Ինչու են վաղը փակվելու դատարանների մուտքերը եւ ինչպիսին է լինելու ընթացքը. վարչապետը մանրամասնում է (տեսանյութ)

ՀՀ վարչապետ Նիկոլ Փաշինյանը ֆեյսբուքի իր էջում քիչ առաջ խոսեց «Հանուն անկախ դատարանի» ակցիայի մասին, որն իրականացվելու է վաղն առավոտյան ժամը 8:30-ից:

Հիշեցնենք,  ավելի վաղ վարչապետը կոչ  էր արել վաղն առավոտից բոլոր դատարանների մուտքերը փակել։

ՀՀ վարչապետն իր խոսքում նշեց.

«Վերջին ամիսներին եվ հատկապես վերջին օրերին շատ է սկսել քննադատվել թավիշը, թավշյա հեղափոխության հետ կապված խոսքերն ու բառերը: Ես ուզում եմ հիշեցնել, որ ինչ էլ մենք անում ենք, մեր արածների գործիքակազմը չի փոխվում: Եթե մենք արգելափակում ենք որեւէ կառույց, պետք է ամեն ինչ տեղի ունենա ոչ բռնի, թավշյա հեղափոխության համատեքստում:

Վաղը ոստիկանությունը պարտավոր է եւ դա իմ հրամանն է, որ ոստիկանությունն ապահովի խաղաղ ակցիայի իրակացումը: Բայց պետք է նաեւ մարդիկ իրենց մեջ հասկանան, որ բռնությունը պետք է մեր իրականությունից հանել: Ես ուզում եմ բոլորին հիշեցնել, որ ոչ բռնի, բռնությունն ու ատելությունը բացառող քաղաքական պայքարը մեր հաղթանակի կարեւորագույն գրավականն է: Ես համոզված եմ, որ այն տրամաբանությունը, որը մենք պահպանել ենք ժողովրդական հեղափոխության արդյունքում, կարող ենք շարունակել»:

Վարչապետը հորդորեց վաղվա ակցիային մասնակցող քաղաքացիներին լինել կատարյալ զգուշավոր, չտրվել սադրանքների, լինել միասնական, անհարմարությունների համար էլ, եթե հարկ լինի, անգամ ներողություն խնդրել:

«Մեզ ոչ մի բան հետ չի պահի Հայաստանն իսկապես ազատ եւ ժողովրդավարական, իրավական պետություն դարձնելուց, այդ ճանապարհով ես մինչեւ վերջ կգնամ, ես ինձ պարտավորված եմ զգում: Քանի դեռ ժողովրդին ես պարտավոր եմ ծառայություններ մատուցել, ես դրանք կմատուցեմ ամբողջ ծավալով:

Վաղը արգելափակվում են բոլոր դատարանների մուտքերն ու ելքերը: Ես հիմա էլ ունեմ վաղվա իմ ելույթի տեքստը պատրաստ, բայց քանի որ ասել եմ վաղը, ուրեմն վաղը ժամը 12:00-ին ես հանդես կգամ հայտարարությամբ:

Ես համոզված եմ, որ դուք ինքներդ կարող եք ձեր շարքերից հեռացնել սադրիչներին: Իհարկե, ոստիկանությւոնը պետք է ապահովի հավաքի բնականոն ընթացքը: Իհարկե, թե ինչ պետք է լինի, ես վաղը ելույթիցս հետո կհայտարարեմ, կասեմ մեր հետագա քայլերը:

Վաղվա ելույթը, հայտարարությունը կլինի կառավարությունում:

Երբեւէ մտքներովդ չանցնի, թե ես որեւէ բանի համար երկմտել եմ կամ վճռականության մի գրամ պակաս ունեմ:

Ես հնարավորինս ուզում եմ, որ ամեն ինչ լինի առանց իմ եւ ժողովրդի միջամտության, մենք պետք է գործենք միջազգային իրավունքի տառին համպատասխան եւ մեր գործը պետք է լինի իրոք անկախ դատական համակարգ ունենալը:

Այսօրվա իրավիճակի պատճառը նաեւ այն է, որ ես առաջին օրվանից ասել եմ, որ մեր իշխանությանը խամաճիկային դատարան պետք չէ:

Շարունակությունը կասեմ վաղը, ուղիղ կեսօրին:

Դատական համակարգի հարցն արդեն հասունացել է եւ լուծման կարիք ունի»,-եզրափակեց վարչապետը:

Տպել
4455 դիտում

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին