Մոսկվան կողմ է ԼՂ հարցում բոլոր պատանդների փոխանակմանը. ի՞նչ կպատասխանի Հայաստանը

ՌԴ արտաքին գործերի նախարար Սերգեյ Լավրովը հայտարարել է, որ պաշտոնական Մոսկվան կողմ է «բոլորին՝ բոլորի հետ» սկզբունքով գերիների փոխանակմանը, այդ թվում` ԼՂ հակամարտության դեպքում:

Ինչպես հայտնում է ՏԱՍՍ-ը, Լավրովը ապրիլի 30-ին Մոսկվայում կայացած մամուլի ասուլիսի ժամանակ նշել է, որ Ռուսաստանը հանդես է գալիս «բոլորին՝ բոլորի հետ» սկզբունքով գերիների փոխանակման օգտին՝ հակամարտության գոտիներում վստահության հաստատման համար:

«Մենք միշտ էլ բոլոր դեպքերում հանդես ենք գալիս նման իրավիճակների սպառիչ մարդասիրական լուծման օգտին, ներառյալ աճյունների փոխանակումը, ռազմագերիների, պահվող անձանց փոխանակումը «բոլորին՝ բոլորի հետ» սկզբունքով»,- նշել Է ՌԴ դիվանագիտական գերատեսչության ղեկավարը. «Եվ մենք գտնում ենք, որ դա կնպաստի հակամարտության գոտիներում վստահության մթնոլորտի հաստատմանը՝ լինի դա Լեռնային Ղարաբաղում, լինի Ուկրաինայի հարավ-արեւելքում»,- հավելել է նա:

Նախարարը հիշեցրել է, որ այդ սկզբունքն է դրված նաեւ Ուկրաինայի հակամարտության կարգավորման Մինսկի համաձայնություններում:

Հայաստանի և Ադրբեջանի արտաքին գործերի նախարարներ Զոհրաբ Մնացականյանի և Էլմար Մամեդյարովի վերջերս կայացած հանդիպման արդյունքում պայմանավորվել էին կազմակերպել երկու կողմերում կալանքի մեջ գտնվող անձանց հարազատների փոխայցելություններ:

Ներկայում Ադրբեջանում գերության մեջ են գտնվում Հայաստանի քաղաքացիներ Կարեն Ղազարյանը, Արսեն Բաղդասարյանը, Զավեն Կարապետյանը։ Հայկական կողմում են Շահբազ Գուլիևը և Դիլհամ Ասկերովը։ Վերջիններս ձերբակալվել են 2014 թվականին՝ Արցախի տարածքում: Արցախյան դատարանը Ասկերովին ցմահ ազատազրկման է դատապարտել, իսկ Գուլիևին՝ 22 տարվա ազատազրկման՝ մեղավոր ճանաչելով մի շարք ծանր հանցագործություններում՝ լրտեսության, պետական սահմանի ապօրինի հատման, ռազմամթերք կրելու, առևանգման, սպանության հոդվածներով։ Այս տարվա փետրվարին Արցախում պատիժը կրելուց հետո ազատ է արձակվել ադրբեջանցի Էլնուր Էլման օղլի Հուսեյնզադեն։

Լավրովի հայտարարությունը համընկնում է Բավքի՝ «բոլորը՝ բոլորի հետ» փոխանակման ձեւաչափի վերաբերյալ դիրքորոշման հետ, որը հայկական կողմերը չեն կիսում:

Այս մասին մի քանի անգամ խոսել է ՀՀ վարչապետ Նիկոլ Փաշինյանը՝  նշելով, որ այդպես Ադրբեջան կվերդարձվեն «եւս երկու Ռամիլ Սաֆարովներ»:

«Արցախում գտնվող երկու ադրբեջանցիներից մեկը դատապարտվել է ցմահ, մյուսը ազատազրկվել է 20 տարով, որովհետև նրանք երկու հոգու, այդ թվում՝ պատանու են սպանել, մեկ հոգու էլ վիրավորել: Հիմա մենք համաձայն ենք ևս երկու Ռամիլ Սաֆարո՞վ վերադարձնելու Ադրբեջանին, համաձա՞յն ենք այս տարբերակին: Ես հասկանում եմ, շատ մեծ հարգանքով եմ վերաբերվում այդ ընտանիքի վշտին, բայց ես ուղիղ եմ ասում՝ հայ-վրացական ճանապարհը փակելը ինձ համար ուղղակի անհասկանալի էր»,- 2018 թ-ի նոյեմբերին տեղի ունեցած ասուլիսի ժամանակ հայտարարեց Փաշինյանը:

Շուրջ մեկ ամիս անց հայտարարությամբ հանդես եկավ նաւե Արցախի ԱԳՆ-ն՝ նշելով, որ չեն վարել ու չեն վարում բանակցություններ Դիլհամ Ասկերովին և Շահբազ Գուլիևին ազատ արձակելու կամ փոխանակելու շուրջ:

«Արցախի Հանրապետության իշխանությունները բազմիցս հայտարարել են, որ չեն վարել ու չեն վարում բանակցություններ Դիլհամ Ասկերովին և Շահբազ Գուլիևին ազատ արձակելու կամ փոխանակելու շուրջ։ Ավելին` նրանց ազատ արձակելու կոչերն ակնհայտորեն խրախուսում են անպատժելիությունը և ամենաթողությունը, ինչպես դա եղել է մարդասպան Սաֆարովի պարագայում։ Ակնհայտ է, որ Ադրբեջանը հերթական անգամ փորձում է շահարկել մարդասիրական բնույթի հարցերը՝ ի շահ սեփական քաղաքական նպատակների»,– նշված է հաղորդագրության մեջ։

Այնուամենյանիվ Սիվիլիթաս հիմնադրամի վերլուծաբան Թաթուլ Հակոբյանը կարծում է, որ արտգործնախարարների մակարդակով ավելի վաղ ձեռք բերված՝ պատանդների հարազատների փոխայցելությունների կազմակերպման մասին պայմանավորվածությունը կարող է վերջ ի վերջո հանգեցնել նրանց փոխանակման: Խոսքն ապագայի մասին է, նշում է նա, ու հավելում.

«Հայկական կողմերը, հատկապես Արցախը, չեն ցանկանում լսել սրա մասին: Հայկական կողմի փաստարկը շատ պարզ ու տրամաբանական է, որ չենք կարող մեր մոլորված տղային փոխանակել ադրբեջանցի դիվերսանտների հետ: Սա հասկանալի է: Նշվում է նաեւ, որ այսպես երկու Ռամիլ Սաֆարով ենք վերադարձնում Ադրբեջան», - նշում է փորձագետը, բայց միեւնույն ժամանակ հավելում, որ հակամարտության պատմության ընթացում, ինչպես բուն ռազմական գործողությունների ժամանակ, այնպես էլ դրանցից հետո, տեղի են ունեցել հարյուրավոր փոխանակումներ:

«Որեւէ մեկը չի նստել հաշվել, թե հարյուրավոր փոխանակվածներից որն է եղել մարդասպան, իսկ որը՝ խաղաղ բնակիչ, որն է եղել մոլորված գյուղացի, որը՝ կոմբատանտ», - նշում է նա:

Նրա խոսքով, նման հարցերին կարգավորման գործընթացում վերջ ի վերջո տրվում են քաղաքական լուծումներ: «Որքան էլ որ դա ցավալի լինի կողմերից որեւէ մեկի համար: Տրվում են այդ լուծումները, եթե, իհարկե, կողմերը համաձայնության են գալիս», - նշում է փորձագետն ու հիշեցնում 1996 թ-ին գերիների ամենամեծ փոխանակության մասին: «Այդ ժամանակ (այժմ հանգուցյալ) Պրիմակովը 100-ից ավելի պատանդների փոխանակում կատարեց: Նա Ադրբեջանից բերեց 30-ից ավել հայերի, իսկ այստեղից տարավ 70-ից ավելի ադրբեջանցիների: Մենք վստա՞հ էինք, որ այդ 70-ից ավել ադրբեջանցիների մեջ չկային մարդասպաններ», - այս հարցադրմամբ եզրափակում է իր խոսքը Թաթուլ Հակոբյանը:

Տպել
691 դիտում

Զինվորը կրակել է մարտական դիրքի ավագի ուղղությամբ․ ժամեր անց հայտնաբերվել է վերջինիս դին․ նոր մանրամասներ

Հայկական եւ ասորական համայնքները Լոս Անջելեսում ստորագրել են համագործակցության հուշագիր

ԵԱՀԿ առաքելությունն Արցախի և Ադրբեջանի զինված ուժերի շփման գծում դիտարկում կանցկացնի

Խոշոր ավտովթար Վանաձորում. կան վիրավորներ (լուսանկարներ)

2019 թ. առաջին կիսամյակում անշարժ գույքի շուկայում գործարքներն աճել են 11.1 %-ով

Մենք շարունակում ենք ասֆալտին փռելու գործողությունները. Վալերի Օսիպյան

Նարեկ Սարգսյանը ՀՀ տարածքը հատել է որպես Սարգսյան, թե հետո ինչպես է Գոնսալես դարձել, չեմ կարող ասել. Վալերի Օսիպյան

Մոսկվայում ձերբակալվել է ռուս ընդդիմադիր գործիչ Ալեքսեյ Նավալնին

Ալեքսանդր Բաստրիկինը ՀՀ ՔԿ նախագահին պարգևատրել է մեդալով

«Օրենքով գող» Մասիվցի Անդիկի սպանությունը պատվիրված է, շուտով կներկայացնենք մեր բոլոր հաջողությունները. ոստիկանապետ

Դատական իշխանության առջև ծառացած մարտահրավերները չափազանց էական են․ ԲԴԽ նախագահ

13 անշարժ գույք, 598 մլն դրամ, 152 հազար դոլար. Միհրան Պողոսյանը 5 անշարժ գույք է թաքցրել

Մխիթարյանը մասնակցեց «Ռեալի» դեմ խաղին. «Արսենալը» պարտվեց (տեսանյութ)

Նոր Խարբերդի ամառանոցներից մեկում կինը հոսանքահարվել եւ տեղում մահացել է

Երեւանում ինքնասպան է եղել Ռուսաստանի սահմանապահ զորքերի 30-ամյա ծառայողը

Իջևանում անկարգությունների գործով մեղադրանք է առաջադրվել ևս 7 անձի․ հետախուզվողների թիվն ավելացել է մեկով․ ՔԿ

Կրթության նախարարությունը կոչ է անում ՀԱՕԿ-ին զերծ մնալ բռնցքամարտի մասին խնդրահարույց նախաձեռնություններից

Արցախում 19-ամյա զինծառայող է զոհվել․ հանգամանքները պարզվում են

ՀՀ-ից արտագաղթը շարունակում է կրճատվել. դրական դինամիկան պահպանվում է. Միգրացիոն ծառայության ղեկավար

Ժողովրդավարական արժեքներից հայերին չեն կարող հետ պահել նույնիսկ ՀՀ-ում տեղակայված ռուսական զորքերը. կոնգրեսական