Կենդանաբանական այգու երկու վագրերից մեկն էլ է հիվանդ. բերանում ուռուցք է հայտնաբերվել

Կենդանաբանական այգում եւս մեկ հիվանդ վագր է հայտնաբերվել: Այս մասին «Հայկական ժամանակ»-ի հետ զրույցում ասաց կենդանաբանական այգու տնօրեն Ռուբեն Խաչատրյանը:

Տնօրենի խոսքով՝ վագրերից մեկը, որը նաեւ տարիքով է, ուռուցք ունի բերանի խոռոչի հատվածում: «Չեմ կարծում, որ կկարողանանաք մեծ աջակցություն ցուցաբերել կենդանուն, եթե հանկարծ պարզվի, որ դա արդեն մի պրոցես է, որը հնարավոր չէ կանգնեցնել: Կենդանիներն էլ, ցավոք սրտի, ինչպես մարդիկ, ծերանալիս տարբեր հիվանդություններ են ձեռք բերում»,- ասաց Խաչատրյանը:

Այս պահին կենդանաբանական այգում երկու վագր կա եւ եւս երկուսի հայտ է ներկայացվել, որպեսզի բերվի Հայաստան: Կենդանաբանական այգին, լինելով Եվրոպական կենդանաբանական այգու ասոցիացիայի անդամ, ունի նման իրավունք: Տնօրենը հույս հայտնեց, որ առաջիկա մեկ տարվա ընթացքում կկարողանան վագրերի զույգ ձեռքբերել:

Իսկ ինչ վերաբերվում է այս պահին հիվանդ եւ բերանի խոռոչում ամբողջովին ուռուցքներ ունեցող վագրին, Խաչատրյանը հայտնեց, որ ատամի խնդրով ստուգման արդյունքում է պարզվել: «Դեռ նախնական փուլ է: Հիմա ուղարկել ենք դրսի լաբորատորիաներ՝ ուսումնասիրության, որպեսզի հասկանանք հիվանդության ծագումնաբանությունը: Մի լաբորատորիայով չենք բավարարվում, տարբեր երկրներ ենք նույնիսկ ուղարկում, որպեսզի ավելի վստահ լինենք»,-ասաց նա:

Հիշեցնենք, որ ապրիլի 29-ի առավոտյան երկարատեւ հիվանդությունից հետո գրանցվել էր կենդանաբանական այգու Բենգալյան վագրի՝ Բինգոյի բնական մահը: Բինգոն այգում ապրում էր արդեն 10 տարի, որի մեծ մասն անցկացրել է իր չափերին անհամապատասխան, փոքր վանդակում՝ առանց ջրավազանի եւ կանաչ տարածքի: Նորակառույց ընդարձակ ազատավանդակ էր տեղափոխվել 2015 թվականից, ուր հատկապես սիրում էր զբոսնել արեւային օրերին:

Տպել
1057 դիտում

Արագածոտնի, Շիրակի, Սյունիքի մարզերում ձյուն է տեղում. կան փակ եւ դժվարանցանելի ճանապարհներ

Գեղարքունիքում 2 մեքենաների բախման հետեւանքով կա 6 վիրավոր

Իսկ հեղափոխությունից բացի ինչի՞ վրա կարող են հույս դնել նախկինները

Կատարվել է հոգեհանգիստ՝ Բաքվում և Սումգայիթում իրականացված հայերի ջարդերի 30-րդ տարելիցի առիթով

Թեհրանի օդանավակայանում թռիչքները հետաձգվել են՝ ձյան առատ տեղումների պատճառով

13 տարի առաջ այս օրը սպանվեց «Ակոսի» գլխավոր խմբագիր Հրանտ Դինքը

Պուտինը փորձում է լուծել երկու խնդիր, բայց հնարավոր է, նա կանգնած է Սերժ Սարգսյանի ճակատագրին արժանանալու վտանգի առջեւ

Ադրբեջանի և Հայաստանի ԱԳՆ ղեկավարների հանդիպումն այս ամսին է պլանավորված. Մամեդյարով

Ծեծկռտուք Նինոծմինդայի սակրեբուլոյի նախագահի և Գորելովկա գյուղի բնակիչների միջև

Հունվարի 20-ի գիշերը Հայաստանի մեծ մասում սպասվում է ձյուն, ջերմաստիճանը կնվազի 3-4 աստիճանով

Հայաստան ժամանած 32-ամյա ՌԴ քաղաքացին Զվարթնոց օդանավակայանում ձերբակալվել է՝ կասկածելի փաթեթ ունենալու համար

Մարմաշեն գյուղում այրվել է կուտակված անասնակեր ու անասնագոմի տանիքը

Երևանում կողոպտել են հայտնի բժշկական կենտրոններից մեկի տնօրենի 14-ամա տղային

Պոլսո պատրիարքարանը պարզաբանում է ներկայացրել Տ. Սահակ Բ պատրիարքի աղմկահարույց հարցազրույցի վերաբերյալ

Արսեն Ջուլֆալակյանը ոսկե մեդալակիր է դարձել Դանիայի միջազգային մրցաշարում

Թրամփի իմփիչմենտի՝ Սենատ ուղարկված գործը 111 էջից է բաղկացած

Փրկարարները Ծաղկաձորում արգելափակումից դուրս են բերել ավտոմեքենան

Ովքեր եւ ինչու են դիմադրում փոփոխություններին

Երեւանում Honda-ն տապալել է էլեկտրասյունն ու բախվել կայանված Opel-ին. վիրավորներից մեկին բեռնախցիկից են գտել

Կոտայքի մարզպետարանը ԱԱՏՄ-ի կողմից մարզի որոշ դպրոցների նկատմամբ վարչական վարույթի մասին պարզաբանում է ներկայացրել