Տարեկան ավելի քան 20 միլիոն երեխա չի պատվաստվել կարմրուկի դեմ, որոշ երկրներում դա բերել է համաճարակի. ՅՈՒՆԻՍԵՖ

2010-2017թթ-ի ընթացքում գրեթե 169 մլն երեխա կամ տարեկան միջինը 21,1 մլն երեխա բաց է թողել կարմրուկի դեմ առաջին պատվաստումը: Չպատվաստված երեխաների անընդհատ աճող թիվը աշխարհի մի քանի երկրներում կարմրուկի համաճարակի պատճառ է հանդիսացել: Այս մասին տեղեկացնում է ՄԱԿ-ի մանկական հիմնադրամը (ՅՈՒՆԻՍԵՖ):

«Այսօրվա կարմրուկի համաճարակի հիմքը տարիներ առաջ է դրվել», - ասում է ՅՈՒՆԻՍԵՖ-ի գործադիր տնօրեն Հենրիետա Ֆորը (Henrietta Fore): «Կարմրուկը միշտ էլ հարվածելու է չպատվաստված երեխաներին: Եթե մենք իսկապես ուզում ենք կանգնեցնել այս վտանգավոր, բայց կանխարգելելի հիվանդությանը, մենք ուղղակի պետք է պատվաստենք թե՛ հարուստ ու թե՛ աղքատ երկրներում ապրող յուրաքանչյուր երեխայի»:

2019թ-ի առաջին եռամսյակում կարմրուկով վարակվելու 110,000 դեպք է գրանցվել աշխարհում: Ցուցանիշը նախորդ տարվա նույն ժամանակաշրջանի համեմատ աճել է 300 տոկոսով: 2017թ-ին կարմրուկը 110,000 մարդու կյանք է խլել. նրանց մեծամասնությունը երեխաներ էին:

Կարմրուկի դեմ երկու չափաբաժին պատվաստանյութ ստանալը անհրաժեշտություն է երեխային այդ հիվանդությունից պաշտպանելու համար: Այնուամենայնիվ, պատվաստանյութի կամ առողջապահական ծառայությունների ոչ բավարար հասանելիության և պատվաստումերի հանդեպ կասկածի պատճառով պատվաստման ցուցանիշների անկում է գրանցվում: Եթե 2017թ-ին երեխաների 85 տոկոսն է ստացել կարմրուկի դեմ առաջին չափաբաժին պատվաստանյութը, ապա արդեն երկրորդ չափաբաժնի պատվաստման ծածկույթը բավականին ցածր է՝ 67 տոկոս: Մինչդեռ ըստ ԱՀԿ-ի՝ «հավաքական իմունիտետ» ձեռք բերելու համար 95 տոկոսանոց պատվաստման ծածկույթի է պետք հասնել:

Վերջին տվյալներով՝ բարձր եկամուտ ունեցող երկրներում կարմրուկից պաշտպանվելու առաջին պատվաստման ծածկույթը 94 տոկոս է կազմել, մինչդեռ երկրորդ պատվաստման ծածկույթն ավելի ցածր է՝ 91 տոկոս: 2010-2017թթ-ի ընթացքում չպատվաստված երեխաների թվով Միացյալ Նահանգները գլխավորում են բարձր եկամուտ ունեցող երկրների ցանկը, որտեղ ավելի քան 2.5 մլն երեխա բաց է թողել կարմրուկի առաջին պատվաստումը: Հաջորդիվ Ֆրանսիան ու Մեծ Բրիտանիան են, որտեղ նույն ժամանակաշրջանում համապատասխանաբար 600,000 և 500,000 երեխա չի պատվաստվել կարմրուկի դեմ:

Կարմրուկից պաշտպանվելու երկրորդ պատվաստման ծածկույթն է՛լ ավելի ահազանգող ցուցանիշներ է գրանցում: 2017թ-ին ամենաշատ չպատվաստված երեխաներ ունեցող 20 երկրներից 9-ում երկրորդ պատվաստում անգամ չի էլ ներկայացվել: Հարավ-սահարյան Աֆրիկայի 20 երկրում կարմրուկի դեմ երկրորդ պատվաստումը ներառված չէ ազգային օրացույցում, ինչի պատճառով տարեկան ավելի քան 17 մլն երեխա կարմրուկով վարակվելու վտանգի առջև է կանգնում:

Կարմրուկի համաճարակը կանգնեցնելու համար ՅՈՒՆԻՍԵՖ-ը գործընկերների հետ ձեռնարկել է հետևյալ քայլերը.
- Պատվաստանյութերի արժեքի շուրջ բանակցություններ. Այսօր կարմրուկի պատվաստանյութն ամենաէժան գինն ունի բոլոր ժամանակների համեմատ:
- Աջակցություն կառավարություններին՝ գտնելու ամենացածր ծածկույթով շրջաններն ու այս առումով ամենախոցելի երեխաներին:
- Պատվաստանյութերի ու իմունիզացիայի համար այլ անհրաժեշտ իրերի գնում:
- Պատվաստանյութերը ճիշտ ջերմաստիճանում պահելու և մատակարարելու համար նորարարական տեխնոլոգիաների կիրառում:

Տպել
792 դիտում

Վիրավորում ստացած ոստիկանին «Ոստիկանությունում գերազանց ծառայության համար» կրծքանշան հանձնվել

Լևոնն արդեն ինքնուրույն քայլում է. նա բուժումից հետո գնալու է Էջմիածին՝ Մայր աթոռում աղոթելու. Աննա Հակոբյան (տեսանյութ)

Բուհերում անհրաժե՞շտ են հայոց լեզու եւ հայոց պատմություն առարկաները. խոսում են մասնագետները

Այսօր Քիմ Քարդաշյանի ծննդյան օրն է (լուսանկարներ, տեսանյութ)

Ավելի քան 2 մլրդ դրամի փոշիացում Սեւանա լճում՝ «Իշխան» ձկնատեսակի պաշարների վերականգնման ոլորտում. հարուցվել է քրգործ

Ավտովթար Գորիս-Կապան ավտոճանապարհին. BMW-ն բախվել է արգելապատնեշին. կա վիրավոր

Միացյալ Նահանգներում անտառային հրդեհների դեմ պայքարող Սմոքի արջը կայցելի Հայաստան

Գարեգին Բ-ն նոր նշանակում է կատարել Ռուսաստանի եւ Նոր Նախիջեւանի հայոց թեմում

Հակոբ Արշակյանը խոսել է Զինեդին Զիդանի հետ (լուսանկար)

Միհրան Հարությունյանն առաջին պարտությունն է կրել MMA-ում

Ֆրանսիայում հարձակվել են Nouvelles d'Armеnie հայկական պարբերականի խմբագրության վրա

Դե, հրավիրեք, էլի. ինչո՞ւ է իրար Խառնվել ԵԱՀԿ-ն

Ոհմակը կկշտանա՞. «Ռոյալ-Արմենիան» ազատում է շուկան

Շիրակի մարզում Suzuki-ն, 200 մետր գլորվելով, հայտնվել է ձորում. կա 3 զոհ, 1 վիրավոր

Զգո՛ւյշ, բալային կրճատումներ են. աղքատները էլ ավելի են աղքատանում

Ucom-ում գործում է «Որակյալ սմարթֆոններ բոլորի համար» առաջարկը

ՎՏԲ-Հայաստան Բանկը և Մուլտիկարտա ընկերությունը ստորագրեցին համագործակցության համաձայնագիր

Վարչապետը մասնակցում է «Կրթություն ​բոլորի ​համար» միջազգային ​ցանցի ամենամյա ​համաժողովին (տեսանյութ)

Փրկարարները ճանապարհից հեռացրել են շրջված հենասյունը

Խնձորի փառատոն, խնձորի արձան և խնձորի ամենաերկար կարկանդակը Նոր Գեղիում