Ֆուտբոլային աշխարհի թոփ թեման «Արսենալի» եւ ՀՀ հավաքականի կիսապաշտպան Հենրիխ Մխիթարյանն է: Այսօր՝ մայիսի 21-ին, նրա ակումբը պաշտոնապես հայտարարել է, որ անվտանգության նկատառումներով նրան չի տանելու Բաքվում կայանալիք Եվրոպա լիգայի եզրափակչին: Վերջին շրջանում Մխիթարյանի հարցը շատ էր քննարկվում միջազգային մամուլում, իսկ այսօր լրատվամիջոցները հատկապես ակտիվ են այն լուսաբանում: Դրանց թվում են բրիտանական հեղինակավոր BBC-ն, The Guardian-ը, The Telegraph-ը, The Mirror-ը, The Daily Mail-ը, The Sun-ը, իսպանական հեղինակավոր Marca-ն, AS-ը, Mundo Deportive-ն եւ այլն:

Որոշ լրատվամիջոցներ խիստ գնահատականներ են տվել ՈՒԵՖԱ-ին: Marca-ն, օրինակ, դատապարտել է այնպիսի մրցավայր ընտրելու համար, ուր ինչ-որ ֆուտբոլիստ չի կարող գնալ անվտանգության նկատառումներով: Ընդգծել է, որ կարծես 30-ականները լինեն:

The Sun պարբերականն էլ անդրադարձել է ՈՒԵՖԱ-ի պատասխանին, որը վերաբերում է Մխիթարյանի վերաբերյալ «Արսենալի» որոշմանը: ՈՒԵՖԱ-ն նշել էր, որ իրենք ու Ադրբեջանի իշխանություններն ապահովել են ֆուտբոլիստի անվտանգությունը, սակայն ակումբը նման որոշում է կայացրել, ինչը նրանք հարգում են: Նաեւ պատասխանել էր ակումբի այն դժգոհություններին, որոնք վերաբերում էին մրցավայրի հեռու լինելուն, ավիատոմսերի թանկությանը՝ ասելով, որ ամեն դեպքում Ադրբեջանը համապատասխանում է նման միջոցառում անցկացնելուն: The Sun-ը սա որակել էր որպես պաթետիկ պատասխան:

Օրեր առաջ իրենց զայրույթն էին արտահայտել «Արսենալի» երկրպագուները: Նրանք հայտարարել էին, որ, եթե թիմի 7 համար չկարողանա գնալ Բաքու, իրենք ակցիա են իրականացնելու. հանդիպման 7 եւ 77-րդ րոպեներին ցուցադրելու են նրա պատկերով դիմակները:

Այսօր նրանք կրկին խիստ դժգոհել են սոցիալական ցանցերում: Ընդգծել են, որ այն, ինչ տեղի է ունենում ամոթալի է ու խայտառակություն է: Նույնիսկ կոչ են անում հրաժարվել եզրափակչին մասնակցելուց կամ է փոխել մրցավայրը:

«Ես ավելի հպարտ կլինեի իմ թիմով, եթե բոյկոտեր Եվրոպա լիգայի եզրափակիչը, քան եթե հաղթեր այն»,- ասել է ակումբի ամենահայտնի երկրպագուներից մեկը՝ Ջեյմզ Մքնիքոլասը:

«Շատ պարզ է. եթե Մխիթարյանը չի կարող խաղալ, պետք է փոխել մրցավայրը, եթե ՈՒԵՖԱ-ն պնդի, պետք է հրարաժվել խաղից»,- գրել է եւս մեկը:

Թեմային անդրադարձել են նաեւ հայտնի ֆուտբոլիստներ: «Արսենալի» լեգենդ Յան Ռայթը խիստ զայրացած է:

«Կատարյալ խայտառակություն ՈՒԵՖԱ-ի կողմից: Ինչպե՞ս են թույլ տվել, որ սա տեղի ունենա»,- գրել է նա սոցցանցերում:

Իր զարմանքն է արտահայտել Անգլիայի հավաքականի նախկին խաղացող Գարի Լինեկերը: Նույնպես գրառում է կատարել սոցցանցերում:

«Այստված իմ»,- գրել է նա՝ կից հրապարակելով The Guardian-ի նյութը:

Եվրոպա լիգայի 2018-19 մրցաշրջանի եզրափակիչը կայանալու է մայիսի 29-ին Բաքվի «Օլիմպիա» մարզադաշտում: «Արսենալի» մրցակիցը «Չելսին» է: «Արսենալի» համար հաղթանակը կարեւոր է ոչ միայն տիտղոս նվաճելու տեսանկյունից, այլեւ այն պատճառով, որ Չեմպիոնների լիգայի հաջորդ մրցաշրջանի ուղեգիր նվաճելու միակ հնարավորությունն է:

Ավարտվող մրցաշրջանի ընթացքում առաջին դեպքը չէ, որ Մխիթարյանը հանդիպում է բաց թողնում Ադրբեջանի պատճառով: Եվրոպա լիգայի խմբային փուլում «Արսենալը» մեկ անգամ մեկնել էր Ադրբեջան, խաղաց «Քարաբագի» դեմ: Մխիթարյանը թիմի հետ չէր:

Տպել
1460 դիտում

Զինված խմբի պարագլուխ համարվող Արթուր Վարդանյանը դատի է տվել Էդուարդ Շարմազանովին

Սիրիայում 4 երեխա է զոհվել, 9-ը՝ ծանր վիրավորում ստացել, իր տունը հարկադրված լքել է 70 հազար երեխա. ՅՈՒՆԻՍԵՖ

Երեւանի աղբահանության հիմնարկի բաժիններից մեկի պետը դուրս է գալիս աշխատանքից

Զորավարժությունների արդյունքում մեր վստահությունն ավելացել է մեր ԶՈՒ-ի և հավաքական ուժի նկատմամբ. վարչապետ

Գյումրիում այրվել է մոտ 10 հա խոտածածկ տարածք և 20 պտղատու ծառ

Շուշի քաղաքում բացվել է հայ-իրանական գիտամշակութային կենտրոն

Երևանում և ևս 7 մարզում այսօր էլեկտրաէներգիայի անջատումներ կլինեն

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները