Շիրակամուտում գյուղատնտեսությամբ զբաղվելով տուն չես պահի. գյուղապետ

Լոռու մարզի Շիրակամուտ՝ նախկին Նալբանդ համայնքը 2149 գրանցված բնակիչ ունի, մինչդեռ գյուղում փաստացի բնակվում է մոտ 1800-ը: Գյուղում շատ են արտագնա աշխատանքի մեկնողները: Օրերը տաքանալուն պես նալբանդցիները բռնում են խոպանի ճամփան: Գյուղից մոտ 300 հոգի մշտական բնակություն են հաստատել ՌԴ-ում: Գյուղի տների դռները կողպված են, հողերն՝ անմշակ:

Համայնքի ղեկավար Աշոտ Երանոսյանն ասում է, որ ի տարբերություն հարակից մյուս գյուղերի, իրենց գյուղի վարելահողերը քիչ են, ինչն էլ իր հերթին վնասում է գյուղատնտեսությանը. «Ընդամենը 540 հա վարելահող ունենք, մոտ 400 հա էլ արոտավայր, որոնք բավականին հեռու են գյուղից: Այն հողատարածքները, որից կարելի է եկամուտ ստանալ, շատ քիչ են գյուղում՝ 150 հա, էս էղած հողակտորով գյուղացին չի կարող ընտանիքը նորմալ պահել, գոյատեւել»:

Համայնքի ղեկավարն ասում է, որ հողագործության նման անասնապահությունը եւս գյուղում զարգացած չէ: 400 գլուխ խոշոր եղջերավոր անասուններից միայն մոտ 200-ն են կթու կովեր:

«Մեր արոտավայրերն ու խոտհարքները այնքան քիչ են ու հեռու, որ ձեռնտու չէ գնալ, մշակել, տեխնիկա տանել ու արդյունք ստանալ, ծախսն ավելի շատ է, քան օգուտը, ստացված բերքը կատարված ծախսերն անգամ չի փակում, դրա համար էլ չի օգտագործվում»:

Գյուղապետը շարունակում է պնդել՝ հողագործությամբ ու անասնապահությամբ շիրակամուտցին չի կարող ընտանիք պահել. «Մինչ երկրաշարժը տարբեր գործարաններ կային գյուղում, մարդիկ աշխատում էին, բայց էպիկենտրոնը Շիրակամուտում էր… ամեն ինչ հողին հավասարվեց, մոտ 286 ընտանիք զոհ տվեց մեր գյուղից»: Գյուղում այսօր փոքր կարի ֆաբրիկա է գործում, որտեղ ընդամենը 17 հոգի է աշխատում, մինչդեռ ինչպես համայնքի ղեկավարն է նշում, ժամանակին եղած գործարանում ավելի քան 200 մարդ է աշխատել:

Լրագրողների դիտարկմանը, որ կառավարությունը բազմաթիվ ծրագրեր է առաջարկում գյուղատնտեսությունը զարգացնելու, գյուղացու սոցիալ-տնտեսական վիճակը բարելավելու համար, արդյոք Շիրակամուտը մասնակցություն ու ակտիվություն ցուցաբերում է, Աշոտ Երանոսյանն ասաց, որ նման նախաձեռնություններին մասնակցելու համար նախ եւ առաջ բյուջեում համապատասխան գումար է պետք, որը ցավոք, իրենք չունեն:

«Կառավարությունը սուբվենցիոն ծրագրեր ունի, բայց 50 տոկոս ներդրում են պահանջում, իսկ մենք ֆոնդային բյուջեում գումար չունենք: Մասնակցելու համար պետք է ունենանք ամենաքիչը 5 մլն դրամ, որը չունենք, որ մասնակցենք»,-ասաց նա՝ նշելով, որ կառավարության առաջարկած սուբվենցիոն ծրագրերը ոչ բոլոր գյուղերին են հասանելի. «Ովքեր ունեն համապատասխան գումար, նրանք կարող են մասնակցել»: Գյուղապետից հետաքրքրվեցինք՝ եթե իրենց համար կառավարության առաջարկը անիրատեսական է, արդյո՞ք իրենք իրենց տարբերակն են առաջարկել կառավարությանը. «Օրենքը թույլ չի տալիս, կա հստակ կանոնակարգ, որից ոչ իրենք, ոչ մենք չենք կարող շեղվել»,-պատասխանեց նա՝ նշելով, որ 60 մլն դրամ բյուջեի մեծ մասը աշխատավարձերի ու պահպանման ծախսերի վրա է գնում, մնացած մասով էլ՝ ընթացիկ աշխատանքներն են անում՝ ջրամատակարարման համակարգի նորոգում, փոսալցումներ, լուսավորություն եւ այլն: Սրան զուգահեռ, համայնքի ղեկավարը նշում է, որ թեպետ սուբվենցիոն ծրագրերից չեն օգտվում, սակայն հրատապներին մասնակցում ու ներդրումներ են ունենում, համատեղ ծրագրեր իրականացնում:

Հոդվածը պատրաստվել է Հայաստանում միգրացիոն քաղաքականության միջազգային կենտրոնի գրասենյակի կազմակերպած մեդիատուրի շրջանակներում:

Տպել
627 դիտում

Պարապ եմ համարում բոլոր քննադատությունները. Տեր Վահրամը՝ Կարապետյանների մեծադիր կտավի մասին

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան