Ինչ էլ որոշվի՝ պատասխանատվությունը լինելու է «Իմ քայլ»-ի վրա․ ԲՀԿ-ն տնտեսական հանձնաժողովի նիստի կեսից լքեց դահլիճը

ԲՀԿ-ն բոյկոտեց ԱԺ տնտեսական հարցերի մշտական հանձնաժողովի արտահերթ նիստը, որտեղ քննարկվելու էր Հայաստանում ցեմենտի իրական արժեքը որոշելու համար աշխատանքային խումբ ձեւավորելու մասին հարցը։

««Պետական տուրքի մասին» ՀՀ օրենքում լրացում կատարելու մասին» նախագիծը երկրորդ ընթերցմամբ ԱԺ ներկայացնելուց առաջ նախագծի քննարկման համար աշխատանքային խումբ կստեղծվի։ Այս մասին այսօր ԱԺ տնտեսական հարցերի մշտական հանձնաժողովի նիստում ասաց հանձնաժողովի նախագահ Բաբկեն Թունյանը։

Ինչպես հայտնեց Բաբկեն Թունյանը՝ աշխատանքային խմբի նախնական կազմում կլինեն հանձնաժողովի անդամները, եւ եթե այլ հանձաժողովներից մասնակցելու ցանկություն հայտնեն, եւս կարող են միանալ։ Խմբում կլինեն ներկայացուցիչներ նաեւ ֆինանսների եւ էկոնոմիկայի նախարարություններից․

«Աշխատանքային խմբում կընդգրկվեն նաեւ ցեմենտ արտադրող ընկերությունների ներկայացուցիչներ, տրանսպորտի եւ շինարարության ոլորտում գործունեություն իրականացնողներ, անկախ տնտեսագետներ, հարկ եղած դեպքում էլ՝ աուդիտորներ»,-ասաց Թունյանը՝ նշելով, որ բանավոր խոսակցությունների ժամանակ գրեթե բոլոր ընկերությունները ցանկություն են հայտնել համագործակցել հանձնաժողովի եւ աշխատանքային խմբի հետ։

Նիստի ժամանակ ԲՀԿ խմբակցության պատգամավոր Միքայել Մելքումյանը ասաց, որ խմբակցությունը կողմնակից է, որ բովանդակային քննարկում անցկացվի, բայց ԲՀԿ-ն այդ աշխատանքներին չի մասնակցի։ Անդրադառնալով քննարկումներին, որ խմբակցության ղեկավար Գագիկ Ծառուկյանը այս հարցում շահագրգիռ կողմ է՝ Մելքումյանը եւս մեկ անգամ հերքեց այդ կարծիքը, չնայած նրան, որ Գագիկ Ծառուկյանը «Արարատցեմենտ» ընկերության սեփականատեր է․

«Ինչ էլ որոշվի՝ դրա պատասխանատվությունը լինելու է «Իմ քայլ»-ի՝ քաղաքական մեծամասնության վրա։ Մենք չենք մասնակցելու քննարկումներին, ինչ էլ որոշեք՝ մեզ համար ընդունելի կլինի այդ որոշումը»,- հայտարարեց Մելքումյանը՝ ասելով, որ իրենք պատրաստվում են չմասնակցել նիստի հետագա քննարկմանը։

Հանձնաժողովի նախագահ Բաբկեն Թունյանն ասաց, որ իրենք լավ են հասկանում բոլոր հարցերի պատասխանատվությունը եւ միշտ պատրաստ են կրել այն՝ հավելելով, որ եթե ԲՀԿ-ն ինչ-որ պահի կփոխի կարծիքը, կարող է միանալ աշխատանքային խմբին եւ որ նրանց ներկայությունը ցանկալի կլիներ։

Մելքումյանն ասաց, որ կյանքը ցույց կտա, շնորհակալություն հայտնեց, եւ ԲՀԿ պատգամավորների հետ պատրաստվեց դուրս գալ դահլիճից։

ԲՀԿ պատգամավոր Նաիրա Զոհրաբյանն էլ իր հերթին ավելացրեց, ու քաղաքական մեծամասնությունը կրում է քաղաքական պատասխանտվություն բոլոր հնարավոր հետեւանքների համար․

«Մենք ըմբռնումով կմոտենանք ձեր կրելիք քաղաքական պատասխանատվությանը»։

Եւ թեպետ հանձնաժողովի նախագահ Բաբկեն Թունյանն ասաց, որ բացի այս հարցից նաեւ Հարկային օրենսգրքում փոփոխություններ եւ լրացումներ անելու մասին հարց էլ կա օրակարգում, միեւնույն է՝ ԲՀԿ-ական պատգամավորներն, այնուամենայնիվ, լքեցին դահլիճը։

Տպել
1182 դիտում

Այսօր ընտրված 102 պատվիրակները դեկտեմբերի 11-ին Ստամբուլում կընտրեն Պոլսո հայոց 85-րդ պատրիարքին

5 ոսկի, 5 արծաթ, 1 բրոնզ. հաշմանդամ մարզիկների ​աշխարհի առաջնությունում ՀՀ ֆեդերացիայի հաջողությունները

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքական ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում