«UPSHIFT Հայաստան». առաջին քայլը վստահ է արված

15/05/2019 schedule14:47

Աշխարհի տարբեր երկրներում ՅՈՒՆԻՍԵՖ-ի կողմից իրականացվող UPSHIFT դեռահասների զարգացման և զորակցման ծրագիրը հաջող ընթացք ունի նաեւ Հայաստանում: Ծրագրի շրջանակներում կայացել է «BootCamp» համայնքային երիտասարդական ծրագրերի մրցույթը, որին 12-ից 18 տարեկան երիտասարդներից կազմված խմբերը 10 ծրագիր են ներկայացրել: Որպես պիլոտային մեր երկրում ներդրված միջազգային այս ծրագիրը իրականացվում է Շիրակի եւ Լոռու մարզերում: Նպատակն է՝ երիտասարդներին եւ դեռահասներին սովորեցնել, թե ինչպես կարելի է բացահայտել համայնքների խնդիրները, գտնել լուծման տարբերակներն՝  այդ գործում իրենց անմիջական ներգրավման միջոցով:

«BootCamp»-ում ներկայացված 10 ծրագրից լավագույն 5-ը ճանաչվել է հաղթող: Իրենց գաղափարը որպես ծրագիր կյանքի կոչելու համար UPSHIFT-ի շրջանակներում 150.000 դրամ կստանա 5 թիմ՝ «Smart map», «Ծառատունկ, թռչունների համար բներ եւ կերակրի ամաններ», «Էկոլոգիապես մաքուր տոպրակներ», «Gyumririver», «Համայնքը մեր ձեռքերով»:«Նախապես ներկայացված ծրագրերը 70-ից 80 տոկոս փոփոխություն են կրել: Բուն գաղափարի ներկայացման ժամանակ երիտասարդը բարձրաձայնում էր խնդիրը՝ չպատկերացնելով լուծման տարբերակներն ու դրա նորարարական մոտեցումները: Իսկ մեզ համար կարեւոր էր երիտասարդների մեջ բացի նախաձեռնողականությունից եւ համայնքի  խնդիրների բարձրաձայնումից եւ լուծելուց, դրանց նկատմամբ ձեւավորել նորարար մոտեցում: Ուստի, մենթորների հետ տարված աշխատանքն ավելի շատ ուղղված է եղել երիտասարդների, պատանիների կողմից խնդիրների լուծման ուղիներն ավելի իրատեսական եւ նորարար դարձնելուն: Մեր նպատակն է երիտասարդներին կրթել, երիտասարդներին զարգացնել, եւ վերջիններիս հնարավորություն տալ համայնքներում, իրենց միջավայրում խնդիրները բարձրաձայնել եւ լուծումներն առաջարկել, որոնք հնարավոր կլինի լուծել ծրագրի կողմից տրամադրված ֆինանսական աջակցության միջոցով եւ իրենց ակտիվ մասնակցությամբ»,-ասում է ծրագիրը Հայաստանում իրականացնող ԵՆԿ հկ նախագահ Արթուր Նաջարյանը:Ստացված 43 գաղափարից 10-ի ընտրությունը հեշտ չի եղել: Արթուր Նաջարյանն ասում է՝ մի կողմից գաղափարն են ընտրել, մյուս կողմից ծրագրի ձեւաչափում դրա իրականացման իրատեսական լինելը: «Արդյունքում ստացվել է, որ մենք հիմնականում ունենք այն ծրագրային գաղափարները, որոնք տրված ֆինանսական աջակցությամբ հնարավոր է լուծել: Այս ամենով հանդերձ, մենք կարեւորում ենք նաեւ ՏԻՄ-ի, բիզնես սեկտորի հետ հնարավոր համագործակցությունը»:Ըստ Յունիսեֆի հայաստանյան գրասենյակի ներկայացուցչի տեղակալ Լիվ Էլին Ինդրեյտընի, հայ երիտասարդների գաղափարները շատ քիչ են տարբերվում աշխարհի տարբեր երկրներում ապրող իրենց հասակակիցների մտքերից ու ձգտումներից: Առաջին տեղում բնապահպանական խնդիրներն են:«Աշխարհն առհասարակ քանի որ գլոբալ փոփոխությունների մեջ է, բնապահպանական կայունությունը խնդիր է բոլոր տեղերում: Մեկ կարեւոր հնագամանք կարող եմ նշել՝ այգիների, պուրակների բարեկարգումը եւ կանաչապատումը աշխարհի շատ երկրներում է հիմա արդիական: Հետաքրքրությունը նրանում է, որ չնայած գաղափարներն ու ծրագրային թեմաները նմանություններ ունեին, տարբերվում էին իրենց լուծման ուղիներով եւ առհասարակ գործիքակազմով: Ամենասկզբում, երբ հայտերը տեսանք, ճիշտն ասած՝ մտահոգվեցինք: Գաղափարները նման թվացին, բայց հետագայում, երբ որ արդեն 43 ծրագրերից ընտրեցինք 10 լավագույնը, մենթորների հետ սկսեցին աշխատել թիմերը, շատ արագ տեսանք, թե ինչպիսի զարգացում ապահովեցին երեխաները: Ծրագիրը դարձավ ավելի նորարար: Սկզբում երիտասարդները, խնդիրներն առաջարկելով, լուծումները չէին պատկերացնում: Բայց երբ այդ 10 թիմերի հետ տեղի ունեցավ ծրագրի նախագծումը, ամեն ինչ հունի մեջ ընկավ»,-ասում է Լիվ Էլին Ինդրեյտընը:

