Երեւանի քաղաքապետարանը մերժե՞լ է Մյասնիկյան պողոտայում վերգետնյա անցում կառուցելու ներդրողի առաջարկը

Մայիսի 11-ին Մյասնիկյան պողոտայում՝ «Բելաջիո» ռեստորանային համալիրի հարեւանությամբ մահվան ելքով վրաերթ էր տեղի ունեցել: «Գազել» ավտոմեքենայի վարորդը վրաերթի էր ենթարկել տարածքում բնակվող հետիոտնին: Վրաերթի հարեւանությամբ բնակվող քաղաքացիները փակել էին ճանապարհը՝ պահանջելով, որ Երեւանի քաղաքապետարանը վերջապես իր տված խոստումը կատարի եւ նշված վայրում վերգետնյա անցում կառուցի:

Այսօր «Հայկական ժամանակ»-ին է դիմել քաղաքացի Արթուր Մարդոյանը: Նա պատմեց, որ ամիսներ առաջ ներդրող է եղել, որը ցանկացել է այդտեղ վերգետնյա անցում կառուցել, սակայն քաղաքապետարանը ինչ-ինչ պատճառներով ձգձգել է պրոցեսը:

Մարդոյանը պատմեց, որ հեղափոխության օրերին, երբ հավաքվում էին Ֆրանսիայի հրապարակում կամ Հանրապետության հրապարակում, յուրաքանչյուր մարդ խոսում էր այն թեմայից, որն իր համար ցավոտ է եղել: «Այդ օրերին ես ակամայից իմացա, որ Մյասնիկյան պողոտայում՝ «Բելաջիո»-ից վերեւ՝ չհասած Կենդանաբանական այգի, կա երկկողմանի կանգառ, այդտեղ կան սեփական տների բնակիչներ, ովքեր իջնում են կանգառ եւ ոչ մի այլընտրանք չկա՝ փողոցը անօրինական անցնելուց բացի: Նրանք չեն կարող բարձրանալ, Նոր Նորքից շրջվել կամ իջնել, Շրջանայինից շրջվել: Այդ օրերին, երբ բնակիչներն ինձ դա պատմեցին, ես խորհուրդ տվեցի, որ սպասեն, երբ արդեն նոր իշխանություն կձեւավորվի եւ կանցնեն իրենց աշխատանքին՝ եկեք ես էլ ձեզ կօգնեմ, միասին գնանք, ես էլ իմ անձնական խնդիրներն ունեմ, կդիմենք ու հույս ունենանք, որ այդ հարցերին լուծում կտրվի: Պայմանավորվեցինք: 2018 թվականի հունիս-հուլիս-օգոստոս ամիսներին գրավոր դիմեցինք քաղաքապետարան: Մեզ պատասխանեցին, որ ունեն ծրագիր՝ 2 տարվա ընթացքում նախատեսել են 2 հատ վերգետնյա անցում կառուցել՝ 1 հատ այդ հատվածում, 1 հատ էլ Ջրաշխարհի մոտ: Այդ դիմումի պատասխանը ստանալուց հետո նորից դիմեցինք քաղաքապետարան, նշեցինք, որ կա մարդ, ով այդ օրերին շատ սրտացավ էր ու պատրաստ էր գումար ներդնել ինչ-որ մի լավ գործի համար: Այդ ամեն ինչից ելնելով՝ նորից դիմեցինք Երեւանի քաղաքապետարանի աշխատակազմի քաղաքաշինական գործունեության հատուկ կարգավորման ծրագրերի բաժնի պետ Արբակ Վարդանյանին՝ նշելով, որ այդ հարցերը մենք կարող ենք կարգավորել: Միայն մեզ քաղաքապետարանի կողմից նախագիծ տվեք, որ հետո չստացվի, թե այս նախագիծը լավը չի, այն նախագիծը լավը չի: Դուք դրանք տվեք, ֆինանսական առումով մենք կկազմակերպենք՝ արագ կառուցելու համար: Մենք նշել էինք, որ ամեն վայրկյան կարող է մարդ զոհվել: Օրինակ բերեցի, երբ քաղաքային տրանսպորտն ընկավ երեւանյան լիճ, ընկնելուց հետո նոր բերեցին պարիսպ անցկացրեցին այդ հատվածում: Նրանք դարձյալ ասացին, որ այդ ամեն ինչն իրենց նախագծում կա, հիմա այլ գործերով են զբաղված»,- պատմեց Մարդոյանը:

