զոհրաբյան

Տպել
1364 դիտում

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա