Վերաքննիչն անվավեր է ճանաչել ՃՈ որոշումը․ քաղաքացին կմասնակցի վարորդական վկայականի քննություններին

15/05/2019 schedule19:08

2019թ․ ապրիլի 17-ին ՀՀ Վերաքննիչ վարչական դատարանը փոփոխել է Վարչական դատարանի վճիռն ու անվավեր ճանաչել Կ․ Բ․-ին վարորդական վկայական ստանալու քննություններին մասնակցելն արգելելու՝ Ճանապարհային ոստիկանության 2017թ․ հուլիսի 10-ի որոշումը։ 

ՀՔԱՎ-ը հայտնում է, որ ՀՀ ճանապարհային ոստիկանության Վանաձորի հաշվառման քննական բաժանմունքի պետը 2017թ․ հուլիսի 10-ին թույլ չի տվել Կ․ Բ․-ին մասնակցել վարորդական վկայական ստանալու քննություններին՝ պատճառաբանելով, որ վերջինս հաշվառված է հոգեբուժական բժշկական հաստատության ցուցակում։ 

Մերժումը գրավոր ձևակերպմամբ տրամադրել է Կ․ Բ․-ին։ Դրանում հղում է կատարել «Ճանապարհային երթևեկության անվտանգության ապահովման մասին» 2005թ. ՀՀ օրենքի 29-րդ հոդվածի 1-ին մասի «բ» կետին։ Որը, սակայն, ոչ թե արգելում է քննություններին մասնակցել, այլ սահմանում է վարորդական վկայականի ուժը կորցնելու պայմանները՝ հոգեկան հիվանդություն ունենալու վերաբերյալ եզրակացության դեպքում։ 

Այս պարագայում Կ․ Բ․-ն դեռևս վարորդական վկայական չի ունեցել, հետևաբար՝ հոդվածն ինքնին կիրառելի չի եղել։ Իսկ քննությանը մասնակցելը կարող է արգելվել միայն թմրաբանական բժշկական հաստատություններում հաշվառված լինելու կամ տրանսպորտային միջոց վարելու իրավունքից զրկված լինելու պատճառով։ 

Բացի դրանից՝ հոգեկան առողջության խնդիր ունենալու հանգամանքը պետք է հաստատված լինի իրավասու մարմնի կողմից տրված եզրակացությամբ, ինչը ևս Կ․ Բ․-ի դեպքում չի եղել։ 

Կ․ Բ․-ի իրավունքների պաշտպանությունն ստանձնել է Հելսինկյան քաղաքացիական ասամբլեայի Վանաձորի գրասենյակը և Ճանապարհային ոստիկանության՝ 2017թ․ հուլիսի 10-ի որոշումը վիճարկել ՀՀ վարչական դատարանում։ 

ՀՔԱ Վանաձորի գրասենյակի փաստաբան Արտուր Հարությունյանը դատարան ներկայացրած հայցում վկայակոչել է վերը նշված հանգամանքները և պահանջել անվավեր ճանաչել ՃՈ որոշումն ու պարտավորեցնել թույլատրել Կ․ Բ․-ին մասնակցել քննություններին։ 

Վարչական դատարանը 2018թ․ հուլիսի 23-ին մերժել է հայցը։ Որպես Կ․ Բ․-ի հոգեկան առողջության խնդիրներ ունենալու ապացույց է ընդունել Ճանապարհային ոստիկանության հաշվառման շտեմարանից վերցրած գրառումը և եզրակացրել, որ վարորդական իրավունք տրամադրելու դեպքում Ոստիկանությունը իրավասու է նույն պահին վերցնելու այն՝ «Ճանապարհային երթևեկության անվտանգության ապահովման մասին» 2005թ. ՀՀ օրենքի 29-րդ հոդվածի 1-ին մասի «բ» կետի համաձայն։ 

Ա․ Հարությունյանը վերաքննիչ բողոք է ներկայացրել և մատնանշել Վարչական դատարանի թույլ տված խախտումները․ մասնավորապես այն, որ Վարչական դատարանը սխալ է մեկնաբանել օրենքի դրույթը, բացի դրանից՝ պատշաճ ապացույց է համարել ոչ իրավասու մարմնի կողմից տրված տեղեկատվությունը, Կ․ Բ․-ի հոգեկան առողջության խնդիրներ ունենալու մասին օրենքով սահմանված կարգով եզրակացություն չի ստացել։ 

Վերաքննիչ վարչական դատարանը հիմնավոր է համարել բողոքաբերի պնդումը, որ Վարչական դատարանն անհիմն է սահմանափակել Կ․ Բ․-ի իրավունքները, հիմնավոր է համարել նաև ոստիկանության հաշվառման շտեմարանից արտատպված գրառումը ոչ պատշաճ ապացույց համարելու պնդումը։ 

Վերաքննիչ դատարանն արձանագրել է, որ բացի նրանից, որ չի ներկայացվել օրենքով սահմանված իրավասու մարմնի կողմից կազմված եզրակացություն հայցվորի` հոգեկան հիվանդություն ունենալու մասին, Վարչական դատարանը չի պարզել նաև, թե ինչ ճանապարհով և ինչ ապացույցների հիման վրա է պատասխանողի շտեմարանում հայտնվել անձնական գաղտնիք հանդիսացող` անձի հոգեկան հիվանդության մասին տեղեկությունը։ 

Այսպիսով՝ Վերաքննիչ դատարանը եզրահանգել է, որ Ճանապարհային ոստիկանությունը 2017թ․ հուլիսի 10-ի որոշումն ընդունել է «Ճանապարհային երթևեկության անվտանգություն ապահովելու մասին» ՀՀ օրենքի 29-րդ հոդվածի 1-ին մասի «բ» կետի սխալ կիրառմամբ: Եվ որոշել է անվավեր ճանաչել որոշումն ու պարտավորեցնել թույլատրել Կ․ Բ․-ին վարորդական վկայական ստանալու համար ՀՀ օրենսդրությամբ նախատեսված որակավորման քննություններին մասնակցել:

Տպել
1062 դիտում

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր