Երկու տարվա ընթացքում Տավուշում չի լինի չօգտագործված հող. մարզպետ Հայկ Չոբանյան

17/05/2019 schedule15:45

Առաջիկա մի քանի տարիներին Տավուշի ներդրումային հիմնական ծրագրերը գյուղատնտեսության ոլորտում են: Այս մասին այսօր լրագրողների հետ զրույցում ասաց Տավուշի մարզպետ Հայկ Չոբանյանը՝ ամփոփելով իր պաշտոնավարման 100 օրը:

«Իմ նպատակը եղել է կառավարման այնպիսի մեխանիզմների ներդրումը, որպեսզի կարողանանք մեր նպատակների իրականացմանը հասնենք: Ամենամեծ ձեռքբերումը, որ այս հարցում ունենք, մարզի ամբողջ մարդկային ռեսուրսի ներգրավումն է մեր ծրագրերի մեջ, լինի գյուղատնտեսություն, տուրիզմ, մշակույթ, արդյունաբերություն, թե մեկ այլ ոլորտ»,- ասաց Չոբանյանը:

Մարզպետը նշեց, որ բոլոր հարցերում մոտեցումը ռազմավարական է լինելու. «Դրվագային ոչինչ չենք անելու: Առաջիկա մի քանի տարիներին Տավուշի ներդրումային հիմնական ծրագրերը գյուղատնտեսության ոլորտում են: Մենք օգտագործում ենք մեր գյուղատնտեսական ներուժի չնչին մասը»:

Չոբանյանը նշեց, որ սխալ է այն կարծիքը, թե գյուղացին չի աշխատում կամ ալարկոտ է: Նա կարծում է, որ այսօր պարզապես գյուղատնտեսությունը շատ ցածր արդյունավետություն ունի. «Պարտավոր ենք գյուղատնտեսությունը դարձնել արդյունավետ գյուղացու համար, որպեսզի գյուղացին կրկին սիրահարվի գյուղատնեսությանը: Երկու տարվա ընթացքում Տավուշում չի լինի չօգտագործված հող: Այսօր արդեն այս առումով մեծ առաջընթաց ունենք»:

Չոբանյանը նաեւ նշեց, որ անվտանգությունն իրենց համար առաջնահերթություն է: «Որովհետեւ ցանկացած պահի կարող է մեր տարածաշրջանում իրավիճակ փոխվել ու կարող է փոխվել շատ կտրուկ: Դա կարող է ուղղակի հարված լինել մեր հայրենիքի համար»,- ասաց մարզպետը։

Չոբանյանը նշեց, որ ցանկացած ծրագիր, ցանկացած նախաձեռնություն, ցանկացած ներդրում ու ներգործություն իրենք դիտարկում են այդ պրիզմայով։ «Եթե կառուցվում է շենք, պիտի ունենա ապաստարան, եթե ստեղծվում են մեխանիզմներ, այդ մեխանիզմները պետք է աշխատեն նաեւ պատերազմական կամ արտակարգ իրավիճակում, մենք պարտավոր ենք այդպես անել»,- ընդգծեց մարզպետը:

«Տավուշի անվտանգության ապահովման համար մեր սկզբունքը լավագույնի սկզբունք է. ոչ թե անել՝ անելու համար, այլ լավագույնը ունենալու համար՝ առանց որեւէ սահմանափակման»,- ասաց Չոբանյանը:

Մարզպետի խոսքով՝ առաջիկա 1-2 ամիսների ընթացքում կգործարկվի նաեւ Տավուշի ռադիոն եւ հեռուստատեսությունը. «Սա ես շատ կարեւորում եմ մեր անվտանգության տեսանկյունից, որովհետեւ իրազեկումն ու իրազեկված լինելն անվտանգության հաջորդ բաղադրիչն է։ Դրա համար մենք բոլոր ծրագրերը վերնագրել ենք նաեւ «Դիմակայուն Տավուշ» ու սա է մեր հաջորդ ուղերձը բոլորին, ովքեր ապրում են այստեղ ու ցանկանում են ապրել, գործել Տավուշում»,- ասաց Չոբանյանը։

Չոբանյանի կարծիքով՝ ներդրումային ծրագրերի իրականացման մեջ վերջին տեղը պատկանում է փողին, իսկ առաջին տեղում վստահությունն է: «Շուրջ 100 ներդրումային ծրագրեր կան Տավուշում այս պահի դրությամբ»,- նշեց Չոբանյանը:

Մարզպետը նաեւ ասաց, որ 2019 թվականի ընթացքում մարզում ճանապարհաշինության բնագավառում ներդրումների ծավալը կկազմի շուրջ 8 միլիարդ դրամ: Շուրջ 91 կմ ճանապարհ կենթարկվի հիմնանորոգման, վերանորոգման եւ միջին նորոգման:

Տպել
920 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան