«Վուդու» 24-ժամյա սրճարանի ոստիկան սեփականատերը խախտում է օրենքը. բաց նամակ ոստիկանապետին

ՀՀ ոստիկանության պետ Վալերի Օսիպյանին բաց նամակով դիմել է քաղաքացիներից մեկը՝ բողոք ներկայացնելով Երեւանի շուրջօրյա գործող սրճարաններից մեկի գործունեությունից: Մասնավորապես, քաղաքացու բարձրացրած խնդիրը նրանում է, որ չնայած ոստիկանություն հասցեագրված բողոքների եւ սրճարանի գրավոր պարտավորության, այդուհանդերձ, հատկապես գիշերային ժամերին, աղմուկը չի դադարում եւ խանգարում է  բնակիչների հանգիստը:

Բաց նամակն առանց խմբագրման ամբողջությամբ ներկայացնում ենք ստորեւ.

ՀՀ  ոստիկանապետ  ոստիկանության գնդապետ Վալերիյ Օսիպյանին

 Հարգելի´ ոստիկանապետ, հարկադրաբար բաց նամակով եմ դիմում Ձեզ:

Խնդիրն այն է, որ 2018թ. նոյեմբեր, ապա դեկտեմբեր ամսին գրավոր դիմել եմ ՀՀ ոստիկանության Երևան քաղաքի վարչության կենտրոնական բաժնի Մարաշի բա­ժանմունքի պետ, ոստի­կա­նու­թյան կապիտան  Ա.Ասատրյանին` խնդրելով պարտա­վորեցնել Չարենցի 43 հաս­ցեում գտնվող «Վուդու» հաս­տատությանը  դա­դա­րեցնելու գի­շե­­րա­­յին ժա­մե­րին (23:00-7:00) հնչող այս­պես կոչ­ված «երաժշտու­թյու­նը» և ա­պահովել «Վարչա­կան իրավախախ­տում­ների վերաբերյալ» ՀՀ օրենսգրքի 180-րդ հոդ­վածի պա­հանջը. գի­շե­րա­յին ժամերին՝ 23:00-ից մինչև 7:00-ն ընկած ժա­մա­­նա­կա­հատ­վածում, «ժաման­ցի և զվարճանքի վայ­րերը» պար­տա­վոր են չխանգա­րել հա­­մա­քա­ղա­­քացի­ների գիշե­րա­յին հանգիստը։ 

Ի պատասխան երկրորդ դիմումի` ոստիկանության կապիտան  Ա. Ա­սա­տրյանի` 2018թ. դեկտեմբերի 30‐ին Ν 30/1-4-3117 գրու­թյան մեջ նշվում է, որ դի­մումը քննարկ­վել է «ոստ. Կենտրոնական բաժ­­նի Մարաշի բա­ժան­մունքում, որը թողնվել է ան­հետևանք և կցվել քարտուղա­րու­թյան կարգագրին»։ Ցավալի է փաստել, որ ՀՀ ոստի­կա­նության գրության մեջ կա­րող է նման արտառոց ձևակերպում սպրդել, քանի որ ըստ այդ ձևա­կերպ­ման` «ոստ. Կենտ­րոնական բաժնի Մարաշի բա­ժան­մունք»-ն է «թողնվել  անհե­տևանք և կցվել քար­­­տու­ղա­րության կարգագրին»։ Գրու­թյան մեջ ար­ձա­նա­գրվում է նաև, որ ««Վու­Դու» սրճա­րանի տնօրինու­թյու­նը պարտա­վորվել է պահպանել համա­կե­­ցու­թյան կա­նոն­ները»:

Դատելով, սակայն, «Վուդու» հաս­տատության` հատկապես գիշե­րա­­յին ժամերին (23:00 - 7:00) ծավալած բուռն գործու­նեությու­նից («Վուդու»-ն ար­դեն գործում է շուր­ջօրյա` 24 ժամ, և այդ է վկայում ոչ միայն հաստատության մուտքի ցուցանակը, այլև գի­շե­րա­յին ժամերին՝ 23:00 - 7:00-ն ընկած ժա­մա­­նա­կա­հատ­վածում, «Վուդու»-ից հնչող այս­պես կոչ­ված «երաժշտու­թյու­նը»)` հարկ է արձա­նա­գրել, որ «Վու­դու» հաս­­տատու­թ­յան «տնօրինու­թյու­նը» նույն կերպ «ան­հե­տևանք է թո­ղել» ոստիկանության կա­պի­տան Ա. Ա­սա­տրյանի ստո­րա­գրած գրու­թ­յան մեջ հավաստվածը, թե իբր ««Վու­Դու» սր­ճա­­­րա­նի տնօրինու­թյու­նը պար­տա­վորվել է պահ­պանել համակե­ցու­թյան կա­նոն­­նե­րը»:

Ուստի դիմելով Ձեզ`ակնկալում եմ, որ իրապես համապատասխան միջոցներ կձեռնարկվեն՝ պար­­տա­վորեցնելու «Վուդու»-ի «տնօրինու­թյա­նը», որ սույն հաստա­տու­թյունը, գի­շե­րա­յին ժամերին՝ 23:00-7:00-ն ընկած ժամա­նա­կա­հատ­վա­ծում, չխախ­տի «Վար­­չական իրա­վա­խախ­տումների վերաբերյալ» ՀՀ օրենս­գրքի 180-րդ հոդվածի  պա­հանջը, չխան­գա­րի հա­­մա­քա­ղա­­քացի­ների գիշերային հանգիս­տը և պահ­պանի հա­մա­կե­­ցու­թյան կա­նոն­նե­­րը։

Հարկ է նաև հավելել, որ սույն հաստատությունը գտնվում է Ջոն Կիրակոսյանի ան­վան թիվ 20 (Այգեստան 4. հիմնադրվել է 1943թ.) դպրոց  շտապող և դպրոցից տուն վերադարձող աշա­կերտ­ների  ամենօրյա ճանապարհին, իսկ դեմ հանդիման՝ դիմացի մայթին, գործում է թիվ 8 նախադպրոցական ուսումնական հաստատու­թյու­նը (Չարեն­ցի 38. հիմնադրվել է 1953թ.):

Ի դեպ, բոլորովին պատահականորեն պարզվեց, որ «Վուդու»-ի սեփականատերը ոստի­կանության աշխատակից է (թեև, ինչպես մեզանում ընդունված է, հավանական է` սեփա­կա­նությունը ձևա­կերպ­­ված լինի այլ անձի ա­նունով), և փաստորեն ոստի­կա­նո­ւթյան աշխատակիցը` օրենքի պահապանն է, մեղմ ասած, ոտնա­հա­րում ՀՀ օրենս­դրությունը ...

Եվ ամենևին էլ զարմանալի չէ, որ «ժաման­ցի և զվարճանքի»  սույն «վայ­րը»   գոր­ծում էր նաև ապրիլի 24-ին՝ Հայոց ցեղասպանության զոհերի հիշատակի օրը:

ՀՀ  քաղա­քացի Նազիկ  Հովհաննիսյան

Տպել
2112 դիտում

Վանաձոր-Ալավերդի-Բագրատաշեն ճանապարհահատվածը բեռնատարների և ավտոբուսների համար փակ է

Դատական բարեփոխումները չպետք է խաթարեն համակարգի բնականոն աշխատանքը. դատավորների միություն

Երևանում 50-ամյա որդին ծանր մարմնական վնասվածքներ էր հասցրել 76-ամյա հորը

Երևանում ծառից էլեկտրալարով կախվել է 62-ամյա տղամարդ. մահից առաջ երկտող է թողել

ԿԳ նախարարի եւ ԵԹԿՊԻ ուսանողների հանդիպումն ավարտվել է. նրանք էլի կհանդիպեն

Տավուշի սահմանամերձ Սարիգյուղ եւ Ծաղկավան համայնքների համար ձեռք կբերվի կոմբայն. Սիփան Փաշինյան

Կառավարությունը 2 համայնքի ղեկավարների արտահերթ ընտրություն անցկացնելու մասին որոշում կկայացնի

Ներդրողի միջոցներով վերգետնյա անցում կառուցելու առաջարկը ինչո՞ւ է մերժվել․ պարզաբանում

Գառնիկ Բադալյանը նշանակվել է Աֆղանստանում ՀՀ դեսպան

Պատվաստման տարեք ձեր երեխաներին. վարչապետը հյուրընկալել է Նոբելյան մրցանակի դափնեկիր Հարալդ Զուր Հաուզենին

Պատրաստվում են անցնել հակագրոհի ամբողջ ճակատով. «Ժողովրդի դեմ խաղ չկան»-ն պետք է ամեն օր ապացուցել

Տիմատիի ու Նազիմայի նոր տեսահոլովակում Հայաստանի բնությունն է՝ իր ողջ շքեղությամբ (տեսանյութ)

Իտալիայում տուրիստական ավտոբուսի վթարի հետևանքով 5 վիրավոր ՀՀ քաղաքացի կա. ԱԳՆ

Խոսրով Հարությունյանը դատական հայց է ներկայացրել Արման Բաբաջանյանի դեմ

Հրդեհվել է Սպիտակ քաղաքի զինկոմիսարիատի տանիքը

Հավատարիմ եմ եղել իմ կանանց ու դավաճանել եմ սիրուհիներիս. հայտնի մտքեր Ազնավուրից

Չենք բողոքարկի որոշումը, քանի դեռ դատարանը չի հանդիսանում խախտված իրավունքը վերականգնող մարմին. Սանասարյան

Մայիսի 27-ին դատավորների արտահերթ ժողով է հրավիրվել

Բյուջեի 62 մլրդ դրամ ավելցուկի մի մասով զինվորների և ուսուցիչների աշխատավարձը կբարձրանա. ինչպես ծախսել մնացածը

Շիրակի մարզից ԱՆ ուղղաթիռով հիվանդ է տեղափոխվել Երեւան