Քաղաքապետարանը պատճառաբանություններ է փնտրում՝ խնդիրը չկարգավորելու համար. քաղաքացին Մարությանին ստախոս է համարում

Երեւանի քաղաքապետարանի համար կարծես թե արդեն ո՛չ քաղաքացին եւ ո՛չ էլ մամուլը նշանակություն չունեն: Խնդիրները շարունակվում են չլուծված մնալ: Պատճառաբանություններ գտնելը Երեւանի քաղաքապետարանի հիմնական գործիքն է դարձել: Սա ինչո՞ւ այսպես չէ, դե գիտեք ինչ՝ որովհետեւ...: Իսկ այս հարցն ինչո՞ւ չի լուծվում, դե այս հարցն էլ, ախր գիտեք ոնց...: Ու թեեւ վարչապետն ամեն օր խոսում է, որ քաղաքացին ամեն ինչից վեր արժեք է, քաղաքապետարանում շարունակում են հաշվի չառնել այս ամենը։ Լուծումների փոխարեն մարդիկ, որպես պատասխան, ստանում են միայն պատճառաբանություններ։ 

Ապրիլի 5-ին «Հայկական ժամանակ»-ն անդրադարձել էր Երեւանի բնակիչ Արթուր Մարդոյանի բարձրացրած խնդրին: Նշել էինք, որ Մարդոյանն արդեն ամիսներ շարունակ շինթույլտվություն ստանալու համար տարատեսակ քաշքշուքների է ենթարկվում Երեւանի քաղաքապետարանի աշխատակազմի քաղաքաշինական գործունեության հատուկ կարգավորման ծրագրերի բաժնի կողմից:

Մարդոյանը բնակվում է Երեւան քաղաքի Կենտրոն վարչական շրջանի Մոսկովյան փողոցի 8-րդ շենքում՝ 1-ին հարկում: Նա 2018 թվականի մայիսի 9-ին դիմել է Երեւանի քաղաքապետարան, որպեսզի շինթույլտվություն ստանա իր պատուհանը՝ իր տարածքի հաշվին՝ մուտքի փոխելու համար, որպեսզի բնակելի տարածքը վերափոխի գրասենյակի:

Նշել էինք նաեւ, որ շինթույլտվություն տրամադրելու համար քաղաքապետարանը հարցումներ էր ուղարկել թե՛ Մշակույթի եւ թե՛ Տարածքային կառավարման նախարարություն: 2 տեղերից էլ պատասխան էին ստացել, որ խնդիր չեն տեսնում, կարող են տրամադրել շինթույլտվությունը: Քաղաքապետարանի համապատասխան պաշտոնատար անձանց կողմից Մարդոյանին ուղարկված գրեթե բոլոր դիմումներում նշված էր՝ այսինչ նախարարության դրական եզրակացությունից հետո քաղաքապետարանը կտրամադրի համապատասխան շինթույլտվությունը:

Բանը հասել էր նրան, որ քաղաքապետարանի աշխատակից Սուրեն Մելիք-Քարամյանը Մարդոյանին ասել էր «Չգիտե՞ս, ոնց է կատարվում այս ամենը»:

Մարտի 19-ին Մարդոյանը հանդիպել էր Երեւանի քաղաքապետ Հայկ Մարությանի եւ Երեւանի գլխավոր ճարտարապետ Արթուր Մեսչյանի հետ: Քաղաքապետը խոստացել էր, որ խնդիրը կկարգավորեն, սակայն պարզվում է՝ քաղաքապետն իր խոսքի տերը չեղավ: Ի դեպ, Մարդոյանը պատմեց նաեւ, որ հանդիպման ժամանակ Արթուր Մեսչյանը չի հավատացել, որ այդ աշխատակիցները կարող էին նման բան ասել եւ բորբոքված հանդիպման կեսից փորձել է դուրս գալ, ինչին ի պատասխան Մարդոյանը քաղաքապետին խորհուրդ է տվել հեռացնել Մեսչյանին աշխատանքից. «Ասել եմ, ձեր դիմաց է իրեն այսպես պահում, բա մնացած քաղաքացիների մոտ ինչ կանի»:

ՀԺ-ի հրապարակումից հետո Արթուր Մարդոյանի հետ հանդիպել եւ խնդրին ծանոթացել է Երեւանի ավագանու «Իմ քայլը» խմբակցության անդամ Լեւոն Զաքարյանը: Խնդրին ծանոթանալուց հետո Զաքարյանը հանդիպել է Արթուր Մեսչյանի եւ քաղաքապետարանի իրավաբանական վարչության պետ Զավեն Առաքելյանի հետ:

«Առաքելյանը Զաքարյանին ասել է, որ իմ դիմումին պետք է ավելացնեմ, որ պատուհանը դուռ դարձնելու պարագայում շահույթ չի հետապնդելու այդ գրասենյակը, որը պետք է բացեմ եւ իրենք կտրամադրեն շինթույլտվություն: Ես դիմումի մեջ ավելացնում եմ, որ այո՝ շահույթ չեմ հետապնդելու: Այսօր քաղաքապետարանից գրություն եմ վերցնում, որտեղ գրված է՝ քանի դեռ բնակելի տարածքը չի դարձել ոչ բնակելի՝ այսինքն հասարակական, մենք շինթույլտվություն չենք կարող տրամադրել: Այսինքն, քանի դեռ իմ բնակարանը ոչ բնակելի չի դարձել, չեն կարող տալ: Դա էլ է իրենց իրավասության մեջ: Երբ ես դիմում եմ տվել, գրել եմ, որ խնդրում եմ բնակելի տարածքը դարձնել հասարակական: Այդ դիմումի համար եզրակացություններ էին տվել մշակույթի նախարարությունը, տարածքային կառավարման նախարարությունը, իսկ վերջում արդեն գրել էին, որ դռան գույնը որոշելուց հետո կքննարկեն»:

Լեւոն Զաքարյանը մեր զրույցում հաստատեց, որ Առաքելյանն իրեն այդպես է ասել, ապա հավելեց, որ կփորձի ամեն ինչ անել, որ խնդիրը հանգուցալուծում ստանա:

Նշենք, որ ապրիլի 5-ին ՀԺ-ի հրապարակած հոդվածին ի պատասխան քաղաքապետարանը պատասխան էր ուղարկել, որ անհրաժեշտ է ներկայացնել շենքի բաժնային սեփականատերերի երկու երրորդի համաձայնությունները: Մարդոյանը այս մասով ասաց. «Դա այն պարագայում, եթե ես չներկայացնեի համատիրության համաձայնությունը, բայց դա ես ներկայացրել եմ, ինչի հիման վրա գործը իրենց պահանջով ուղարկվել է ե՛ւ մշակույթի ե՛ւ տարածքային կառավարման նախարարություններ»:

Մեր հարցին, թե այժմ ի՞նչ է պատրաստվում անել, հնարավո՞ր է դատարան դիմի, Մարդոյանը պատասխանեց. «Ես դա համարում եմ անիմաստ, քանի որ դատական գործընթացը վարույթ են ընդունում, հետո 3 կողմերը պետք է գան: Ամենաքիչը 3 տարի կգնա այդ պրոցեսը: Եթե օրենքով ես չեմ կարողանում իրենց տված համաձայնություններով, իրենց բոլոր տված գրություններով ստանալ շինթույլտվություն իմաստ կա՞: Այսքանից հետո ինձ մնում է ասել, որ Հայկ Մարությանը ստախոս է»:

Տպել
4639 դիտում

Այսօր առանձին շրջաններում սպասվում են տեղումներ, առաջիկա օրերին՝ առանց տեղումների եղանակ

Հրշեջները մարել են Ներքին Չարբախի գերեզմանատանը բռնկված հրդեհը

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)