Սպիտակում վերաբացվել է խնամքի ցերեկային կենտրոն և ներառական խաղահրապարակ. ԿԳՆ

Լոռու մարզի Սպիտակ քաղաքում վերաբացվել է Տարածքային մանկավարժահոգեբանական աջակցության կենտրոնը, որն այսուհետ հատուկ կարիքով շուրջ 100 երեխաների կմատուցի նաև ցերեկային խնամքի ծառայություն:

Ինչպես հայտնում են ԿԳՆ-ի մամուլի ծառայությունից, բացման արարողության ժամանակ ստորագրվել է եռակողմ փոխըմբռնման հուշագիր` ՀՀ կրթության և գիտության, աշխատանքի և սոցիալական հարցերի նախարարության, ՄԱԿ-ի մանկական հիմնադրամի` ՅՈՒՆԻՍԵՖ-ի միջև` Սպիտակի տարածքային մանկավարժահոգեբանական աջակցության կենտրոնի ընդլայնման և բարելավման վերաբերյալ:

Կենտրոնի վերանորոգման,  կահավորման  և վերականգնողական նոր ծառայությունների համալրման աշխատանքները կատարվել են ՄԱԿ-ի մանկական հիմնադրամի` ՅՈՒՆԻՍԵՖ-ի աջակցությամբ: Ծրագիրն ուղղված է ՀՀ  կրթության և գիտության նախարարության համընդհանուր ներառական կրթության պետական քաղաքականության իրագործմանը: Նորաբաց կենտրոնը նախկինում եղել  է հատուկ դպրոց. երկու տարի առաջ  Լոռու մարզում ներդրվել է համընդհանուր ներառական կրթության համակարգը,  որի շրջանակում Սպիտակի մտավոր թերզարգացում ունեցող երեխաների հատուկ օժանդակ դպրոցը վերածվել է մանկավարժահոգեբանական աջակցության կենտրոնի: Կենտրոնն այժմ Սպիտակում ու մոտակա համայնքներում ապրող կրթության հատուկ կարիք ունեցող 124 երեխաների մասնագիտական աջակցություն  է ցուցաբերում: Վերաբացումից հետո Սպիտակի տարածքային մանկավարժահոգեբանական աջակցության կենտրոնը դառնում է առաջին մասնագիտացված պետական կառույցը, որտեղ հատուկ դպրոցներից հանրակրթական դպրոցներ տեղափոխված երեխաները ժամը 12:00-ից մինչև 18:00-ը կստանան ամենօրյա ցերեկային խնամք` ներառյալ դասապատրաստման ծառայությունը:

Կենտրոնի բացման արարողությանը ներկա են եղել և ելույթ  ունեցել  Հայաստանում ՅՈՒՆԻՍԵՖ-ի ներկայացուցիչ Տանյա Ռադոչայը, ՀՀ կրթության և գիտության նախարարության գլխավոր քարտուղարի տեղակալ Արա Էդոյանը, ՀՀ աշխատանքի և սոցիալական հարցերի փոխնախարար Ժաննա Անդրեասյանը, Հայաստանում Արգենտինայի արտակարգ և լիազոր դեսպան պարոն Գոնզալո Ուրրիոլաբեիտիան, Լոռու մարզպետ Անդրեյ Ղուկասյանը, Սպիտակի քաղաքապետ Գագիկ Սահակյանը:

ՀՀ կրթության և գիտության նախարարության գլխավոր քարտուղարի տեղակալ Արա Էդոյանն իր խոսքում շնորհակալություն է հայտնել միջազգային գործընկերներին` ներառական կրթության ներդրման պետական ծրագրին աջակցելու համար. «Մի շարք մարզերում, այդ թվում նաև Լոռու մարզում ամբողջությամբ ներդրվել է ներառական կրթության համակարգը: Հատուկ դպրոցների երեխաները տեղափոխվել են հանրակրթական դպրոցներ, հաստատվել է ֆինանսավորման նոր սանդղակ, վերապատրաստվել են ուսուցիչները, ներդրվել է ուսուցչի օգնականի ինստիտուտը: Պետական քաղաքականությամբ նախանշված նպատակների իրականացման երաշխավորված հաջողությունը  անհնար կլիներ` առանց միջազգային գործընկերների, մասնավորապես ՅՈՒՆԻՍԵՖ-ի գործուն աջակցության: Այս կենտրոնի վերաբացումը այդ աջակցության վառ դրսևորումներից է»:

«Այս կենտրոնում մի տանիքի տակ տարբեր ծառայություններ համախմբելով` մենք ունենք համոզմունք, որ տարբեր կարիքներով երեխաները պետք է ապրեն ընտանիքում: Այստեղ երեխաները կարող են սովորել, շփվել, զարգանալ, բայց միևնույն ժամանակ ապրել տանը»,- իր խոսքում նշել է Հայաստանում ՅՈՒՆԻՍԵՖ-ի ներկայացուցիչ Տանյա Ռադոչայը:

«Հպարտ եմ, որ այս ծրագրին մասնակցել են Արգենտինայի քաղաքացիները:  Զգում եմ, որ այս պահին ես ներկայացնում եմ ոչ միայն իմ երկրի կառավարությանը, այլ նաև իմ երկրի քաղաքացիներին, ովքեր աշխատում են Հայաստանի իշխանությունների հետ` Հայաստանի քաղաքացիների համար: Այսինքն` ես ներկայացնում եմ արգենտինահայերին, ովքեր 100 տոկոս հայ են և 100 տոկոս Արգենտինայի քաղաքացի»,- նշել է Հայաստանում Արգենտինայի արտակարգ և լիազոր դեսպան պարոն Գոնզալո Ուրրիոլաբեիտիան:

Ծրագիրը, որի հիմնական նպատակներից մեկը հաշմանդամություն ունեցող երեխաներին ու նրանց ընտանիքներին իրենց համայնքում որակյալ ծառայությունները հասանելի դարձնելն է, կյանքի է կոչվել ՅՈՒՆԻՍԵՖ Հայաստանի և ՅՈՒՆԻՍԵՖ Արգենտինայի, «Հայաստան» համահայկական հիմնադրամի Արգենտինայի գրասենյակի և Արգենտինայի հայ համայնքի համատեղ ջանքերով:

Ծրագրի շրջանակում Սպիտակում բացվել է նաև ներառական խաղահրապարակ` նախատեսված հատուկ կարիքով երեխաներին համար:

Տպել
485 դիտում

Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Վարչապետը հարգանքի տուրք է մատուցել երեկ գիշեր ծառայության ընթացքում սպանված ոստիկանին (տեսանյութ)

Նախորդ մեկ ամսում Երեւանում այրվել է 10 աղբաման. վերջին դեպքով քաղաքացին ինքնախոստովանական ցուցմունք է տվել

«Էրեբունի-Երևան 2801» տոնակատարության միջոցառումների կազմակերպման համար փակ կլինեն մի շարք փողոցներ

«ԱԺ-ն իրավասու չէ տվյալ հարցով դիմելու ՍԴ». հրապարակվել են Հրայր Թովմասյանի հարցով դիմումի մերժման հիմքերը

Գորան Բրեգովիչի երևանյան համերգը հետաձգվել է եւ կկայանա նոյեմբերի 24-ին. նա կժամանի նվագախմբով

ՀՖՖ ֆուտբոլի ակադեմիայում մարզումները մի քանի տարիքային խմբերի համար այսուհետ կլինեն վճարովի

Ոստիկանի սպանության մեջ կասկածվող անչափահասն ընդունել է մեղքը, ասել, որ անկեղծորեն զղջում է

Թրամփի նամակը ստանալուց հետո Էրդողանն այն աղբամանն է նետել. BBC

Ես չեմ կարող մեկնաբանել պարոն Ալիևի հայտարարությունը. Մարիա Զախարովա

«Կոշ» ՔԿՀ-ի մոտ քաղաքացիներ են բերման ենթարկվել. մեքենայում մարիխուանայի նմանվող զանգված է հայտնաբերվել. ՔԿԾ

Կոտայքի մարզպետը դիմել է մարզի դատախազին` Քասախ համայնքի ղեկավարի որոշման իրավաչափությունը պարզելու համար

Ոստիկանին սպանելու մեջ կասկածվող անչափահասը հակասոցիալական վարքով երեխաների դպրոցի սան է. նա 10 օր է՝ դասի չէր գնում

Ձորաղբյուրում երեկվանից այրվող տան հրդեհը այսօր դեռ չի մարվել. բնակչի կրած վնասը անցնում է 7 մլն դրամը (լուսանկարներ)

Պուտինի հրավերով Թուրքիայի նախագահը կմեկնի Ռուսաստանի Դաշնություն

Սեռական բնույթի ձայնագրություններ չհրապարակելու, արատավոր տեղեկություններ չտարածելու համար գումարներ է գանձել

Կապանում սողանքից փլուզված տան փլատակների տակից եւս մեկ դի է դուրս բերվել

Մայր Աթոռի և Ճապոնիայի դեսպանատան միջև ձևավորվել է սերտ գործակցություն. հանդիպում Գարեգին Բ-ի հետ

Հայբիզնեսբանկի 24/7 ռեժիմով գործող Հեռախոսազանգերի կենտրոնն ունի նաև Viber և WhatsApp հավելվածներ

Ես զինվորական եմ, ո՞նց կարող եմ համաձայնել կամ չհամաձայնել գալ նիստերին․ Արշակ Կարապետյանն ԱԺ քննիչ հանձնաժողովում է