Տիգրան Վիրաբյանը՝ ծախսատար միջոցառումները «Ֆակտորի փրոդաքշնից» պատվիրելու մասին

Երեւանի փոխքաղաքապետ Տիգրան Վիրաբյանը մեկնաբանել է խոսակցություններն այն մասին, որ քաղաքապետարանը ծախսատար միջոցառումների կազմակերպումը պատրվիրում է «Ֆակտորի փրոդաքշնից»: Նա գրառում է կատարել ֆեյսբուքյան իր էջում:

«1-ի եւ 10-ի տարբերությունը

Սկսենք սկզբից.

Վերջին օրերին ամենաշահարկվող հարցը. Ի՞նչ կապ կա իմ եւ «Ֆակտորի փրոդաքշն» ընկերության միջեւ.

իրավական առումով՝ ոչ մի: «Ֆակտորի» ընկերությունը հիմնվել է 2017թ.-ին, երբ ես զբաղեցնում էի Գյումրու Վ. Աճեմյանի անվան դրամատիկական թատրոն ՊՈԱԿ-ի տնօրենի պաշտոնը: Պաշտոն, որը թույլ չի տալիս զբաղվել այլ գործունեությամբ, քան կրթական, գիտական եւ մանկավարժական:

Ինչո՞ւ է Երեւանի փոխքաղաքապետը համագործակցում «Ֆակտորիի» հետ.

աշխատել եւ աշխատելու եմ բոլոր այն անհատների, ստեղծագործողների եւ ընկերությունների հետ, որոնք ստեղծում են բարձրարժեք եւ որակյալ մշակութային արտադրանք: Այո, երկիրը մեծ չէ, եւ ոլորտի՝ որակյալ գործունեություն ծավալող անհատները հիմնականում իրար ճանաչում են: Շատերին գիտեմ Երեւանի թատրոնի եւ կինոյի պետական ինստիտուտի «Արվեստի կառավարում» ֆակուլտետում ուսանելու տարիներից:

Ինչո՞ւ է Երեւանի քաղաքապետարանի կողմից կազմակերպվող բոլոր միջոցառումները իրականացնում «Ֆակտորի փրոդաքշն» ընկերությունը, կամ, ավելի ճիշտ, արդյո՞ք այս պնդումը ճիշտ է։

իմ պաշտոնավարման 6 ամիսների ընթացքում քաղաքապետարանը կազմակերպել է 5 մեծ միջոցառում. Ամանորի տոնական միջոցառում, Թատրոնի միջազգային օր, Մայրության եւ գեղեցկության օրվան նվիրված միջոցառում, Ապրիլի 24-ի հիշատակի օրվա միջոցառում եւ ապրիլի 30-ին կայանալիք «Ջազի միջազգային օր» միջոցառում։ Սրանցից միայն մեկն է իրականացրել «Ֆակտորի փրոդաքշն» ընկերությունը: Մնացած 4 միջոցառումները իրականացրել են 4 տարբեր ընկերություններ:

Անդրադառնալով գալիք շաբաթ օրը կայանալիք Քաղաքացու օրվա տոնակատարությանը՝ նշեմ, որ իմ մասնակցությունը եղել է զուտ խորհրդատվական բնույթի, իսկ կազմակերպիչը ՀՀ կառավարությունն է։ Այնուհանդերձ, կարեւոր եմ համարում ընդգծել, որ Հայաստանի ամբողջ տարածքում անցկացվող միջոցառումները պատվիրվել են ոչ թե մեկ, այլ, ուշադրություն, 10 (տասը) տարբեր ընկերությունների:

Եվ վերջում մի զավեշտի մասին: Անցած հոկտեմբերին Ֆրանկոֆոնիայի միջոցառումների կազմակերպման պատվեր տալու գործում դժվար թե կարողանար մասնակցություն ունենալ Գյումրու դրամատիկական թատրոնի տնօրեն Տիգրան Վիրաբյանը, այն պարզ պատճառով, որ միջոցառման կազմակերպիչը ԱԳՆ-ն էր»,- գրել է Վիրաբյանը:

Տպել
540 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան