Քոչարյանի աջակիցները դատարանի բակում միացրին Մարտի 1-ին ապօրինի ձերբակալվածներից մեկին նվիրված «Մենք ժպտում ենք» երգը

Երեւան քաղաքի ընդհանուր իրավասության դատարանում այսօր քննվում էր Ռոբերտ Քոչարյանի խափանման միջոցի հարցը։ Դատարանի բակում միաժամանակ երկու ակցիա էր ընթանում՝ մի մասը պահանջում էր ազատ արձակել Քոչարյանին, մյուս մասը՝ արդար դատավարություն եւ ազատազրկում։

Քոչարյանին սատարող ցուցարարներն իրենց ակցիայի ընթացքում պարբերաբար տարբեր երգեր էին միացնում։ Ամենայն հավանականությամբ երգերը ընտրել էին ըստ բովանդակության, դրանցից շատերն ազատության մասին էին։

Ուշագրավ է, որ վերջինը հնչեց հայկական «Լավ էլի» ռոք խմբի «Մենք ժպտում ենք» երգը։

Այս երգը գրվել է 2008 թվականի մարտիմեկյան արյունալի իրադարձություններից հետո եւ նվիրված է մարտի մեկին ապօրինաբար ձերբակալված Դավիթ Մաթեւոսյանին։

Խմբի վոկալիստ եւ կիթառահար Մհեր Մանուկյանն իր հարցազրույցներից մեկում պատմել է, որ ինքը մարտի մեկի գիշերն ազատության հրապարակում է եղել եւ այդ օրվա դեպքերի ժամանակ ուղեղի ցնցում է ստացել, եւ դրանից հետո երկար ժամանակ ստեղծագործելու ցանկությունը ցամաքել էր, բայց մարտիմեկյան դեպքերից հետո պայթյուն տեղի ունեցավ, եւ մեկը մյուսի հետեւից նոր երգեր ստեղծվեցին, որոնցից մեկն էլ հենց «Մենք ժպտում ենք» երգն է․

«Իմ ավագ ընկերներից մեկը` Դավիթ Մաթեւոսյանը, մարտի մեկին ապօրինի կերպով ձերբակալվեց եւ բանտից գրեց «Մենք ժպտում ենք» վերնագրով հոդվածը։ Համանուն երգը գրել եմ հոդվածից ոգեշնչված, եւ շղթաները վերաբերում էին ընկերոջս ձեռքերին ամրացված շղթաներին։ Իհարկե, հետո նա ազատ արձակվեց»,-ասել է երգի հեղինակը։

«Լավ էլի» խմբի միայն այս երգը չէ, որ քաղաքացու, կամ պայքարի, կամ ազատության մասին է։ Խումբն այս թեմայով շատ երգեր ունի, որոնցից մեկի բառերն էլ, ի դեպ, գրել է վարչապետ Նիկոլ Փաշինյանը։ Երգի անունը՝ «Ձոն գարնանամուտի»։

Իսկ ահա «Մենք ժպտում ենք» երգը մարտի մեկից մինչ օրս՝ արդեն տասը տարի հնչում է որպես հեղափոխության ճանապարհի երգ։ Հեղափոխության ընթացքում էլ այն լսվում էր կաթվածահար եղած շատ ու շատ փողոցներից․

«Նրանք մեզ ուրացան, բայց մեր հացը կերան,
Մեր թեթեւ քայլերին լարեցին թակարդներ,
Մենք նրանց խղճացինք, նրանք սխալ հասկացան
Երկնեցին նորանոր ծուղակներ:

Մենք նրանց բերեցինք նոր օրվա երազներ,
Ջահել ճիչ բերեցինք ապագա օրերի,
Նրանց հայացքը, ափսոս, վաղուց խուլ է դարձել,
Մեր զնգուն, գրկաբաց երգերին,
Մեր սիրուն, աղմկոտ երգերին…

Բայց մենք ժպտում ենք…

Նրանք մեզ նայեցին, բայց, ավաղ, չտեսան,
Նրանց վախը ոռնաց խեղված հրամաններ,
Նրանց մութը պատեց, եւ քայլերը նրանց,
Բռնեցին արյունոտ ճամփաներ:

