«Ամբերդ ամրոց» արգելոցի վարիչին ստիպե՞լ են դիմում գրել. վարիչի հայրը բացահայտումներ է անում ու դիմում վարչապետին

30/04/2019 schedule21:54

Հորը կանչել են եւ հայտնել, որ որդին՝ «Ամբերդ ամրոց» արգելոցի վարիչ Սիրակ Մանուկյանը պետք է ազատման դիմում գրի՝ հիմնավորմամբ, որ հանրային պահանջ կա: Մանուկյանը դիմում չի գրել, փոխարենը՝ տարեկան հասանելիք ամենամյա արձակուրդ է վերցրել, որից հետո, սակայն, ստիպված է եղել ազատման դիմում ներկայացնել, ինչից հետո հերթը հասել է հորը:

Նման բովանդակությամբ նամակ է ՀՀ վարչապետին եւ ՀՀ մշակույթի նախարարի պաշտոնակատար Նազենի Ղարիբյանին հասցեագրել «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի Արագածոտնի մարզային ծառայության պետ Մանուկ Մանուկյանըը:

ՀԺ-ին փոխանցած նամակի օրինակը ներկայացնում ենք ամբողջությամբ, առանց խմբագրման.

  Բաց նամակ ՀՀ վարչապետ Նիկոլ Փաշինյանին

ՀՀ մշակույթի նախարարի պաշտոնակատար

տիկին Նազենի Ղարիբյանին      

1995 թ.-ից աշխատում եմ հուշարձանների պահպանության ոլորտում, մինչև 2011 թ. աշխատել եմ Արարագծոտնի մարզային ծառայությունում՝ որպես  հուշարձանի պահապան: 2011 թ. մինչ օրս «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի Արագածոտնի մարզային ծառայության պետն եմ: Մ/Ծ իրավասության շրջանակում շուրջ 2000 հուշարձանի պահպանությունն է:

Հարգելի պարոն Փաշինյան վերջին շրջանում ինձ համար անհասկանալի որոշ իրադարձություններ ստիպեցին բաց նամակով դիմել Ձեզ:

2017 թ. նոյեմբերի 14-ին «Ամբերդ ամրոց» արգելոցի վարիչ է նշանակվել որդիս՝ Սիրակ Մանուկյանը: Վերջինս բարեխիղճ կատարել է իր աշխատանքը, ղեկավարության հանձնարարությունները:

2018 թ. հոկտեմբերի 21-ին «Պատմական միջավայրի պահպանության ծառայություն» ՊՈԱԿ-ի տնօրեն Արա Թարվերդյանը ինձ հրավիրել է իր մոտ և ասել, որ Սիրակ Մանուկյանը պետք է աշխատանքից ազատվելու դիմում գրի: Աշխատանքային պայմանագրի ժամկետը չէր լրացել և ես հարցրել եմ ինչն է պատճառը: Ի պատասխան Թարվերդյանն ասել է. «հանրային պահանջ կա»:

Ս. Մանուկյանը ազատման դիմում չգրեց, փոխարենը՝ տարեկան հասանելիք ամենամյա արձակուրդ վերցրեց, իսկ ես փորձում էի հասկանալ, թե ինչումն է խնդիրը:

Հարգելի պարոն վարչապետ 2018 թ. նոյեմբերի 21-ին դուք Արագածոտնի մարզում էիք: Ձեզ հասեցագրված նամակը, որում բարձրացրել էի որդուս՝ «Ամբերդ արգելոց»-ի վարիչ Սիրակ Մանուկյանին աշխատանքից անօրինական ազատելու  Տ. Գալստյանի պահանջի մասին հարցը, փոխանցել եմ Ձեր օգնականին՝ ակնկալելով հետևողականություն և արդարացի լուծում:

Նամակի արձագանքը ստանալու մեր բոլոր փորձերը հետագայում  ապարդյուն են անցել: Տեղի տալով ճնշումներին Սիրակ Մանուկյանը 2018 թ. նոյեմբերի 30-ին աշխատանքից ազատվելու դիմում է գրել:

Պարոն վարչապետ փաստորեն մեր երկրում իրավիճակ չի փոխվել, որովհետև ՀՀ վարչապետին հասեագրված նամակը, որը համոզված եմ վերահասցեագրվել էր Մշակույթի նախարարություն մինչ օրս մնացել է չինովնիկների գզրոցներում: Արգելոցի վարիչ է նշանակվել հուշարձանի տարածքում գտնվող  սուրբ Աստվածածին եկեղեցու հոգևոր սպասավոր Խաչիկ Վարդանյանը:

Այսօր ստիպված եմ դիմակայել  իմ հանդեպ ճնշումների հաջորդ ալիքին: Նախարարաի տեղակալ Տ. Գալստյանի Ամբերդ կատարած այցից հետո, որը նաև լուսաբանվել է տարբեր լրատվամիջոցներով, ՊՈԱԿ-ի տնօրենի հետ զրույց ունեցա, որի ժամանակ նա պահանջեց իմ ազատման դիմումը: Ակնհայտ է՝ որդուս հետ տեղի ունեցած պատմությունը կրկնվում է:

Պարզաբանում ստանալու համար գնացել եմ Մշակույթի նախարարություն: Մոտ 15 րոպե տևած զրույցի ընթացքում ոլորտը համակարգող նախարարի տեղակալ պարոն Տիգրան Գալստյանին ուղիղ հարցադրում եմ ներկայացրել՝  ինչով է պայմանավորված ինձ աշխատանքից ազատելու նրա պահանջը: Վերջինս ժխտել է՝  ասելով, թե նման բան չկա:

Իրականում ինչն է այս ամենի պատճառը կամ որն է շահագրգռվածության առիթը ես չեմ կարողանում հասկանալ: Գուցե պարոնայք պաշտոնյաները իմանան: Եթե իհարկե մարզային ծառայության պետի պաշտոնն էլ  ինչ  որ մեկի համար չէ նախատեսված: Իսկ գուցե արդեն կա թեկնածու:

Հարգելի պարոն Փաշինյան, դիմում եմ Ձեզ որպես Հայաստանի Հանրապետության քաղաքացի: Խնդրում եմ կանխել ընտանիքիս ու մասնավորապես իմ հանդեպ իրականացվող այս անօրինականությունը:

Խնդրում եմ Ձեզ  կանխել  Տիգրան Գալստյանի՝ առանց հիմքերի ու հիմնավորումների մարդկանց աշխատանքից ազատելու  կամայական ցանկությունը:  

Դիմում եմ նաև ՀՀ մշակույթի նախարարի տեղակալ Նազենի Ղարիբյանին: Հարգելի տիկին Ղարիբյան՝ խնդրում եմ պատշաճ գնահատական տալ  Տիգրան Գալստյանի կամայականություններին և թույլ չտալ հերթական անօրինական որոշումը կայացնել:   

Հարգանքով՝ Մանուկ Մանուկյան

«Պահպանության ծառայություն» ՊՈԱԿ-ի ՊՄՊ Արագածոտնի մարզային ծառայության պետ

Տպել
2741 դիտում

Իտալիայի Սենատի նախագահը նշել է, որ հետաքրքրությամբ հետևում է Հայաստանի բարեփոխումների գործընթացին (լուսանկարներ)

Վանաձորի քաղաքապետարանի «լավ» աշխատանքի շնորհիվ վարորդները շարունակում են ջարդել մեքենաներն ու վտանգել իրենց կյանքը

ՍԱՏՄ-ն անցկացրել է հակամանրէային կայունության վտանգների իրազեկման շաբաթ

Կայացել է «Կայուն oրգանական աղտոտիչների մասին» Ստոկհոլմի կոնվենցիայի իրականացման միջգերատեսչական հանձնաժողովի նիստը

ՀՀ հավաքականի բոլոր խաղացողները վրդովված են մեր գլխավոր մարզչի խոսքերից. Հարոյանը քննադատել է Խաշմանյանին

ՀՀ ԱԺ նախագահ Արարատ Միրզոյանը հանդիպել է ՌԴ Դաշնային խորհրդի նախագահ Վալենտինա Մատվիենկոյին

Թուրքիան Ռուսաստանին հայտնել է, որ Սիրիայում նոր գործողություն չի ծրագրում. ՌԴ ԱԳՆ

ԱԺ պատգամավոր Երջանիկ Հակոբյանի օգնական Շահեն Հարությունյանն ազատվել է աշխատանքից

Լեհաստանը եւ Լատվիան կողմ են ԵՄ-ի կողմից Ռուսաստանի դեմ պատժամիջոցների շարունակմանը

Տավուշի և Շիրակի մարզերի երկու ճանապարհահատվածներ հանվել են երաշխիքային ժամկետից

Հանդիպում եմ Իտալիայի Սենատի նախագահ Մարիա Էլիզաբետա Կազելատիի հետ. վարչապետ (տեսանյութ)

ՀՖՖ-ն չի կիսում կարծիքը, որ Մխիթարյանին պետք է զրկել ՀՀ ֆուտբոլի հավաքականի ավագի թեւկապից. ասել է Վանեցյանը

Հալեպի բնակելի թաղամասերի գնդակոծման հետեւանքով 30 վիրավոր կա եւ 5 զոհ, այդ թվում՝ երեխա

Սուրեն Պապիկյանի գլխավորությամբ կայացել է ԵԱՏՄ տրանսպորտի ոլորտի լիազոր մարմինների ղեկավարների խորհրդի նիստը

Ես ընդամենը իմ պետի կարգադրությունն եմ կատարել. Սուրիկ Խաչատրյանի գործով վկա

Նիկոլ Փաշինյանը ժամանեց Հռոմ

Գեղամ Գեւորգյանը հրաժարվեց ներկայացնել իր դիրքորոշումը, նա այդ մասին ուսանողների հետ կխոսի

ԱՄՆ ռազմական համագործակցության գրասենյակը գույք և տեխնիկա է նվիրել ԱԻՆ Փրկարար ծառայությանը

Ադրբեջանցի բլոգեր Աթա Աբդուլաեւը խարդախությունների մեջ է խառնված եղել, իր դեմ քրգործ էր հարուցվել. Մարտիրոսյան

Բելառուսի ընտրություններում ոչ մի ընդդիմադիր ուժ խորհրդարան չի անցել. Եվրոպան կրկին չի ճանաչում արդյունքները