Հերթական բողոքի ակցիան՝ կենդանաբանական այգու տարեշրջանի մեկնարկին զուգահեռ

Մայիսի 1-ին Երեւանի կենդանաբանական այգու հերթական տարեշրջանի մեկնարկին եւ տոնական միջոցառումներին զուգահեռ այգու դիմաց հերթական բողոքի ակցիան է անցկացվում: Այգու նախկին աշխատակիցների, կենդանասերների ու հասարակական կազմակերպությունների ներկայացուցիչների բողոքի պահանջը նույնն է՝ հասնել այգու տնօրեն Ռուբեն Խաչատրյանի հրաժարականին:

Նրանք կրկին բարձրաձայնում են կենդանաբանական այգում կենդանիների անկման խնդիրը՝ անդրադառնալով ապրիլի 20-ին անկած վագրի եւ դրան նախորդած կենդանիների դեպքերին:

Ցուցարարները պնդում են, որ Բնապահպանության նախարարությունը եւ Երեւանի քաղաքապետարանն աջակցում են այգու տնօրեն Ռուբեն Խաչատրյանին: Նրանց այս պնդմանը Խաչատրյանը լրագրողների հետ զրույցում հարցով պատասխանեց՝ ասելով. «Իսկ ինչի՞ց դրդված պետք է աջակցեն ինձ, ո՞րն է շարժառիթը: Ես բազմիցս անդրադարձել եմ այդ խնդրին՝ խորությամբ ներկայացնելով իրավիճակը»:

Այգու տնօրենը կոչ արեց հետաքրքրվել, թե ովքեր են այս ցուցարարների գործատուները, որ ցանկացած օր ու ժամի թույլ են տալիս աշխատանքից բացակայել եւ բողոքի ցույցեր անել. «Ինչ նպատակներ ունեն այդ գործատուները, ովքեր են նրանց հետեւում կանգնած: Ցուցարարներից որոշներն ուղղակի հուզական ֆոնի մեջ օգտագործվում են նրանց կողմից, կան մարդիկ, որոնք ունեն որոշակի բիզնեսներ եւ վախենում են կորցնել եւ ինձ դիտարկում են որպես հակառակորդ: Սրանք խնդիրներ են, որոնք առաջացել են նախորդ իշխանությունների օրոք, ու պետք է մաքրվեն: Մաքրումը տեղի է ունենում ի վնաս կենդանաբանական այգու իմիջի, բայց ժամանակի ընթացքում իրավական հարթության մեջ կպարզվեն ու լուծում կստանան»:

Խաչատրյանից հետաքրքրվեցինք, թե ինչ փուլում է գտնվում իրավապահ մարմինների կողմից սկսված հետաքննությունը: Վերջինս նշեց, որ գործընթացը մի փոքր դանդաղ է առաջ գնում: «Հայաստանում, պարզվում է, իրավական դաշտում արագ մոտեցումների, եզրակացությունների գալու խնդիր կա, սակայն դրան զուգահեռ շատ հեշտ եւ արագ հնարավոր է լինում փոխել հանրության կարծիքը: Մասնավորապես, այդ կարծիքն ուղղորդված է լինում»,-ասաց նա:

Ռուբեն Խաչատրյանը նաեւ հայտնեց, որ այս տարի Եվրոպական կենդանաբանական այգին ստուգայց է կատարելու Երեւանի կենդանաբանական այգի, ինչը նշանակում է, որ դա իր հետ բերելու է որոշակի կանոնակարգի փոփոխություն, ավելի հստակություն, որն այլեւս փոփոխման ենթական չի լինի: Այգու տնօրենի վստահեցմամբ՝ դա տարածվելու է նաեւ այն անձանց վրա, ովքեր մտադրություն ունեն կամ զբաղվում են կենդանիների ցուցադրությամբ:

Տպել
639 դիտում

Հրդեհ Դիլիջան քաղաքից դեպի թունել տանող հատվածում. ջերմահարվել է 80 եղևնի, այրվել խոտածածկույթ

Սուրեն Պապիկյանը ծանոթացել է էներգետիկայի ոլորտում կատարվող շինաշխատանքներին

Տիգրան Առաքելյանը կարժանանա պետական պարգեւի՝ անձնուրաց ծառայության համար. վարչապետ

Երևանում հայրը դանակահարել է 16-ամյա որդուն, որդին հրաժարվել է հաղորդում տալ

Պետք է ամեն ինչ անենք, որպեսզի պահպանենք և զարգացնենք մամուլի ազատությունը. Նիկոլ Փաշինյանն ուղերձ է հղել

Ոստիկանի զենքը հայտնաբերվել է 16 և 19 տ. եղբայրների տանը, նրանք նախկինում անցել են մի քանի քրգործով (տեսանյութ)

Բարակ թավշյա ճանապարհով չստացվեց, հաստ թավիշ է պետք. Պ. Օհանյանը ՍԴ-ում ստեղծված իրավիճակի լուծման տարբերակ է առաջարկում

Ցավակցում եմ ոստիկանության ավագ Տիգրան Առաքելյանի հարազատներին և համածառայակիցներին

WCIT 2019՝ ՏՏ համաշխարհային համաժողովին մասնակցած մի քանի բանախոսներ ցանկանում են Հայաստանում ներդրում կատարել

«Ryanair»-ի մուտքը միանշանակ ավելացնելու է զբոսաշրջիկների հոսքը Հայաստան՝ հանգեցնելով ավիատոմսերի գների անկման. վարչապետ

Կանխվել է դատապարտյալներին արգելված իրեր փոխանցելու 2 դեպք. Քրեակատարողական ծառայություն

Կրակոցն ու հարվածները հասցրել է 16-ամյա եղբայրը. նախքան հարձակումը՝ գեղեցկության սրահ են թալանել. նոր մանրամասներ

Մի սենսացիոն լուսանկարի հետքերով. Աննա Հակոբյանը գիտե որտեղ ինչ հագուստ կրել. «Արմենպրես»

Գիշերվա միջադեպի հետեւանքով վիրավորված 25-ամյա ոստիկանը բժիշկների հսկողության տակ է. նա չցանկացավ խոսել (տեսանյութ)

Հայաստանյան շուկա մուտք գործող «RyanAir» ընկերության ամենաէժան ավիատոմսը 4 եվրո 99 ցենտ է

ՀՀ գլխավոր դատախազի հրամանով պարգեւատրվել են գիշերը զոհված եւ վնասվածք ստացած ոստիկանները

ՀՀ պաշտպանության նախարարն ընդունել է Գերմանիայի դեսպանին

Ոստիկանների նկատմամբ հարձակում գործած եղբայրները դեպքից առաջ գողություն են կատարել

ՀՊՏՀ ուսանողները կոչ են անում համախմբվել բարեփոխումների շուրջ եւ աջակցել ռեկտորին

Ավելի լավ է մարդ չմտնի, չտեսնի՝ ոնց են ծնողները ողբում. գիշերը զոհված ոստիկանը երկու երեխա ունի