16 տարեկանից գիշեր-ցերեկ աշխատում եմ եւ ապահովված մարդ եմ․ Մարությանը օրակարգից հանեց աշխատավարձերի բարձրացման հարցը

Երեւանի քաղաքապետարանում մեկնարկել է ավագանու արտահերթ նիստը։ Քաղաքապետ Հայկ Մարությանը հենց սկզբում հայտարարեց, որ օրակարգից հանում է հաստիքացուցակի փոփոխության ու աշխատավարձերի բարձրացման մասին որոշման նախագիծը, որը մեծ հնչեղություն էր ստացել ու դժգոհությունների ալիք բարձրացրել։ Հետագայում, երբ հարցի շուրջ կլինի փոխըմբռնում ու փոխհամաձայնություն, նախագիծը կվերադարձվի օրակարգ։

Քաղաքապետն ասաց՝ գիտակցում է, որ «Իմ քայլը» խմբակցությունում դրա վերաբերյալ չկա լայն կոնսենսուս։ Այն չկա նաեւ հանրության շրջանում։ Իսկ դրանց առկայությունն իր համար կարեւոր է, հետեւաբար եթե անգամ այսօր նշված որոշումն ընդունվի առանց այդ կոնսենսուսի, դա իրեն չի գոհացնի։

Հայկ Մարությանը հիշեցրեց, որ բոլոր գերատեսչությունները, պետական մարմինները աշխատում են պարգեւավճարների համակարգով։ Աշխատավարձերը բավականին ցածր են եւ դրանք փոխհատուցվում են պարգեւավճարներով։ Քաղաքապետարանում ցանկացել են գնալ առավել ուղիղ ճանապարհով եւ այդ պարգեւավճարները միացնել աշխատավարձին, ինչն աշխատակիցներին առավել մեծ վստահություն կհաղորդի՝ կապված եկամուտների հետ ու խթան կդառնա առավել արդյունավետ աշխատելու համար։

«Գոյություն ունի հաստատված բյուջե, որտեղ կա հաստատված պարգեւավճարների չափ, եւ այս աշխատավաձերի բարձրացումը տեղավորվելու է այդ բյուջեի մեջ, ու հավելյալ գումարներ չեն նախատեսվելու»,- ընդգծեց Մարությանը։

Նախագծով առաջարկվում է բարձրացնել 1700 աշխատակցի աշխատավարձ։ Դա նշանակում է այդքան ընտանիք եւ մոտավորապես 7 000 մարդ առավել ապահովված է լինելու։

Աշխատավարձերի բարձրացումը կարեւորելով՝  քաղաքապետ Հայկ Մարությանը փաստեց, որ այդ դեպքում աշխատակիցները կմտածեն միայն իրենց աշխատանքի մասին, կկարողանան հիպոթեկ վերցնել՝ առանց մտահոգվելու՝ այս ամիս կլինի պարգեւավճար, թե չէ։ «Մենք կկարողանանք սկսել բարձր որակավորում ունեցող կադրերի հավաքագրումը»,- նաեւ կարեւորեց Հայկ Մարությանը։ Առայժմ, ըստ նրա, բարձրակարգ մասնագետները խուսափում են այդ աշխատանքից, որքան էլ նշվում է, որ աշխատավարձից բացի կլինի նաեւ պարգեւավճար։ Դա նրանց թվում է անհաստատ մի բան։

Մարությանը հայտարարեց, որ ի սկզբանե պահանջել է չբարձրացնել իր աշխատավարձը։ Հիշեցրեց, որ պարգեւավճար էլ մինչ այս չի ստացել ու չի ստանալու։ «16 տարեկանից գիշեր-ցերեկ աշխատում եմ եւ բավականին ապահովված մարդ եմ»,- ընդգծեց նա՝ ավելացնելով, որ ինքն այսեղ է՝ միայն հեղափոխության արժեքներն ու սկզբունքները պաշտպանելու համար, իսկ աշխատավարձն իր համար հարյուրերորդական հարց է։

Բայց իրավաբանները, որոնք «էմոցիաներով չեն առաջնորդվում, այլ հավատում են միայն թղթին», քաղաքապետին իրավական հիմնավորումներ են ներկայացրել, որ առանց իր աշխատավարձը բարձրացնելու հնարավոր չի լինի դա անել ցածր օղակներում։ Ի վերջո որոշում է կայացվել քաղաքապետի աշխատավարձը 400 հազար դրամի փոխարեն նախատեսել 800 հազար, բայց նաեւ որոշվել է, որ լրացուցիչ այդ 400 հազարը Հայկ Մարությանը չի ստանա այլ կհատկացվի համայնքումանցկացվող որեւէ բարեգործական միջոցառման։  

Տպել
4883 դիտում

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)