Քաղաքացին նշում է, որ դրանից հետո դիմել են այն ժամանակ դեռեւս առաջին փոխվարչապետի պաշտոնը զբաղեցնող Արարատ Միրզոյանին. «5 օրվա ընթացքում պատասխան ստացանք քաղաքապետարանից, որ եկեք՝ նստեք զրուցենք, քանի որ փոխվարչապետը նրանց հանձնարարական էր տվել: Մյասնիկյանի պողոտայի բնակչի հետ հանդիպեցինք Արբակ Վարդանյանին, նորից ջուր ծեծոցի եղավ: Ես ասացի՝ դուք հստակ նախագիծ տվեք, ես ներդրողին տամ, դա արագ է պետք անել»:

Մարդոյանը նշեց, որ այդ հանդիպումը եղել է 2018 թվականի դեկտեմբերին. «Դրանից հետո ասում էին՝ մի հատ վաղը զանգեք, մի հատ մյուս օրը զանգեք: Մենք գնացել զրուցել ենք, բայց այդ զրույցը չի կայանում, քանի որ չկա այդ սրտացավությունը: 2 րոպե խոսելուց հետո ասում են՝ լավ, զբաղված ենք, սա այն հարցն է, որ պետք է մասնագետ կանչենք: Մի 10 օրից զբաղվենք: 10 օրից զանգում ենք, ոչ մեկ հեռախոս չի վերցնում: Ու այդպես ամեն ինչ արհեստական ձգձգելով՝ գալիս հասնում է նրան, որ արթնանում ենք միայն այն դեպքում, երբ որ մարդ է զոհվում»,- ասաց Մարդոյանը:

Մեր հարցին, թե ո՞րն է ձգձգելու պատճառը, եթե նրանք ֆինանսական որեւէ կորուստ չեն կրում, Մարդոյանը պատասխանեց. «Իրենց մոտ այդպես է, եթե մի տեղ հետաքրքրություն չկա, այլ չարչարանք է, բնակչի, համայնքի համար է, դա անցնում է երրորդական, չորրորդական պլան»:

Մարդոյանը ասաց, որ հեղափոխության օրերին նրանք անձնական հարցով չէին դուրս եկել. «Ոչ մեկ անձնական հարց չէր բարձրացնում, թե եկեք օրինակ ավտոտնակ կառուցենք: Այդ մարդն, ով հեղափոխությունից ելնելով՝ Ռուսաստանից եկել էր Հայաստան ու ասում էր՝ ինչ անեմ ձեզ համար, ասացինք՝ այսպիսի հարց կա, կօգնե՞ս, այդ պահին պիտի ամեն ինչ կատարվի: Այդ մարդը հետո էլի զանգում է, ի՞նչ եղավ, 10 օր հետո, 20 օր հետո, ի՞նչ եղավ: Դե հիմա ասա, որ Արբակ Վարդանյանը զբաղված է: Նա էլ ասում է՝ լավ, երբ այդ մարդիկ կազատվեն, ասեք: Ընդամենը կամեցողություն է պետք, ոչ թե անգործություն: Ամենահասարակ պատասխանը՝ չէ չի լինի, ժամանակ չկա, ինչ եք ընկել սրա հետեւից: Որովհետեւ իրենք չեն ապրում այդտեղ: Ժամանակին ահազանգ է եղել, որ այստեղ այսպիսի վիճակ կա»,- եզրափակեց Մարդոյանը:

ՀԺ-ն փորձեց քաղաքապետարանից պարզաբանում ստանալ, թե ինչո՞ւ է քաղաքապետարանը մերժել տարածքում վերգետնյա անցում կառուցելու ներդրողի առաջարկը, սակայն Երեւանի քաղաքապետի մամուլի քարտուղար Հակոբ Կարապետյանն ասաց, որ գրավոր հարցում ուղարկենք, ինչը եւ արել ենք:

Տպել
1677 դիտում

Արդարադատության նախարարը պատրաստ է ցանկացած լրագրողի հետ այցելել հիվանդանոց, անցնել հետազոտություն

«Միսս տիեզերք Արմենիայի» ու «Միսս աշխարհ Արմենիայի» մասնակիցների սոցցանցի չատում վեճեր չկան

2019 թ. հունվար-մայիսին ՀՀ ներմուծված մարդասիրական օգնության աճի տեմպը նախորդ տարվա համեմատ նվազել է 46,4 %-ով

Հայաստանի ճանաչելիությունը գնալով բարձրացել է, մենք միջազգային խաղացող ենք դարձել. Մեխակ Ապրեսյան

Սևանա լճում ավարտված է ջրիմուռների աճման շրջանը, ջուրն ինքնամաքրվում է

Բակո Սահակյանն այցելել է «Կարկառ» զբոսաշրջային հանգստյան համալիր

Եթե հարցեր լինեն Սերժ Սարգսյանին, կդիմենք, որ ինքն էլ պատասխանի. Անդրանիկ Քոչարյան

Հայաստանը չի կարող հրաժարվել պատժամիջոցների տակ հայտնված Իրանից գազ գնելուց. Արարատ Միրզոյանը՝ ԱՄՆ-ում

Հայաստան-Սփյուռք կապերը պետք է էլ ավելի ճկուն ու դինամիկ դարձնել. վարչապետ

Օհանյանին ու Բաբաջանյանին ես էի հրավիրել աշխատանքի, երբ սոցապի պետն էի. ԱԺ պատգամավորը գոհ է եղել աշխատակիցներից

Խնդիրը 3 միլիարդ դրամի ծախս է պահանջում. վարչապետն անդրադարձել է աղետի գոտու բնակարանային խնդիրների լուծմանը (տեսանյութ)

Ինչո՞ւ են ՔԿ-ի քննիչները և փորձագետներն Ամուլսարի հանքավայր այցելել «Լիդիան Արմենիա»-ի մեքենաներով. պարզաբանում

«Սիգ» ձկնատեսակի որսի արգելված լինելու պայմաններում 44 000 կգ սիգի իրացման փաստեր են պարզվել. հարուցվել է քրգործ

Արարատի մարզի Բուրաստան համայնքի տարածքում տեղադրվել է լուսանկարահանող արագաչափ. ոստիկանությունը զգուշացնում է

Հեռացող Տուսկի այցը. ԵՄ-ն աջակցո՞ւմ է Ադրբեջանի տարածքային ամբողջականությանը

Արարատ Միրզոյանը Atlantic Council-ում ներկայացրել է Հայաստանում սպասվող դատական համակարգի բարեփոխումները

Տիգրան Պասկեւիչյանն ազատվել է ՀՌՀ խորհրդի նախագահի խորհրդականի պաշտոնից

Հայաստանը 114-րդ հորիզոնականում է. հրապարակվել է ամենաթանկ ու էժան երկրների վարկանշային աղյուսակը

Եվրո 2020-ի դեսպան Նունու Գոմեշը, «Ռեալից» ու այլ հայտնի թիմերից մի շարք սկաուտներ Հայաստանում են

ՔԿ նախագահ Հայկ Գրիգորյանի գլխավորած պատվիրակությունը մեկնել է Ռուսաստանի Դաշնություն