Կայուն զարգացումը պահանջում է ամենօրյա աշխատանք. Ֆելիքս Ցոլակյան

15/05/2019 schedule17:55

«Կայուն զարգացումը պահանջում է ամենօրյա հետևողական աշխատանք կարողությունների զարգացման ուղղությամբ»,- Շվեյցարիայի Ժնև քաղաքում ընթացող «Աղետների ռիսկի նվազեցման գլոբալ պլատֆորմ 2019» շրջանակներում կայացած բարձրաստիճան երկխոսության ընթացքում իր ելույթում նշել է  Արտակարգ իրավիճակների նախարար Ֆելիքս Ցոլակյանը:

Նախարարն արձանագրել է, որ մեծ պատիվ է ներկայացնել Հայաստանը գերազանց կազմակերպված գլոբալ պլատֆորմի շրջանակներում ընթացող նման բարձր մակարդակի երկխոսության ժամանակ:

«Հայաստանում առկա են բազմաթիվ բնական աղետների ռիսկեր, սակայն ամենանշանակալին երկրաշարժերի վտանգն է: Անցած տարի, երբ հայ ժողովուրդը նշում էր Սպիտակի ավերիչ երկրաշարժի 30-րդ տարելիցը, մենք պատիվ ունեցանք ընդունել ՄԱԿ-ի Կենտրոնական Ասիայի և Հարավային Կովկասի աղետների ռիսկի նվազեցման (ԱՌՆ) տարածաշրջանային 2-րդ պլատֆորմը, որի շրջանակներում ընդունվեց Երևանյան հռչակագիրը: Այն հավաստում է աղետների ռիսկերի դասակարգման, գնահատման և մոդելավորման լավագույն փորձի տարածման, ուսուցողական ծրագրերում դրանց կիրառման, բնակչության իրազեկման կարևորությունը»,- նշել է Ֆելիքս Ցոլակյանը:

Իր ելույթում նախարար Ցոլակյանը անդրադարձել է աղետների ռիսկի նվազեցման բնագավառում Հայաստանի ձեռքբերումներին:

Նախարարը կարևորել է  աղետների ռիսկի կառավարման ոլորտում դերակատարների ամբողջական ընդգրկման անհրաժեշտությունը, որի համար կարող են հիմք հանդիսանալ ԱՌՆ օրենսդրության փոփոխությունները, ԱՌՆ ազգային ռազմավարության իրականացման ուղղությամբ բոլոր գերատեսչությունների, պետական և ոչ պետական կազմակերպությունների, համայնքների և անհատների գիտակցված մասնակցությունը։

Խոսելով այս ոլորտում Հայաստանի ձեռքբերումների մասին՝ նախարարը նշել է, որ 2005 թ. Հայաստանը միացել է Հյոգոյի գործողությունների ծրագրին, ինչից հետո միջազգային կառույցները սկսել են սատարել մեր երկրին աղետների ռիսկի նվազեցման պոտենցիալի ստեղծման գործում:

«Այս խնդրի լուծումն աղետների ռիսկի նվազեցման ազգային պլատֆորմի ստեղծումն էր, որը դարձավ ԱԻՆ և ՀՀ կառավարության համար կարևորագույն գործընկեր: 2017 թ. ՀՀ կառավարությունն ընդունեց աղետների ռիսկի կառավարման ազգային ռազմավարության և դրա իրականացման գործողությունների ծրագիրը: Ազգային պլատֆորմի և միջազգային գործընկերների աջակցությամբ մենք մշակել ենք ԱՌՆ և քաղաքացիական պաշտպանության մասին նոր օրենքի նախագիծ, որը կանոնակարգում է ռիսկերի նվազեցման, աղետների արձագանքման և վերականգնողական աշխատանքների իրականացման իրավունքներն ու պարտականությունները»,- նշեց Ֆելիքս Ցոլակյանը:

Նախարարն իր խոսքն ամփոփեց՝ շեշտելով, որ կայուն զարգացումը պահանջում է ամենօրյա հետևողական աշխատանք կարողությունների զարգացման ուղղությամբ։

Տպել
179 դիտում

Եթե հարցեր լինեն Սերժ Սարգսյանին, կդիմենք, որ ինքն էլ պատասխանի. Անդրանիկ Քոչարյան

Հայաստանը չի կարող հրաժարվել պատժամիջոցների տակ հայտնված Իրանից գազ գնելուց. Արարատ Միրզոյանը՝ ԱՄՆ-ում

Հայաստան-Սփյուռք կապերը պետք էլ ավելի ճկուն ու դինամիկ դարձնել. վարչապետ

Օհանյանին ու Բաբաջանյանին ես էի հրավիրել աշխատանքի, երբ սոցապի պետն էի. ԱԺ պատգամավորը գոհ է եղել աշխատակիցներից

Խնդիրը 3 միլիարդ դրամի ծախս է պահանջում. վարչապետն անդրադարձել է աղետի գոտու բնակարանային խնդիրների լուծմանը (տեսանյութ)

Ինչո՞ւ են ՔԿ-ի քննիչները և փորձագետներն Ամուլսարի հանքավայր այցելել «Լիդիան Արմենիա»-ի մեքենաներով. պարզաբանում

«Սիգ» ձկնատեսակի որսի արգելված լինելու պայմաններում 44 000 կգ սիգի իրացման փաստեր են պարզվել. հարուցվել է քրգործ

Արարատի մարզի Բուրաստան համայնքի տարածքում տեղադրվել է լուսանկարահանող արագաչափ. ոստիկանությունը զգուշացնում է

Հեռացող Տուսկի այցը. ԵՄ-ն աջակցո՞ւմ է Ադրբեջանի տարածքային ամբողջականությանը

Արարատ Միրզոյանը Atlantic Council-ում ներկայացրել է Հայաստանում սպասվող դատական համակարգի բարեփոխումները

Տիգրան Պասկեւիչյանն ազատվել է ՀՌՀ խորհրդի նախագահի խորհրդականի պաշտոնից

Հայաստանը 114-րդ հորիզոնականում է. հրապարակվել է ամենաթանկ ու էժան երկրների վարկանշային աղյուսակը

Եվրո 2020-ի դեսպան Նունու Գոմեշը, «Ռեալից» ու այլ հայտնի թիմերից մի շարք սկաուտներ Հայաստանում են

ՔԿ նախագահ Հայկ Գրիգորյանի գլխավորած պատվիրակությունը մեկնել է Ռուսաստանի Դաշնություն

Հարկադիր կատարման ծառայությունը 143.9 մլն դրամի վառելիք է ձեռք բերել՝ չհիմնավորելով դրա հետագա ծախսը․ ՊՎԾ

Սևանը ինքնամաքրվում է, այսօր թափանցիկությունը 6.5 մետր է. Շրջակա միջավայրի փոխնախարար

Սուրբ Սարգիս եկեղեցու գետնանցումում երկու հոգի խմած, դանակով հարձակվել են քաղաքացու վրա և քարերով հարվածել

Նիկոլ Փաշինյանը շրջակա միջավայրի փոխնախարար է նշանակել

Սոցապ ծառայության պետի տեղակալն ազատվել է, քարտուղարը դեռ աշխատում է, սակայն չգիտի, թե ինչ կլինի

Մաքրման աշխատանքները պատշաճ կերպով չիրականացվեցին եւ ջրի որակի վատթարացում գրանցվեց. Համբարձումյանը՝ Սեւանա լճի մասին