UPSHIFT դեռահասների զարգացման և զորակցման ծրագիրը Հայաստանում իրականացվում է Գյումրու YIC-ի միջոցով: Արդյո՞ք Յունիսեֆ-ը գոհ է այս համագործակցությունից եւ հկ-ի աշխատանքից: Լիվն ասում է՝ գոհ լինելուց բացի նաեւ ոգեւորված են:«Համագործակցությունն իրականում շատ հագեցած է եւ հաջողված: Միասին շատ բան ենք սովորում, որովհետեւ երկուսիս համար էլ նոր է ծրագիրը Հայաստանում իրականացնելը: Այս պահի դրությամբ փորձում ենք ադապտացնել UPSHIFT-ը, որովհետեւ, երբ միջազգային ծրագիրը փորձում ես ներդնել մի երկրում, պետք է հաշվի առնես նաեւ մշակութային մտածողությունը, իսկ մենք եւ YIC-ն այդ ամբողջ ճանապարհը հաջողությամբ ենք առաջ գնում»:

Որպես պիլոտային մեր երկրում ներդրված ծրագիրը 6 փուլով կիրականացվի եւս 2 տարի:

Տպել
392 դիտում

Պոտենցիալ «վեթինգվածների» երկակի ստանդարտները

Հարգանքի տուրք է մատուցվել ՀՀ ոստիկանության պարեկապահակետային ծառայության գնդում (տեսանյութ)

Սիրիայում 9 ժամ կտտանքների ենթարկելուց հետո քարերով սպանել են 60-ամյա հայուհու

Տեղի է ունեցել ընդունելություն ԱՄՆ-ում ՀՀ դեսպանությունում` ի պատիվ ԱԺ նախագահ Արարատ Միրզոյանի

Իջևանում տեղի ունեցած բախումից տուժած 12 ոստիկաններից մեկը հիվանդանոց է տեղափոխվել գանգուղեղային վնասվածքով. մանրամասներ

Ռուսաստանը հայտնել է Թուրքիային ռազմական ինքնաթիռներ վաճառելու պատրաստակամության մասին

Նպատակը վեթինգը չէ, այլ անաչառ դատարան ունենալը. որ ասենք՝ մեր անկախ, սկզբունքային դատարանը որոշեց. Ն. Փաշինյան

Բախում Իջեւանում. 9 վիրավոր ոստիկան տեղափոխվել է հիվանդանոց

Վրաստանի վթարից տուժած ծայրահեղ ծանր վիճակում գտնվող 14-ամյա տղան գիտակցության է եկել. նա սկսել է ինքնուրույն շնչել

Եթե Քոչարյանը քաղբանտարկյալ է, ուրեմն ես իրավունք ունեմ տանկերի տակ ճզմել ցանկացած ընդդիմադիր շարժում. վարչապետ

Երեւան-Սեւան ավտոճանապարհին ձորն ընկած բեռնատարի վարորդը մահացել է

100 հազար դոլար, 18 մլն դրամ. ԱԱԾ քննչական դեպարտամենտի պետի ունեցվածքը

Հայաստանի և Ադրբեջանի միջև թեժ գիծն աշխատում է, բայց դա չի երաշխավորում, որ մենք զոհեր չենք ունենա. վարչապետ

Երեւանում Իսպանիայի ու Պորտուգալիայի 19 տարեկանները ցույց տվեցին այն, ինչ Հայաստանում չկա

Վենետիկի հանձնաժողովի կողմից պաշտոնական միայն մի դիրքորոշում է եղել. Նիկոլ Փաշինյան

Թուրքական դատարանը Հրանտ Դինքի սպանության գործով տարբեր ժամկետներով դատապարտել է 9 մարդու

Խաչիկ գյուղի մոտակայքում խոտածածկ տարածք է հրդեհվել

Մի բուդկայի պես սեփականաշնորհվել է ՍԴ-ն. եղել է քաղաքական առեւտուր, 4 մարդիկ ստացել են իրենց հասանելիքը. վարչապետ

Իսպանիայի նորանշանակ դեսպանն իր հավատարմագրերի պատճենն է հանձնել ՀՀ ԱԳ փոխնախարարին

Ապօրինի ծառահատում Ահնիձոր գյուղի հարակից անտառում