Նախատեսվում է գյուղատնտեսական սեզոնին ժամանակավոր աշխատողների ընտանիքներին չզրկել նպաստից

15/05/2019 schedule23:10

Վաղը կառավարության հերթական նիստին ՀՀ աշխատանքի և սոցիալական հարցերի նախարար Զարուհի Բաթոյանը կներկայացնի նախագիծ, որով նախատեսվում է գյուղատնտեսական սեզոնային ժամանակավոր աշխատանք իրականացնող անձանց ընտանիքներին այդ աշխատանքը կատարելու պատճառով չզրկել սոցիալական աջակցության պետական ծրագրերից օգտվելու հնարավորությունից:     

Նախագծով առաջարկվում է համապատասխան լրացումներ և փոփոխություններ կատարել, համաձայն որոնց ընտանիքների անապահովության աստիճանի գնահատման համար օգտագործվող բնութագրիչները կլրացվեն նոր «գյուղատնտեսական սեզոնային ժամանակավոր աշխատանք կատարող անձ» սոցիալական խմբով և կսահմանվեն դրա կիրառման առանձնահատկությունները։

Նախագծով, առկա իրավակարգավորումներին զուգահեռ, ներդրվում է նաև նոր մեխանիզմ` գյուղատնտեսական սեզոնային ժամանակավոր աշխատանք կատարող անձանց ընտանիքներին այդ աշխատանքի պատճառով ընտանեկան կամ սոցիալական նպաստից չզրկելու վերաբերյալ:

Նախագծի վերաբերյալ առաջարկություն է ներկայացրել ՀՀ արդարադատության նախարարությունը և նշել, որ նախագծի ընդհանուր կարգավորումից, ինչպես նաև Նախագծին կից ներկայացված հիմնավորումից պարզ չէ, թե ինչ սկզբունքով են ընդլայնվել միայն գյուղատնտեսական սեզոնային աշխատանք կատարող անձանց ընտանեկան կամ սոցիալական նպաստից չզրկելու արտոնությունները՝ հաշվի առնելով այն հանգամանքը, որ ՀՀ կառավարության 2005 թվականի որոշմամբ հաստատված սեզոնային աշխատանքների ցանկում ներառված են  նաև սեզոնային աշխատանքների այլ տեսակներ (օր.՝ անտառային տնտեսության և ծառայությունների մատուցման աշխատանքներ` տնկիների տնկում, անտառի վերականգնում, անտառամթերքների հավաքում,  ձկնորսական և լճային կենդանիների որսի աշխատանքներ և դրանց հետ կապված` ձկների և լճային կենդանիների որսի այլ արտադրանքների մշակման աշխատանքներ և այլն), որոնց պարագայում վերոնշյալ արտոնությունները կիրառելի չեն լինելու: 

«Վերոգրյալի հիման վրա գտնում ենք, որ նախագիծը լրացուցիչ հիմնավորման կարիք ունի՝ ելնելով դրանում նախատեսված կարգավորումների հստակեցման և միատեսակ մոտեցման դրսևորման անհրաժեշտությունից: Այս առումով նախագծի հիմնավորման մեջ անհրաժեշտ է նախատեսել համապատասխան դրույթներ»,- նշված է նախարարության առաջարկության մեջ և առաջարկվող փոփոխությունները ընդունվել են մասամբ:

ՀՀ ֆինանսների նախարարությունը թեև առաջարկ չի ներկայացրել, սակայն նշել է.«Միաժամանակ, ցանկանում ենք կրկին անգամ անդրադառնալ աշխատունակ (առողջ) և ոչ կենսաթոշակի տարիքի անձանց ընտանեկան նպաստի շրջանակում թողնելու և 2019 թվականից սկսած այդ անձանց նպաստառուների ցուցակում չընդգրկելու նպատակահարմարությունը՝ անկախ սոցիալական վիճակից:

