Ժամը 13:30-13:45 Զեյթունից մեկնում եմ Կենտրոն. պատգամավորն ուղեւոր է փնտրում՝ իր մեքենայով տեղափոխելու համար

Մինչ Երեւանի իշխանությունները (ինչպես նախկին, այնպես էլ գործող) աշխատում են հասարակական տրանսպորտի համակարգը բարեփոխելու ուղղությամբ եւ դանդաղ քայլերով շարժվում են առաջ, բնակիչների նյարդերը ժամանակ առ ժամանակ տեղի են տալիս, ու իրավիճակից դուրս գալու ելքեր սկսում են փնտրել ինքնուրույն:

Թերեւս դրա դրսեւորումներից է «Ֆեյսբուք» սոցիալական ցանցում ստեղծված «Կիսի՛ր ճանապարհը, թեթեւացրո՛ւ հասարակական տրանսպորտը» խումբը, որի անդամների քանակն աճում է սրընթաց եւ արդեն մոտենում է 4 հազարի: Այս խումբն, ի դեպ, հիշեցնում է այժմ արդեն Երեւանի քաղաքապետ Հայկ Մարությանի նախկինում սկսած շարժումը, երբ հասարակական տրանսպորտի ուղեվարձի թանկացման դեմ պայքարի շրջանակում Մարությանն իր մեքենայով տեղափոխում էր կանգառում սպասող ուղեւորներին, ինչին հետեւեցին բազմաթիվ այլ վարորդներ:

Նշված խմբի անդամներն էլ վարորդներ եւ ուղեւորներ են: Վարորդներն այս հարթակում նշում են իրենց երթուղին ու պատրաստակամություն հայտնում վերցնել նույն ուղղությամբ մեկնող անձանց: Ուղեւորներն էլ այստեղ փորձում են գտնել այն վարորդներին, որոնք դեմ չեն լինի իրենց եւս տեղ հասցնել: Ի դեպ, խմբում կարելի է տեսնել հանրային դեմքերի, այդ թվում՝ Ազգային ժողովի պատգամավորների, նախարարների, Երեւանի ավագանու անդամների, տարբեր այլ պաշտոնյաների:

«13:30-13:45 Զեյթունից՝ Կենտրոն»,- «Կիսի՛ր ճանապարհը, թեթեւացրո՛ւ հասարակական տրանսպորտը» խմբում գրում է պատգամավոր, վարորդ Վիկտոր Ենգիբարյանը ու նաեւ արձանագրում. «Բայց ոնց որ թե ավելի շատ վարորդ կա, քան ուղեւոր))»:

«Գրեթե ամեն աշխատանքային օր՝ ժ. 08:30-ին Նոր Նորքի 2-րդ զանգվածի Թոթովենց փողոցից մեքենայով գնում եմ Կիեւյան փողոց: Կարող եմ հետս տանել 4 հոգու՝ բոլորովին անվճար, կարեւորը առավոտյան աշխատանքային տրամադրությունը փչացնող չլինեն»,- կարդում ենք նաեւ Բարձրագույն որակավորման կոմիտեի նախագահ Սմբատ Գոգյանի գրառումը: Նա, արձագանքելով խմբի անդամների ցանկություններին, դեմ չէ Կիեւյան հասնել Կենտրոնով:

«Էս խումբը լոգո ունի՞... Ես նոր եմ այստեղ, եւ եթե առաջարկ չի եղել, ճիշտ կլինի լոգո ունենա, որ մարդիկ իմանան` վստահելի մեքենա է... Oրինակ ես, օրական մոտ 100 կմ քաղաքում քշում եմ, բայց ֆիքսված ճանապարհ չունեմ, ու մեծ հաճույքով կկանգնեմ, կանգառից մարդ կվերցնեմ ... :) բայց մի 2 անգամ փորձեցի, վախենում են նստեն...»,- գրում է երգիչ, երաժիշտ Վահագ Ռաշը:

Խմբի անդամները հարմար տարբերանշանի ձեւ են փնտրում, որն առայժմ չեն գտել:

Ուղեւորների ու վարորդների գործը հեշտացնելու համար խմբի էջում առանձին ֆայլերով ներկայացված են մշտական երթուղիներ՝ ըստ Երեւանի վարչական շրջանների: Մայրաքաղաքից բացի, կան նաեւ միջքաղաքային երթուղիներ:

«Ուզում եմ Շիրակի մարզն էլ ակտիվ օգտվի այս խմբից: Բացումը ես կանեմ 
#վարորդ Յուրաքանչյուր աշխատանքային օր՝ Ախուրյանից-Գյումրի (58 թաղամաս)՝առավոտ 8:30: Կկիսեմ սիրով»,- գրում է օգտատերերից մեկը:

Գրող, քաղաքական վերլուծաբան Արծրուն Պեպանյանը, որը նույնպես «Կիսի՛ր ճանապարհը, թեթեւացրո՛ւ հասարակական տրանսպորտը» խմբի անդամ է, հիշեցնում է Սինգապուրի օրինակը, երբ ուղեւոր ունենալը պարտադիր է: Այստեղ տուգանվում են այն ավտոմեքենաների վարորդները, որոնք ժամը 18-ից հետո երթեւեկում են առանց ուղեւորի: Նպատակը խցանումներից խուսափելն է, իսկ տուգանքը կազմում է 5 հազար սինագապուրյան դոլար:

Տպել
3442 դիտում

20 խոշորացված համայնք փոքր դրամաշնորհ է ստացել. ՏԿԵ նախարարություն

Հունահռոմեական ըմբշամարտի հավաքականի մարզչական խորհուրդը կայացնում է ապօրինի, հակասպորտային որոշում. Արսեն Ջուլֆալակյան

Ատելության քարոզ տանում է ոչ թե իշխանությունն, այլ ատելության քարոզ տարվում է իշխանության նկատմամբ. Նիկոլ Փաշինյան

ՀՀ տարածքում կան փակ և դժվարանցանելի ավտոճանապարհներ

Կասեցվել է «Ագրոպրոդ» ՍՊԸ կաթնամթերքի արտադրամասի գործունեությունը

Վարչապետ Նիկոլ Փաշինյանը ցավակցել է Յուրի Դավթյանի մահվան կապակցությամբ

Կապանի պղնձի հանքավայրի Կենտրոնական տեղամասի ռեկուլտիվացիոն աշխատանքների արժեքը կկազմի 3 մլրդ 277 մլն դրամ. ՇՄՆ

Փրկարարները բացել են բնակարանի դուռը եւ սանհանգույցում հայտնաբերել 1966 թ.-ին ծնված կնոջ դի. ԱԻՆ

Այսօր Կենտրոնական բանկը իրականացրել է 10 միլիոն դոլարի գնում. վարչապետ

20 խոշորացված համայնքի տրամադրվել են փոքր դրամաշնորհներ

Վերանորոգվել է Գուգարքի հրշեջ-փրկարարական ջոկատը, տեղադրվել է հուշաքար՝ նվիրված հրշեջ-փրկարար Սամվել Դևելյանի հիշատակին

Շնչառական վարակներով պայմանավորված բացակայությունների առումով կրթական հաստատություններում դրական շարժընթաց է դիտվում

Նորագավթի ՃՈ հենակետի մոտակայքում բախվել են «Opel Corsa»-ն եւ «Infinti FX35»-ը. տուժածները հոսպիտալացվել են

Արցախի հանրակրթական եւ նախադպրոցական ուսումնական հաստատություններում պարապմունքները դադարեցվել են

Ամբերդ ամրոց և Քարի լիճ տանող ավտոճանապարհները անորոշ ժամանակ փակ կլինեն. ԱԻՆ

Մասնավոր անձի հեռախոսային ձայնագրառումը կարող է որպես ապացույց համարվել. Վճռաբեկ դատարանը նախադեպային որոշում է ընդունել

Արարատ Միրզոյանի գլխավորած պատվիրակությունն այցելել է Դանիայի Արդյունաբերական կոնֆեդերացիա

ՀՀ վարչապետ Նիկոլ Փաշինյանն այսօր հարցազրույց կտա Հանրային հեռուստաընկերությանը

Երևանի կենդանաբանական այգում տուբերկուլյոզի հարուցիչներ չեն հայտնաբերվել. առաջիկա օրերին այգին կվերսկսի գործունեությունը

Ռուբինյանց փողոցի բնակարանում բռնկված բարդ հրդեհը մարվել է. ԱԻՆ (տեսանյութ)