Ինձ մոլորության մեջ գցեցին, շտապելով արագ ստորագրեցի, հետո տեսա, բայց էլ չտվեցին. բողոք «Յունիբանկ»-ի դեմ

Երեւան քաղաքի բնակիչ Անահիտ Կարապետյանն ահազանգել է «Հայկական ժամանակ»-ի խմբագրություն ու բողոքում է, որ «Յունիբանկ»-ից իրեն մոլորության մեջ են գցել եւ ուզում են գումարներ շորթել:

Քաղաքացին «Յունիբանկ»-ի Մարգարյան 29/11 հասցեում գտնվող մասնաճյուղերից մեկում անցած տարի 25 հազար դոլարին համարժեք գումար է դրել, սակայն այսօր մտավախություն ունի, որ կարող է այդ գումարը հետ չստանալ, կամ չափից պակաս ստանալ, քանի որ իրեն ստորագրել են տվել մի փաստաթղթի տակ, որը ավելի ուշ հասկացել է, որ կարող է իր դեմ օգտագործվել:

«Ապրիլի 25-ին գնացի «Յունիբանկ»-ի Մարգարյան մասնաճյուղ, որ գումարիցս հանեմ, դստերս ուսման վարձը վճարեմ, ասեցին՝ այդ մասնաճյուղում այդքան գումար չկա, պետք է գնամ գլխավոր մասնաճյուղից ստանամ: Շատ էի շտապում, խառնված էի, մի քանի ժամ էլ սպասել էի, որ գործարք անեն, վերջում ասեցին՝ չի ստացվում: Վերջին պահին, երբ արդեն դուրս էի գալիս, մի փաստաթուղթ բերեցին եւ ասեցին՝ պետք է արագ ստորագրեմ, որ կարողանամ այնտեղից ստանալ: Շտապողականության ու անուշադրության հետեւանքով այդ թուղթը ստորագրեցի, հետո տեսա, որ վճարման անդորրագիր էր, բայց ոչ գումարի չափ կար գրված, ոչ էլ ամսաթիվ»,- պատմեց Անահիտ Կարապետյանը:

Քաղաքացին մտավախություն ունի, որ իր ստորագրությամբ այդ փաստաթուղթը կարող են օգտագործել եւ իր հաշվից գումար կորզել: Նրա կասկածներն ավելի են շատացել այն բանից հետո, երբ գլխի ընկելուց հետո բանկ է գնացել ու պահանջել նախորդ օրվա ստորագրած փաստաթուղթը: Փաստաթուղթը քաղաքացուն ցույց չեն տվել, բանկում սկանդալ է ստեղծվել, բայց անօգուտ:

Անահիտ Կարապետյանը դիմել է Մարդու իրավունքների պաշտպանին, սակայն այնտեղ էլ ասել են, որ իրենք նման հարցերով չեն զբաղվում, Կարապետյանին ուղղորդել են գնալ Կենտրոնական բանկ, այնտեղ էլ ոչինչ չի ստացվել: «Միայն նրա համար, որ ինձ խաբելով թուղթ են ստորագրել տվել՝ իրենց դատական գործ է հասնում: Ես առաջինը չեմ, ավելի ուշ իմացա, որ այդ բանկի հետ կապված նման դեպքերը շատ-շատ են: Նրանք իրար մեջ բաներ էին խոսում, ինչ-որ բան էին քննարկում, վերջում էլ, օգտվելով իմ խառնված ու լարված վիճակից, այդ թուղթը ստորագրել տվեցին»,-ասաց Անահիտ Կարապետյանը:

«Յունիբանկ»-ից «Հայկական ժամանակ»-ին հայտնեցին, որ ավանդային գործառությունների եւ հաշիվների վերաբերյալ տեղեկատվություն տրամադրում են միայն ոստիկանությամբ ու դատարանով: Քաղաքացու խնդիրը լսելուց հետո «Յունիբանկ»-ի վերը նշված մասնաճյուղի աշխատակցուհին փորձեց համոզվել, որ մենք իսկապես գիտենք, թե ուր ենք զանգահարել, նա շեշտեց, որ մենք գործ ունենք «Յունիբանկ»-ի հետ եւ որ իրենց բանկը երբեւէ նման բաներով չի զբաղվել ու չի զբաղվում:

Հ.Գ. Ավելի ուշ «Հայկական ժամանակ»-ի խմբագրություն այցելեց քաղաքացի Կարապետյանը ու հայտնեց, որ իր հետ կապ են հաստատել «Յունիբանկ»-ից: Քաղաքացին գնացել է բանկի կենտրոնական մասնաճուղ, պարզվել է, որ կատարվածը պարզապես թյուրիմացության հետեւանք է, եւ ամեն ինչ հարթվել է: «Յունիբանկ»-ից Անահիտ Կարապետյանին խոստացել են, որ փաստաթուղթը, որի տակ վերջինս չմացությամբ ստորագրել էր, ի վնաս իրեն չի օգտագործվի:

Տպել
3441 դիտում

Պողոս Պողոսյանի սպանության գործով հարցաքննվել է նաեւ նրա եղբորորդին

2008-ից հետո խլել են բիզնեսներս, բայց իրավապահ համակարգը այսօր էլ դիմադրում է հեղափոխությանը. բաց նամակ վարչապետին

Տավուշում որեւէ արտառոց դեպք չի գրանցվել, պայթյուն չի եղել, Ենոքավան գյուղում էլ ինքնաթիռ չի ընկել. Սիփան Փաշինյան

Բրիտանական դատարանը սկսել է Իրանի նկատմամբ ունեցած պարտքի գործով լսումները

«Honda CR-V» մակնիշի ավտոմեքենան հարվածել է պատին. 23-ամյա վարորդը հոսպիտալացվել է

Մխիթար Հայրապետյանը հեռախոսազրույց է ունեցել Լիբանանի երիտասարդության և սպորտի հարցերով նորանշանակ հայ նախարարի հետ

Թբիլիսիում 1,5 տարվա դադարից հետո ԱՄՆ դեսպան է նշանակվել

Երիտասարդի ներքնազգեստի մեջից բյուրեղանման զանգվածների 105 փաթեթ է հայտնաբերվել. ՀՀ ոստիկանություն (տեսանյութ)

Լիբիայի ազգային բանակի հրամանատար Հաֆթարի ուժերը ռմբակոծել են Տրիպոլիի օդանավակայանը

Գագիկ Խաչատրյանի եղբորորդին՝ Կարեն Խաչատրյանը, 20 միլիոն դրամ գրավի դիմաց ազատ կարձակվի

Խնդիրն իր կարեւորությամբ եւ աննախադեպությամբ գտնվում է Խորհրդի եւ իրավապահ մարմինների առաջնային ուշադրության կենտրոնում

2019-ի հունիս-նոյեմբեր ամիսներին Սեւանի թերակղզի են այցելել մոտ 158 հզ. զբոսաշրջիկ

Սուբվենցիոն ծրագրով Վանաձորում ասֆալտապատված 15 փողոցներից առայժմ միայն 1-ն է դրական գնահատակ ստացել

ՀՀ ՊՆ-ն ամփոփել է ՄԱԿ-ի բնակչության հիմնադրամի հետ համագործակցության 2019թ. ծրագիրը

Բացահայտվել են Աշտարակի դպրոցի տնօրենների ապօրինությունները

Հաջորդ Ամանորին կառավարությունը տոնակատարությունների համար ավելի մեծ գումար կհատկացնի

Ձեռք չեն բերվել այնպիսի տվյալներ, որոնք կվկայեին դիտավորությամբ արձակված կրակոցի մասին. Գոռ Աբրահամյան

Մենք բանակցում ենք Ադրբեջանի հետ՝ անկախ նրանից, թե ով է ադրբեջանական կողմում․ ՀՀ արտգործնախարար

ՀՀ եւ Ադրբեջանի արտգործնախարարները հանդիպելու պայմանավորվածություն ունեն. Զոհրաբ Մնացականյան

Գործընկերս նոր տեղեկացրեց, որ հրապարակային կերպով մահվան սպառնալիքներ եմ ստացել. Արեն Մկրտչյան