Մեր գնահատմամբ աշխատունակ (առողջ) և ոչ կենսաթոշակի տարիքի անձանց ընտանեկան նպաստ տրամադրելը չի նպաստում (հակասում է) կառավարության հայտարարած աղքատության և գործազրկության կրճատման թիրախին, ստեղծում է պարարտ հող կոռուպցիայի համար, խրախուսում է աշխատունակ, մասնագի­տական կարողություններ ունեցող անձանց անգործությունը: Առաջարկվող վերանայ­ման արդյունքում նպաստի հատկացումը կդարձվի ավելի հասցեական, ի ցույց կդրվի աշխատանքը խրախուսելու պետության քաղաքականությունը: Պետության ուղերձը կլինի՝ աշխատունակ մարդը պետք է ջանք գործադրի աշխատելով անընդհատ բարելավել իր կյանքի որակը, այլ ոչ թե՝ աղքատությունը համարելով «դատավճիռ» կարեկցանք առաջացնի ինքն իր նկատմամբ, համակերպվի նպաստ ստանալով գոյատևելու հետ, իսկ առանձին դեպքերում ջանք գործադրի որպեսզի մնա այդ կարգավիճակում»:

Տպել
539 դիտում

Ժամանակակից աշխարհում մարդկային ներուժը հանդիսանում է գլխավոր ռեսուրսը. Գեոպրոմայնինգ ընկերության նախագահ Ռոման Խուդոլիյ

19-ամյա զինծառայողի մահվան դեպքով հարուցվել է քրգործ՝ ինքնասպանության հասցնելու հոդվածով

Անիի ավերակների տարածքում հրդեհ է բռնկվել

Սփյուռքի գործերի գլխավոր հանձնակատարն այցելել է Մոսկվայի հայկական եկեղեցական համալիր

2 օրում ՀՀ տարբեր բնակավայրերում փրկարարները 8 օձ են հայտնաբերել եւ տեղափոխել անվտանգ տարածք

Գեղարքունիքի մարզի Մադինա գյուղի մոտակայքում քաղաքացին ջրահեղձ է եղել գետում

Նախօրեին Երեւանի Ազնավուրի հրապարակի համերգի կազմակերպիչը քաղաքապետարանը չի եղել. պարզաբանում

Ջերմաստիճանն այսօր բարձր է 3-4 աստիճանով. ԱԻՆ-ը զգուշացնում է առաջիկա օրերի՝ բարձր կարգի հրդեհավտանգ լիենելու մասին

Վրաստանի բնակչության 66%-ը հայ-վրացական հարաբերությունները դրական է գնահատում. IRI

Իրականացվել է հսկվող այրում մոտ 6500 քմ տարածքում

Բինգյոլում հայերից մնացած մշակութային հետքերը օր օրի ոչնչանում են

Տավուշում վթարի է ենթարկվել քաղաքագետ Ստյոպա Սաֆարյանը (լուսանկարներ)

Զարեհ Սինանյանը հանդիպել է ՀՅԴ Հայ Դատի մոսկովյան հանձնախմբի ներկայացուցիչների հետ

Երևանում ծառն արմատախիլ է եղել և ընկել էլեկտրական լարերի վրա

Հրազդան քաղաքի բնակարաններից մեկում գազի արտահոսքից հրդեհ է բնկվել

Ուսումնասիրվում են պատմական փաստերը. Հայ եկեղեցին պատասխանել է ասորական համայնքին

Հրազդան քաղաքի բնակարաններից մեկում հայտնաբերվել է դի

27-ամյա երիտասարդը ձերբակալվել է` ծնողների նկատմամբ սպանության փորձ կատարելու կասկածանքով

Շախմատային փառատոն խորհրդարանի այգում. երեխաները մրցել են պատգամավորների հետ

Երևանում ձերբակալվել է 34-ամյա տղամարդ՝ 10-ամյա աղջնակի նկատմամբ սեքսուալ գործողություններ կատարելու մեղադրանքով