Աշակերտներ կան, որ շարունակում են սառը զենքով ու դանակով գալ դպրոց. Լոռու մարզպետ

«Դուք գիտեք, որ վերջին շրջանում ունեցել ենք 2 դեպք, երբ դասաժամին աշակերտներն իրար են դանակահարել, ունեցանք նաեւ դեպք, երբ մահվան ելքով այդ ամենը ավարտվեց, չեմ նշի դպրոցը, բայց վերջերս տնօրեններից մեկի աշխատասենյակում խուզարկության ժամանակ հայտնաբերվել են սառը զենքեր, որոնք հավանաբար աշակերտներից է վերցրել»,- այս մասին այսօր հայտարարեց Լոռու մարզպետ Անդրեյ Ղուկասյանը՝ դպրոցների տնօրենների հետ հանդիպման ժամանակ՝ նշելով, որ աշակերտներ կան, ովքեր շարունակում են դասի հաճախել՝ իրենց հետ բերելով դանակներ ու սառը զենքեր:

Մարզպետը տնօրեններին հորդորեց դպրոցներում իրականացնեն ամենօրյա հսկողություն, և կամ իրենք իրավիճակը վերահսկեն կա՛մ էլ դիմեն իրավապահ մարմինների օգնութանը. «Ինքներդ հսկեք, իրավիճակին տիրապետեք, և այն աշակերտները, որոնք կփորձեն ինչ-որ մի տեսակի սառը զենքով դպրոց մուտք գործեն, եթե դուք ինքներդ չեք կարողանում այդ հարցը կարգավորել, դիմեք կա՛մ մեզ, կա՛մ իրավապահ մարմիններին տեղյակ պահեք»,-ասաց նա:

Անդրադառնալով վերջին շրջանում իրավապահ մարմինների կողմից մարզի դպրոցներում հայտնաբերված խախտումներին ու հարուցված քրեական գործերին՝ Ղուկասյանը նշեց, որ այն տնօրենները, որոնց հետ կապված կլինեն քրեական գործեր, կազատվեն աշխատանքից.

«Կցանկանայի, որպեսզի տնօրենների հետ կապված որևէ քրեական գործ չլիներ մեր մարզում, բայց իրականությունն այլ է: Երբ մենք ունենում ենք չարաշահումներ 20 ու ավել մլն դրամից, դրանք վերականգնում եք կամ գործը հասնում է դատարան, այդ տնօրենները պետք է ազատվեն դպրոցում իրենց զբաղեցրած պաշտոնից: Դա միանշանակ է և առանց բացառության: Եվ գուցե օրենսդրական փոփոխություններ լինեն, որպեսզի դրանից հետո այդ մարդիկ 5 կամ 10 տարի չկարողանան զբաղեցնել ղեկավար պաշտոններ: Նման մարդիկ դպրոցում անելիք չունեն: Իսկ այն տնօրենները, որոնք իրենց աշխատանքը կատարում են բարեխիղճ և կրթության որակ են ապահովում, այդ տնօրենները լինելու են իմ բարեկամները, իրենց խնդիրները դարձնելու եմ իմ խնդիրները և ես ցանկացած հարցով պատրաստ եմ օգնել»:

Ղուկասյանը հիշեցրեց նաեւ, որ երբ ինքը նշանակվել էր մարզպետ, հանդիպել էր տնօրենների հետ, այսօր արդեն նշեց, որ իրեն տհաճ է, երբ շարունակում է ստանալ տարբեր միջնորդագրեր ու տեղեկություններ՝ այս կամ այն տնօրենների իրավախախտումների վերաբերյալ. «Ձեզնից որեւէ մեկը այլ բան չի պահանջել եւ չի պահանջում, միայն որակյալ կրթություն: Ձեզ տրված է մաքսիմալ անկախություն՝ ձեր դպրոցը կառավարելու, չի եղել մի դեպք, երբ ձեզնից այլ բան պահանջեն կամ ստիպեն: Վարչության պետը աշխատում է ամենօրյա ռեժիմով»:

Հանդիպման ընթացքում քննարկվեց նաեւ այն դպրոցների հարցը, որոնք աշակերտների տեղափոխման հետ կապված խնդիրներ են ունենում:

Տպել
908 դիտում

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին

«Ռեալ»-ն ու «Բարսա»-ն ուզում են խաղալ դեկտեմբերի 18-ին, առաջնության ղեկավարները համաձայն չեն

ՍԴ-ն մերժել է Ռոբերտ Քոչարյանի դիմումի հիման վրա գործի քննությունը

Եթե փոփոխություններն ուշացրել ենք, չի նշանակում՝ պետք է հաշված շաբաթների ընթացքում հապճեպ լուծել հարցը․ Սուրեն Սահակյան

Սուրեն Պապիկյանը Լիտվայի նորանշանակ դեսպանին ներկայացրել է ենթակառուցվածքների ոլորտի զարգացման առաջնահերթությունները

ՀՀ հավաքականից Եվրո 2020-ի եզրափակիչ փուլի ուղեգի՞ր էինք սպասում. օբյեկտիվորեն դա հնարավո՞ր էր

Բերդ համայնքում այրվել են մոտ 4 հա անտառամիջյան տերևներ և 20 ծառ

Երեւանում վթարի է ենթարկվել 67 համարի ավտոբուսը. տուժածներ չկան, վնասը նյութական է

Երևանում կանցկացվի Հնդկաստան-Հայաստան դեղագործական գործարար համաժողով- ցուցահանդեսը

Նկարչուհին ուզում է մանկատան երեխաներին արվեստի տարբեր ճյուղեր սովորեցնել, միայն թե պետությունն օգնի նյութերը ձեռք բերել

ԱՀ նախագահը մասնակցել է Դիլիջանի միջազգային դպրոցի հիմնադրման 5-ամյակին նվիրված տոնակատարությանը

Հարկեր հավաքելն այլեւս չի իրականացվում բիզնեսի «կաշին քերթելու» միջոցով. Արտակ Մանուկյան

Ոստիկանի սպանության գործով անչափահաս եղբորը մեղադրանք առաջադրվեց 4 հոդվածներով, մյուսին՝ 2. ՔԿ

Քաղաքապետարանը պարզաբանել է, թե ինչու են մանկապարտեզում երեխաներին կապել աթոռներից

Արմեն Սարգսյանին հավատարմագրերն է հանձնել Հայաստանում Զամբիայի նորանշանակ դեսպանը

Հաստատված 19 դրվագ խարդախության դեպքով մեղադրանք է առաջադրվել 23-ամյա կնոջ

Սարհատ Պետրոսյանը դիմել է վարչապետին՝ Կադաստրի կոմիտեի ղեկավարի պաշտոնից ազատվելու խնդրանքով

Մենք ընտրություն պիտի կատարենք՝ ժողովրդավարական տեխնոլոգիաներ ներկրող, թե՞ արտահանող հանրություն պիտի լինենք․ Նահապետյան

Միխայիլ Խաչատուրյանի հարազատները կվիճարկեն կրտսեր դստեր անմեղսունակության մասին եզրակացությունը