Մեղադրանքում նշված Քոչարյանի եւ Սարգսյանի «մերձավոր անձանցից» մեկը Ալրաղացի Լյովիկն է. գլխավոր դատախազը պարզաբանեց

ՀՀ գլխավոր դատախազ Արթուր Դավթյանը այսօր դատական նիստից հետո անդրադարձավ Ռոբերտ Քոչարյանի մեղադրանքի դրվագներից մեկին՝ «Ռոբերտ Քոչարյանը, Սերժ Սարգսյանը եւ նրա մերձավոր որոշ անձինք»: Մեր հարցին, թե ովքեր են այդ որոշ անձինք, Դավթյանը պատասխանեց. «Ձեր նկարագրած դրվագին առնչվում է, օրինակ, ԱԺ նախկին պատգամավոր Լեւոն Սարգսյանը»: Մեր ճշտող հարցին՝ այսինքն, խոսքը թիկնազորին համազգեստ բաժանելու դրվագի մասին է, Դավթյանը դրական պատասխան տվեց:

Մեր մյուս հարցին՝ նա սույն գործով կարգավիճակ ունի՞, Դավթյանը պատասխանեց, որ Լեւոն Սարգսյանի արարքին դեռեւս իրավական գնահատական չի տրվել, որովհետեւ նրա արարքին համապատասխան գնահատական տալու համար դեռեւս գործողություններ պիտի արվեն: «Մեր այս մեղադրանքը շարքային դասական պարզ նկարագրությամբ մեղադրանք չէ: Դա վերաբերում է շուրջ մեկ ամսվա իրադարձություններին: Այդ մեկ ամսվա իրադարձություններին տարբեր անձինք տարբեր մասնակցություն են ունեցել, նաեւ՝ էպիզոդիկ»,- ասաց ՀՀ գլխավոր դատախազ Արթուր Դավթյանը: «Մեր գործի քննությամբ դուք տեսաք՝ հնարավոր սեղմ ժամկետում մենք չորս ամբաստանյալների մասով ավարտեցինք, ուղարկեցինք դատարան, որպեսզի հրապարակային քննություն իրականացվի: Մյուսների գործողություններին դեռ պետք է գնահատական տալ՝ որքանով նրանք դիտավորության մեջ ներառված են, որքանով նրանք տեղյակ են: Այսինքն՝ այդ ամբողջը լինելու է քննության առարկա»,- ասաց Դավթյանը: Մեր հացին, թե ինչու Քոչարյանի մեղադրանքում հստակ ձեւակերպված չեն որոշ անձանց անունները, Դավթյանն ասաց, որ կոնկրետ անձանց անուններ ներկայացվում են այնքանով, որքանով ուղիղ ապացույցների բավարար համակցությունը դրան հանգեցնում է:

Վերջինս այսօրվա նիստում հայտարարել էր, որ ոչ պետական միջոցներից զինվորներին մոտ 120 մլն դրամ է բաժանվել: Լրագրողների հարցին, թե ինչ աղբյուրներից է այդ 120 մլն դրամը, Արթուր Դավթյանը պատասխանեց. «Քրեական գործով աղբյուրները, թե այդ գումարներն ինչ աղբյուրով են ձեւավորվել, դրա վերաբերյալ դեռեւս հրապարակման ենթակա նյութ չունեմ: Բայց դրանք ակնհայտորեն ոչ պետական միջոցներ են, որոնք գիտեք՝ ինչ նպատակի են ծառայել»:

