Խաժակյանը դիմեց վարչապետին, Հայկ Մարությանի կառավարումը համարեց անարդունավետ ու անկանխատեսելի

Երեւանի ավագանու «Լույս» խմբակցության ղեկավար Դավիթ Խաժակյանը քաղապետարանի ամբիոնից այսօր դիմեց վարչապետ Նիկոլ Փաշինյանին, որը ժամանակին քաղաքապետի թեկնածու էր, հիշեցրեց այդ քարոզարշավի ընթացքում նրա որդեգրած սկզբունքներն ու զուգահեռ անցկացրեց քաղաքապետ Հայկ Մարությանի գործունեւթյան միջեւ։

Խաժակյանը նախ մեջբերեց Երեւանի քաղաքապետի նախկին թեկնածու Նիկոլ Փաշինյանին․ «Պաշտոնապես ասում եմ՝ Երեւանի քաղաքապետի պաշտոնը չեմ օգտագործելու իմ քաղաքական համակրանքներն ու հակակրանքները կիրառելու համար։ Երեւանի քաղաքապետի կարգավիճակը ինձ համար ոչ թե քանդելու, փրթել, թափելու, մարդկանց տոկի տալու միջոց է, այլ ստեղծելու, արարելու, Երեւանին նոր շունչ ու թարմություն հաղորդելու միջոց է։ Այսպես էր արտահայտվում 2017 թվականին Երեւանի քաղաքապետի թեկնածու Նիկոլ Փաշինյանը, երբ դիմում էր երեւանցիներին՝ վստահության քվե ստանալու համար։ Ես եւ մեր խմբակցությունը այդ թիմի մասն էինք եւ կանգնած էինք Երեւանին նոր շունչ ու թարմություն հաղորդող եւ ոչ թե քանդող եւ քաղաքական հակակրանքներ կիրառող քաղաքապետի թեկնածուի կողքին։ Երկու տարի առաջ այս շրջանն էր՝ մայիս ամիսը, երբ մենք շրջում էինք բակերով եւ ասում, որ հուսահատության գազելներից, մահվան վերելակներից, աղբի եւ փոշու կույտերից  ելք կա»։

Այնուհետեւ Դավիթ Խաժակյանն անդրադարձավ հաջորդ ընտրություններում հայտարարված սեւի եւ սպիտակի պայքարին ու խորհրդարանի արձակման նպատակին։  

«Դրանից էլ անցան ամիսներ։ Օրեր առաջ մայրաքաղաքում այրվեց այդ հուսահատության գազելներից մեկը, հանրային տրանսպորտի վիճակը ավելի է վատթարացել եւ քաղաքացիները հարցնում են ձեզ, պարոն Մարության, տրանսպորտի խնդրի լուծմանը 0.1 նանոմետրով հասնելու համա՞ր եք փորձում կրկնապատկել ձեր աշխատավարձը։ Մենք թերթում ենք ձեր պաշտոնավարաման ութերորդ ամիսը եւ քմծիծաղով ենք վերհիշում մահվան վերելակների փոխարինման ձեր աշխարհացունց սխեման՝ քաղաքապետարանի պարտատոմսեր թողարկելու վերաբերյալ։ Գոնե լավ է, որ այլեւս նման մտքեր չեն հնչում, բայց շատ վատ է, որ երեւանցին շարունակում է իր տուն մտնել՝ հատելով մահվան վերելակի շեմը, որի անվտանգ շահագործման պատասխանատուն այլեւս դուք եք։ Աղբի եւ փոշու կույտերի մասին նույնիսկ չեմ խոսում, երկար ժամանակ է արդեն, ինչ դրանք սարերի են վերածվել»,- հայտարարեց ընդդիմադիր խմբակցության ղեկավարը։

Անդրադառնալով քաղաքապետարանի հաստիքացուցակին, որտեղ առաջարկվող փոփոխություններն ու աշխատավարձի բարձրացումը չէր արժանացել «Իմ քայլը» խմբակցության հավանությանը եւ այսօր հանվեց օրակարգից, Դավիթ Խաժակյանը համոզմունք հայտնեց, որ քաղաքապետարանի հաստիքացուցակը ըստ էության համարժեք է կառավարության կառուցվածքին եւ Հայկ Մարությանն այլընտրանք չունի եղած համակարգին։

«Դուք փորձում էիք ուռճացնել ձեր աշխատավարձը եւ չեք խորշել ձեզ նախատեսել յոթ խորհրդրական (հիմա տեսնենք ապագայում ինչպես կփոխեք)։ Չեք խորշել նրանց համար նախատեսել գործավարներ, վարորդներ եւ ծառայողական մեքենաներ։ Տարբեր վարչություններում եւ բաժիններում մի շարք հաստիքների ավելացման ֆոնին, պարո՛ն քաղաքապետ, դուք նախատեսում էիք կրճատել հինգ բաժին ունեցող ֆինանսական վարչության պետի երկու տեղակալի հաստիքները եւ, զարմանալի մի բան, վերջում մեզ ծանուցեցին, որ մի քանի վարչական շրջաններում իրար անհամատեղելի բաժիններ եւս փորձում էիք միավորել։ Այս ամենն արել եք ազատվելու համար այն անձանցից, ում չկարողացաք նկատողություններով ազատել, ում վրա չստացվեց գործ հարուցել։ Ահա սա է այն վառ օրինակը, որ դուք կառավարումն իրականացնում եք՝ հիմք ընդունելով ձեր քաղաքական համակրանքներն ու հակակրանքները։ Գոնե այդպես պլանավորում էիք անել։ Մենք քայլառաջ ենք իսկապես, որ ձեր պլանավորածը չստացվեց»,- համոզմունք հայտնեց Դավիթ Խաժակյանը։

Քաղաքապետարանի քաղաքային եւ քաղաքական այդ ամբիոնից նա դիմեց վարչապետին ու Երեւանի քաղաքապետի նախկին թեկնածուին։

«Ես համոզված եմ, որ երբ ասում էիք՝ մեկ շնչին ընկնող կանաչ տարածքների մակերեսը նորմայից պակաս է, դա չէր նշանակում, որ կանաչապատման ծախսերը պետք է նվազեցնել։ Ես համոզված եմ, որ երբ ասում էիք՝ քաղաքապետարանի աշխատակազմը պետք է օպտիմալացնել, դուք նկատի չունեիք թվաքանակի շարունակական աճը եւ ընդլայնումը։ Ես համոզված եմ, որ դուք երկու միլիարդով չէիք ավելացնի ադմինիստրատիվ ծախսերը, այլ կուղղեիք դրանք քաղաքի զարգացմանն ու բարեկարգմանը»,- նկատեց ավագանու անդամը։

Նա թերահավատորեն է վերաբերվում քաղաքապետ Հայկ Մարությանի այն պնդումներին, թե աշխատավարձերի բարձրացումը միայն պարգեւավճարների հաշվին է։ Նա նախ հիշեցրեց, որ պարգեւավճարների ֆոնդն արդեն մի անգամ ավելացվել է, ապա համոզմունք հայտնեց, որ հաջորդ տարի նույնպես քաղաքապետարանը դիմելու է ավագանուն՝ որոշակի պարգեւավճարների ֆոնդ սահմանելու համար, որովհետեւ զարգացած քաղաքաներում առանց դրա հնարավոր չէ։

Վերջում Դավիթ Խաժակյանը նաեւ ահազանգ հնչեցրեց, թե քաղաքն այսպես անկանխատեսելի կերպով չի կարող կառավարվել։

Երեւանի քաղաքապետ Հայկ Մարությանը արձագանքեց Դավիթ Խաժակյանի ելույթին եւ ասաց, որ նրա հետ համաձայն չէ։

Տպել
2939 դիտում

Ժողովրդի իշխանություն հետ բերած առաջնորդը էսօր Հայաստանի ոգին կբերի մեզ մոտ. Սարգիս Մանուկյան

Վանաձորի կերպարվեստի թանգարանը կապիտալ նորոգվում է (լուսանկարներ)

Ռոհանին կոչ է արել Պարսից ծոցի երկրներին համատեղ ապահովել տարածաշրջանի անվտանգությունը

Ես երբեք որևէ ներքաղաքական գործընթացի չեմ խառնվել և չեմ խառնվում. Արծրուն Հովհաննիսյանի հայտարարությունը

Առաջացել է ռեակտիվ հզորության դեբալանս. ինչ է պարզել մասնագիտական աշխատանքային խումբը մասսայական հոսանքազրկման մասին

56 մլրդ դրամ ԱԱՀ դեբետային պարտքը կվերադարձվի շուրջ 2835 հարկ վճարողների

Մարզպետի մասնակցությունը միջադեպին ստուգելու նպատակով առգրավվել են տարածքում առկա տեսախցիկները

Ունեմ տվյալներ, որ դեբետային գումարների մի մասը վերադարձվելու է Ս․ Սարգսյանի եղբոր ընտանիքի կազմակերպություններից մեկին

Շոու-բիզնեսի ներկայացուցիչը պետբյուջե չի վճարել ավելի քան 21 միլիոն դրամ հարկ. ՊԵԿ-ում քրգործ է հարուցվել

Ազատոճայիններն աշխարհի առաջնությունից գալիս են առանց մեդալների ու օլիմպիական ուղեգրերի

ՀՀ գլխավոր դատախազությունը տեսակապի միջոցով հարցաքննություն կատարելու իրավական հիմքերի ստեղծման նախագիծ է առաջարկել

Լոս Անջելեսը կլինի հայ-կալիֆորնիական համագործակցության խորացման հիմնական կիզակետը. վարչապետ

Մենք առաջ ենք գնում տնտեսական հսկայական փոփոխությունների իրականացմամբ. վարչապետը հանդիպել է Լոս Անջելեսի քաղաքապետին

ՀՀ 6 մարզում և մայրաքաղաքում այսօր էլեկտրաէներգիայի անջատումներ կլինեն

Երևանում և Սյունիքի մարզի Մեղրի քաղաքում անվտանգ տարածք են տեղափոխել օձերին

Զինծառայող Հայկ Խաչատրյանի վիճակը ծանր է. հնարավորության դեպքում կտեղափոխվի Երեւան. Հովհաննիսյան

Գիշերը հակառակորդը ձեռնարկել է դիվերսիոն ներթափանցման փորձ, սահմանին թողել 1 դի ու հետ շպրտվել

Հայկ Մարությանի որոշմամբ Երեւանի 3 դպրոցների տնօրեններ ազատվել են աշխատանքից

Արցախում մարտական դիրքից հրազենային վնասվածքով, ծայրահեղ ծանր վիճակում զինվոր է տեղափոխվել հոսպիտալ

Աշխարհի առաջնություն. ծանրորդ Անդրանիկ Կարապետյանը նվաճեց փոքր բրոնզե մեդալ