«Գարդասիլին» այլեւս չեմ անդրադառնալու, ավելացնելու բան չկա. նախարարը եւս պատվաստվել է

«Ինձ, իհարկե, շատ հասկանալի է այն մոտիվը, որով ուռճացվում է այդ թեման նաեւ տարբեր լրատվամիջոցների կողմից տրվող հարցի միջոցով, որովհետեւ կարծես թե շատ այլ բան չի մնացել կպնելու, հիմա էլ նորից որոշել եք վերադառնալ այս հարցին, խաղալ մարդկանց նուրբ լարերի հետ»,- այսօր հրավիրված ասուլիսում արձանագրեց առողջապահության նախարար Արսեն Թորոսյանը` անդրադառնալով Մարդու պապիլոմա վիրուսի դեմ պատվաստումների տարիքային շեմը բարձրացվելու մասին հարցին:

«Պատասխանը շատ պարզ է. Հայաստանի Հանրապետությունը որոշել  է պայքարել նաեւ արգանդի վզիկի քաղցկեղի դեմ, ինչպես աշխարհի շատ երկրներ, քանի որ արգանդի վզիկի քաղցկեղը Հայաստանում տարեկան 120 կնոջ կյանք է խլում: Եվ պատվաստումների ազգային օրացույցում ներդրվել է մարդու պապիլոմա վիրուսի դեմ պատվաստանյութ, կոնկրետ այս դեպքում` «Գարդասիլ 4»-ը նաեւ մեր միջազգային գործընկերների աջակցության շնորհիվ, որոնք առաջին խմբաքանակները նվիրել են, իսկ մոտկա տարիների համար անհրաժեշտ խմբաքանակները պատրաստ են վաճառել 25 անգամ ավելի էժան գնով, քան դրա շուկայական գինն է: Եվ Հայաստանի Հանրապետությունը շարունակելու է իր քայլերը այդ ուղղությամբ ու շարունակելու է փրկել կյանքեր` անկախ դրա դեմ անհիմն մեղադրանքներից, որոնք մինչ օրս որեւէ կերպ հիմնավորված չեն եղել»,- ասաց նա:

Հավելեց, որ պատվաստումների վերին շեմը բարձրացվել է երկու նպատակով` մարդկանց ցույց տալու համար, որ այս պատվաստանյութը կարող է օգտակար լինել նաեւ ավելի բարձր տարիքի անձանց` թե' տղամարդկանց, թե' կանանց: Ըստ նրա, պատվաստանյութի ներդրումից հետո ապացուցվել է, որ այն կարող է օգտագործվել մինչեւ 45 տարեկանը: Նախարարն ինքն էլ պատվաստվել է, ինչի մասին այսօր հայտարարեց լրագրողների հետ հանդիպման ժամանակ: Նաեւ նշեց, որ ի տարբերություն պատվաստանութի ներդրման սկզբնական ժամանակահատվածի, էապես աճել է պատվաստումից չխուսափողների թիվը:

«Մեր հաստատակամ քայլերը եւ անհիմն ձայները լռեցնելը իր արդյունքը տալու է եւ մեր մայրերը, նրանց աղջիկները տարբեր տարիքում հասկանալու են, որ իրենց պաշտպանելու եւ քաղցկեղը բուժելու համար այս պատվաստանյութը վճռական է: Գումարած դրան մենք էլի այլ ծրագրեր էլ ենք ներդնելու քաղցկեղի դեմ պաքարելու համար, միայն արգանդի վզիկով չենք սահմանափակվելու ընդհանուր մեր քաղաքականության շրջանակներում: Եվ ես կոչ եմ անում այս թեման ոչ մասնագիտական քննարկման օրակարգից ընդհանրապես հանել, որովհետեւ չկա ապացուցված որեւէ վտանգ այս պատվաստանյութի հետ կապված, ինչպես մեր: Դա մենք ապացուցում ենք թե’ միլիոնավոր մարդկանց, թե մեր սեփական փորձով»,- առաջարկեց նախարար Թորոսյանը:

Նաեւ հայտարարեց, որ «Գարդասիլին» այլեւս չի անդրադառնալու: Հարցին էլ, թե ինչու պետք է վստահել նախարարությանը եւ ոչ ընդդմախոսներին, արձագանքեց. «Որովհետեւ մենք խոսում ենք փաստերով, իսկ մեր ընդդիմախոսները ենթադրություններով եւ վախենալու վիդեոներով: Պաշտոնապես հայտարարում եմ` Գարդասիլի վերաբերյալ ավելացնելու, խոսելու, քննարկելու որեւէ բան չկա: Մենք մեր քայլերը շարունակելու ենք, մենք շարունակելու ենք փրկել մեր երեխաների, մեծերի կյանքեը, ինչպես օրինակ փրկում ենք կարմրուկից, պոլիոմելիտից, դիֆթերիայից, կապույտ հազից: Եվ ես խորհուրդ եմ տալիս հիմնվել փաստերի, ապացույցների վրա եւ ոչ թե տարբեր անհասկանալի աղբյուրներից հղումների վրա: Այդքան բան»:  

Տպել
644 դիտում

Բուհերում անհրաժե՞շտ են հայոց լեզու եւ հայոց պատմություն առարկաները. խոսում են մասնագետները

Այսօր Քիմ Քարդաշյանի ծննդյան օրն է (լուսանկարներ, տեսանյութ)

Ավելի քան 2 մլրդ դրամի փոշիացում Սեւանա լճում՝ «Իշխան» ձկնատեսակի պաշարների վերականգնման ոլորտում. հարուցվել է քրգործ

Ավտովթար Գորիս-Կապան ավտոճանապարհին. BMW-ն բախվել է արգելապատնեշին. կա վիրավոր

Միացյալ Նահանգներում անտառային հրդեհների դեմ պայքարող Սմոքի արջը կայցելի Հայաստան

Գարեգին Բ-ն նոր նշանակում է կատարել Ռուսաստանի եւ Նոր Նախիջեւանի հայոց թեմում

Հակոբ Արշակյանը խոսել է Զինեդին Զիդանի հետ (լուսանկար)

Միհրան Հարությունյանն առաջին պարտությունն է կրել MMA-ում

Ֆրանսիայում հարձակվել են Nouvelles d'Armеnie հայկական պարբերականի խմբագրության վրա

Դե, հրավիրեք, էլի. ինչո՞ւ է իրար Խառնվել ԵԱՀԿ-ն

Ոհմակը կկշտանա՞. «Ռոյալ-Արմենիան» ազատում է շուկան

Շիրակի մարզում Suzuki-ն, 200 մետր գլորվելով, հայտնվել է ձորում. կա 3 զոհ, 1 վիրավոր

Զգո՛ւյշ, բալային կրճատումներ են. աղքատները էլ ավելի են աղքատանում

Ucom-ում գործում է «Որակյալ սմարթֆոններ բոլորի համար» առաջարկը

ՎՏԲ-Հայաստան Բանկը և Մուլտիկարտա ընկերությունը ստորագրեցին համագործակցության համաձայնագիր

Վարչապետը մասնակցում է «Կրթություն ​բոլորի ​համար» միջազգային ​ցանցի ամենամյա ​համաժողովին (տեսանյութ)

Փրկարարները ճանապարհից հեռացրել են շրջված հենասյունը

Խնձորի փառատոն, խնձորի արձան և խնձորի ամենաերկար կարկանդակը Նոր Գեղիում

Տրանսպորտային նոր համակարգի ներդրումը մեր առաջնահերթ խնդիրն է. Հայկ Մարությանը Բրյուսելում է

Նիկոլ Փաշինյանը և Աննա Հակոբյանը ներկա են գտնվել «Ավրորա» բարեգործական համերգին