Բուհերը պետք է գումար չխնայեն էլեկտրոնային գործիքների ներդրման միջոցով գրագողության դեմն առնելու վրա․ Հ․ Հովհաննիսյան

ԱԺ-ին այսօր ներկայացվեց «Գովազդի մասին» Հայաստանի Հանրապետության օրենքում լրացում կատարելու մասին օրենքի նախագիծը երկրորդ ընթերցմամբ եւ ամբողջությամբ ընդունելու հարցը։ Նախագծի հեղինակ, «Իմ քայլը» խմբակցության պատգամավոր Հովհաննես Հովհաննիսյանն իր ելույթում ասաց, որ հարցի առաջին ընթերցումից հետո Գիտական եւ ուսանողական հանրույթի կողմից բավական դրական արձագանքներ են ստացվել․

«Նույնիսկ ինձ տարբեր նկարներ են ուղարկել, որ այդպիսի կազմակերպությունները, չսպասելով երկրորդ ընթերցմամբ օրենքի նախագծի ընդունմանը, արդեն հանում են իրենց գովազդային պաստառները։ Սա կարելի է որպես դրական առաջընթաց արձանագրել, սակայն, զուգահեռ մենք աշխատում ենք փորձագետների ու շահառու անձանց հետ՝ ընդհանրապես «Առեւտրի եւ ծառայությունների մասին» ՀՀ օրենքում փոփոխություններ կատարելու հարցը, որով ընդհանրապես կարգելվի նմանատիպ ծառայությունները։ Նախորդ քննարկմանն էլ իմ գործընկերները նշեցին, ես էլ համաձայնեցի, որ այս կարգավորումը ոչ ամբողջովին է լուծում խնդիրը, սակայն սա հնարավորություն տվեց որոշակի ժամանակահատված նախապատրաստվելու մինչեւ ամբողջությամբ կհասկանանք ու կծավալենք դիսկուրսը»։ 

Պատգամավորի խոսքով՝ ինքը գիտի, որ բուհերում էլ արդեն քննարկումներ են եղել էլեկտրոնային գործիքների ներդրման վերաբերյալ․

«Նախորդ անգամ էլ նշեցի, որ այս հարցը հիմնականում գտնվում է բուհերի դաշտում, որպեսզի նրանք էլեկտրոնային գործիքների արդյունավետ ներդրման միջոցով կարողանան գրագողության դեմն առնել, որովհետեւ սա կրթական որակի վրա ազդող հիմնական գործոններից մեկն է նաեւ։ Սրանում պետք է շահագրգիռ լինեն բուհերի ղեկավարությունը, իրենց տարեկան բյուջեից գումար չխնայեն սրա համար։ Դրա դրական փորձը Հայաստանում արդեն կա, նոր հեծանիվ հորինել պետք չէ, ընդամենը պետք է աշխատել ու այս հարցը պահել օրակարգում»,- ասաց Հովհաննես Հովհաննիսյանը։

Հիշեցնենք, որ նախագծով առաջարկվում է «Գովազդի մասին» ՀՀ 1996 թվականի ապրիլի 30-ի օրենքի 15-րդ հոդվածը լրացնել նոր՝ 16-րդ մասով, հետեւյալ բովանդակությամբ՝

«16. Արգելվում է կրթական, գիտական եւ հետազոտական ծրագրերի շրջանակներում սովորողի (աշակերտի, ուսանողի, ունկնդրի, հետազոտողի) կողմից ինքնուրույն կատարման ենթակա առաջադրանքները, հետազոտությունները եւ այլ գործնական աշխատանքները (ռեֆերատ, կուրսային, դիպլոմային, ատենախոսություն եւ այլն) կատարելու, մշակելու, պատրաստելու ծառայությունների գովազդը»:

Տպել
378 դիտում

Օպերայի եւ բալետի թատրոնում ռումբի մասին ահազանգը կեղծ է եղել. մարդկանց տարհանել են, տեղազննում իրականացրել

Ջերմաստիճանը 4-5 աստիճանով կնվազի, առաջիկա օրերին անձրեւներ են սպասվում

Նախարար Բաթոյանն անդրադարձել է 13-ամյա երեխայի հղիությանն ու կոչ արել այլեւս չտարածել տեսանյութը

Օպերայի և բալետի ազգային ակադեմիական թատրոնի շենքում ռումբի առկայության մասին ահազանգ է եղել

Արմեն Գրիգորյանը Լոս Անջելեսում մասնակցեց «Ինովեյթ Արմենիա» ամենամյա 4-րդ փառատոնին

Վարչապետն այցելել է ՊՆ կենտրոնական կլինիկական զինվորական հոսպիտալ (լուսանկարներ)

Հանգիստ եղեք, ոչինչ չի մոռացվել, ոչ մեկը չի խուսափի արդարադատությունից. Սիմոնյանը՝ Քոչարյանի դատավարության մասին

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ

Հանրապետության տարբեր հատվածներում ներգործության է ենթարկվել կարկտավտանգ 22 ամպ

Նիդերլանդների ներկայացուցիչը՝ «Եվրատեսիլ 2019»-ի հաղթող. երգիչը խոստովանել է, որ նույնասեռական է

Արմավիրում կանխվել է ավտոլվացման կետի աշխատակցի ինքնասպանությունը

Դատարանն այսօր ապացուցեց, որ ինքը անկախ է գործադիր եւ օրենսդիր մարմիններից, բայց հարցեր առաջացրեց․ Վահագն Թեւոսյան

Ապրում ենք նոր Հայաստանում՝ հին դատական համակարգով. Արեն Մկրտչյան

«5-րդ ալիքի» սեփականատեր Արմեն Թավադյանը չկալանավորվեց

Դատախազությունը կարող է բողոքարկել Քոչարյանին կալանքից ազատելու որոշումը. դատախազության պատասխանը՝ Քոչարյանի փաստաբանին

Կառավարությունում քննարկվել է Արտաքին տնտեսական գործունեության իրականացման սպասարկման կենտրոնների ներդրման նախագիծը