Նրանք մեր աչքերում իրենց վերջը զգացին, 
Փութալով փնտրեցին փրկության ճամփաներ,
Նրանք մեր ընթացքին նենգ պատեր կանգնեցրին
Կապեցին սեւակնած շղթաներ…
Կապեցին հուսահատ շղթաներ…

Բայց մենք ժպտում ենք…
Մենք ժպտում ենք… մենք ժպտում ենք…

Մեր ժպիտն այդ պատերը քանդում է,
Մեր ժպիտը շղթաներն այդ փշրում է,
Արեւն ափներիս դառնալու ենք մենք տուն,
Ուր մեր որդիները մեր ժպիտով են ժպտում…

Մենք ժպտում ենք… մենք ժպտում ենք…
Մենք ժպտում ենք… մենք ժպտում ենք…
Մենք ժպտում ենք… մենք ժպտում ենք…

Լուսաբացն է շուտով փարվելու աշխարհին,
Գարունը դառնալու է իր տեղը շուտով,
Այս խութերն էլ անցած քայլելու ենք կրկին,
Մեր հանդարտ, լուսավոր ժպիտով․․․»,-այսպես են երգի բառերը:

Տպել
2829 դիտում

Թուրքիայում տեղի ունեցած երկրաշարժի հետեւանքով զոհերի թիվը հասել է 14-ի

Չեմ հավատում այն մարդկանց, որոնք գիրք են գրում, բայց որեւէ մրցանակ չեն ակնկալում. մրցանակբաշխություն ՀԳՄ-ում

4 մարդ է զոհվել Թուրքիայի արեւելքում տեղի ունեցած երկրաշարժի պատճառով

Դպրոցի տնօրենի մրցույթը կարող է լինել հարցազրույցով եւ ըստ զարգացման ծրագրի. օրենքում փոփոխություններ են առաջարկվում

Թուրքիայում ժամը 20:55-ին 6.8 բալ ուժգնությամբ երկրաշարժ է տեղի ունեցել

2019 թվականին Արմավիրում սեփական եկամուտների հավաքագրումների ցուցանիշն աճել է 12,0 %-ով կամ 577,1 մլն դրամով

Բուլղարիան 2 ռուս դիվանագետի է արտաքսում երկրից. պատճառը լրտեսության մեղադրանքն է

Գեղասահորդուհի Անաստասիա Գալուստյանը դուրս մնաց եվրոպայի առաջնությունից

Ժամը 22:00-ի դրությամբ Վարդենյաց լեռնանցքը բեռնատարների համար փակ է

Վանաձորում լուսացույցներից շատերը խափանվել են. քաղաքապետը միտում է տեսնում. կան նաեւ քանդված փողոցներ (լուսանկարներ)

Աշտարակի ոստիկանները թմրանյութ են հայտնաբերել. բերման է ենթարկվել Աղձքի 55-ամյա մի բնակիչ

Մարզպետ Դավիթ Գեւորգյանը ծանոթացել է Արագածոտնի սպանդանոցի տեխնիկական հագեցվածությանը

Ոստիկանության բարեփոխումների կարևորագույն նպատակը ոստիկանություն-քաղաքացի նոր հարաբերությունների հաստատումն է. վարչապետ

Թել Ավիվում՝ ձյուդոյի «Գրան պրի» օլիմպիական վարկանիշային մրցաշարում, Ֆերդինանդ Կարապետյանը բավարարվել է արծաթե մեդալով

Երեւանում մայթով երթեւեկած մեքենան ու վարորդը հայտնաբերվել են (տեսանյութ)

Եվրամիության ղեկավարությունը ստորագրել է Մեծ Բրիտանիայի՝ ԵՄ-ից դուրս գալու համաձայնագիրը

Օգտագործել միայն լավ եփված սնունդ, շշալցված ջուր, չայցելել կենդանաբանական այգիներ. ինչպես խուսափել չինաստանյան վիրուսից

Մխիթար Հայրապետյանը զորակցություն է հայտնել Ադրբեջանի կողմից հետախուզվող Էլենի Թեոխարուսին

Հանդիպել են Հայաստանի եւ Վրաստանի արտգործնախարարները

ՊԵԿ մաքսանենգության դեմ պայքարի վարչությունը 2019-ին կանխել է թմրամիջոցների տարանցիկ տեղափոխման 6 փորձ