Հարցին՝ եթե Քոչարյանին 2008 թվականին մեղադրանք առաջադրվեր՝ ի՞նչ հոդվածով էր առաջադրվելու, Արթուր Դավթյանը պատասխանեց. «Եթե առաջադրվեր մինչեւ 2009 թվականի փոփոխությունները, ուրեմն ՀՀ ՔՕ 300 հոդվածով՝ իշխանության յուրացում, որը օբյեկտիվ կողմի հատկանիշ ուներ սահմանադրական կարգը տապալելը»: Ճշտող հարցին՝ ինչ էր լինելու ելքը, Դավթյանը պատասխանեց. «Բացարձակ ոչ մի փոփոխություն չէր լինելու, որովհետեւ էդ ժամանակ գործող ՀՀ ՔՕ 300 հոդվածը սահամանել էր սահմանադրական կարգը տապալելը, հետո նոր ընդունված օրենքը արդեն նոր հանցակազմի ձեւով սահմանեց՝ սահմանադրական կարգը տապալելը»: Դիտարկմանը՝ պաշտպանական կողմը նշում է՝ ինչու է 7-ի գործով այս մեղադրանքով քրեական հետապնդումը դադարեցվել, իսկ Քոչարյանի մասով՝ ոչ, Դավթյանը ասաց. «Դրանք էապես տարբեր բաներ են, չկա պատճառաբանություն, ես չեմ կարող այդ հարցին պատասխանել՝ ինչու էին իրենք այդպես վարվել, ինչի են հետապնդումը դադարեցրել»:

Տպել
4065 դիտում

Թավշյա «թերապիան» եւ «վիրահատական» վեթինգը. վտանգներն ու հեռանկարը

Հայաստան-Լիխտենշտեյն ֆուտբոլային հանդիպման տոմսերը՝ 1000-6000 դրամ

Մեզ մտահոգում է ԱՄՆ-Իրան սրացող առճակատման մասին վկայող հռետորաբանությունը. ՄԱԿ

Անահիտ Հախումյանն ազատվել է Քաղաքաշինության կոմիտեի նախագահի տեղակալի պաշտոնից

Արմավիրում տղամարդն իր ջերմոցում ցանել, խնամել և աճեցրել է «կանեփ» տեսակի թվով 127 բույս. քրգործ է հարուցվել

Կառավարության օրակարգում կանանց իրավունքներին հատուկ ուշադրություն է հատկացված. ԱԳ նախարար

Հյուրանոցային 5 համար. Ուկրաինայի նախագահ Զելենսկիի ունեցվածքը Վրաստանում

Կոնկրետ անձի խնդիր չկա. Նաղդալյանը՝ ՀԱՊԿ գլխավոր քարտուղարի պաշտոնում Զասի թեկնածության մասին

Հայաստանը հավակնում է լինել առաջին երկիրը, որտեղ նախարարները կերթեւեկեն էլեկտրամոբիլներով (տեսանյութ)

«Փյունիկը» կոչ է անում ՀՖՖ-ին ազատվել հին «կանոններով» աշխատող մրցավարներից

Ադրբեջանը դարձյալ խախտել է պարտավորությունները ԵԱՀԿ-ի առջեւ. ԱԳՆ խոսնակ

Մեր կողմից այս հանգամանքը բարձրացվելու է մեր միջազգային գործընկերների առջեւ. Աննա Նաղդալյան

Բողոքի ակցիա մաքսատան դիմաց. հայրենիք վերադարձած Ղուկասյանը չի կարողանում անձնական իրերը տուն հասցնել

Տեղի կունենա ԱԺ արտահերթ նիստ. քննարկվելու է դատաիրավական համակարգի շուրջ ստեղծված իրավիճակը

Բրիտանիայում Ադրբեջանի դեսպանն արդեն անհանգստանում է Մխիթարյանի շուրջ աղմուկից

Այսօր սահմանային բախումների հետևանքով տակավին անմեղ կյանքեր են զոհվում. Գարեգին Բ-ն ԱՄԷ-ում

Մայիսի 25-ին Չինաստանի ԱԳ նախարարը կայցելի Հայաստան. 2 միջազգային պայմանագիր կստորագրվի

Մնացականյանը կմասնակցի ՀԱՊԿ ԱԳ նախարարների նիստին, որտեղ քննարկվելու է ՀԱՊԿ գլխավոր քարտուղարի հարցը. ԱԳՆ խոսնակ

ԱՄն քաղաքացի հայազգի Արա Դոլարյանը մեղադրվում է օտարերկրյա կառավարությանը զենքի ապօրինի վաճառքի եւ փողերի լվացման մեջ

«Իմ քայլը» խմբակցության անդամ Արթուր Իսպիրյանին քաշքշողների ինքնությունը պարզվել է. ոստիկանություն