Բաղրամյան 26-ում չեն թույլատրել «Բաղրամյան 26»-ի շնորհանդեսը

Գրատուն հրատարակչությունը հրատարակել է Սամվել Խաչատուրյանի «Բաղրամյան 26» վեպը: «Բաղրամյան 26»-ը Սամվել Խաչատուրյանի առաջին գիրքն է: 124 էջից բաղկացած վեպը Սամվելը սկսել է գրել 2015 թվականին Երեւանում տեղի ունեցած «Էլեկտրիկ Երեւան»-ի դեպքերից մեկ տարի հետո:

Հեղինակի խոսքով՝ վեպում շատ բան կարելի էր այլ կերպ անել կամ ընդհանրապես չանել։ Եվ ինչքան էլ ռիսկային լինի «Բաղրամյան 26»-ը լսարանին ներկայացնելը, միեւնույն է, չի փոշմանում, որ նման պատասխանատվության տակ է մտել։

«Բաղրամյան 26»-ի աշխատանքները տեւել են մի քանի ամիս, սակայն գիրքը հրատարակվել է գրեթե 3 տարի անց: Վեպը ծնվել է լրատվության ներկայացրած ինֆորմացիաների եւ տարբեր երիտասարդ ակտիվիստների հետ զրույցների արդյունքում: «Մի քանի ամսում վերջացրեցի, բայց այդ ժամանակ հրատարակել չցանկացա. խնդիրն իմ մեջ էր, չէի ցանկանում հրատարակվի, որովհետեւ հայտնի հեղինակ չեմ, եւ մտավախություն ունեի, որ գուցե գիրքը ոչ մեկին պետք չգա: 2018 թվականի գարնանը, Սերժ Սարգսյանի հրաժարականից հետո, թավշյա հեղափոխության օրերին որոշեցի գրվածքիս մեջ որոշակի փոփոխություններ մտցնել եւ վերջնականապես որոշեցի, որ այն պետք է հրատարակվի»,-պատմեց վեպի հեղինակը:

«Բաղրամյան 26»-ի աշխատանքներում Սամվել Խաչատուրյանին աջակցել է Գարտուն հրատարակչության տնօրեն Հայկ Կոստանյանը, խմբագրման աշխատանքներն իրականացրել է Մարիամ Մարտիրոսյանը: 

Գրքի շնորհանդեսը տեղի ունեցավ Հոդված 3 ակումբում: «Բաղրամյան 26»-ի շնորհանդեսը ուզում էինք Բաղրամյան 26-ում իրականացնել, ներսում չէ, թեկուզ այգում, մեզ ասեցին, որ կմտածեն ու կարձագանքեն մինչեւ ապրիլի 23-ը, բայց այդպես էլ չպատասխանեցին, ուստի իրականացրեցինք Հոդված 3-ում»,- հայտնեց Հայկ Կոստանյանը: Գրատուն հրատարակչության տնօրենի խոսքով` դեռեւս ապրիլի սկզբին էին դիմել նախագահական, որպեսզի Բաղրամյան 26-ում իրականացվեր գրքի շնորհանդեսը, հստակ ժամանակացույց էին նշել, հայտնել, որ ցանկանում են ապրիլի 23-ին լինի, սակայն ոչ մի արձագաք այդպես էլ չեն ստացել:

««Բաղրամյան քսանվեց» վեպը մեր իրականության, անցյալի, ներկայի, ինչու չէ նաև ապագայի մասին է, վեպում ցանկացած քաղաքացի կտեսնի իրեն կյանքի որոշ փուլերում, վեպը պատմում է 2015 թվականի Էլեկտրիկ Երևանի ցույցերից սկսած մինչև 2018 թվականի թավշյա հեղափոխությունը: Վեպը մեր սպասումների, երազանքների, հիասթափությունների և ազատ քաղաքացի կերտելու մասին է»,-նկատեց հրատարակչության տնօրեն Հայկ Կոստանյանը:

«Անկախ սոցցանցերում տարածված ավելորդ աղմուկից, լարվածությունից ու չհասկացված լինելու բարդույթից, գիրքը չէր լինի, եթե չլիներ հավատն այն մարդկանց նկատմամբ, ովքեր ինձ ցույց տվեցին, որ վախենալ ու ենթարկվել պետք չէ»,-նկատեց Սամվել Խաչատուրյանը: Հեղինակը հայտնեց, որ վեպին զուգահեռ գրվելու է նաեւ Էսսե, որտեղ կպատմվի ողջ ստեղծագործական պրոցեսի մասին: Ստորեւ մի հատված նոր գրվող էսսեից.

Չհանդուրժելով վախն ու կասկածամտությունը, պատրաստ հրաժարվելու քծնանքով ու ստրկությամբ ձեռք բերած թանկագին գանձերից ու փնտրել նորերը, վազել ու գտնել այն կետը, որ վերջապես դուրս կտանի մեզ մեկ այլ հարթություն, ուր վերջապես մենք անզուսպ կլինենք... որտեղ մինչ մահը կապրենք մենք: Հավերժ:
Կրկեսը
հիասթափված կգոռա` դրա՛մա, դրա՛մա, բայց մենք թույլ կժպտանք ու դանդաղ քայլերով, մուտքի քայլերով, հպարտ կեցվածքով կգնանք հեռու հեռուներ ու չենք համաձայնի ականջ դնել բոլորին: Մեր ձայնը, որ պատռում է սարերը ստվարաթղթի նման, կլանել է մեզ լայն ու լույս աշխարհում, մենք ինքներս մեզ ունենք
ու
մի երազանք` չստորանա՛լ...

Տպել
691 դիտում

Լոռու մարզպետի հետ հանդիպումը արդյունք չտվեց. վարորդները որոշեցին շարունակել գործադուլը

Էրդողանը շնորհավորական ուղերձ է հղել Ալիևին՝ Ադրբեջանի 101-ամյակի կապակցությամբ

Արմավիրի մարզի մի շարք համայքներում հակակարկտային կայանքներից արձակվել է 1811 կրակոց

Պուտինը պետական պարգեւներ եւ կոչումներ է շնորհել ռուսաստանաբնակ հայտնի հայ գործիչներին

Աղբահանման և աղբի վերամշակման աշխատանքները համակարգող աշխատանքային խումբը սկսում է գործունեության առաջին փուլը

Եվրոպա լիգայի եզրափակիչը կարող է խաղացվել հազարավոր դատարկ տրիբունաների առաջ. The Sun

Ողբերգական դեպք Գյումրիում. երեխան մահացել է

Աշխարհաքաղաքականության և հակամարտությունների ֆրանսահայ փորձագետը ՀՀ ԱԳՆ-ում հանդես եկավ դասախոսությամբ

Դատավոր Դավիթ Գրիգորյանը հանցագործության մասին հաղորդում է ներկայացրել գլխավոր դատախազին

BBC-ն Գրանդ փղի մասին վավերագրական ֆիլմը կցուցադրի հունիսի 6-ին

Օսիպյանը շնորհավորական ուղերձ է հղել վերջին զանգի առթիվ

Պետնախարարը հանդիպել է CONIFA-ի Արցախում կայանալիք ԵԱ-ին  մասնակցող Արցախի հավաքականի հետ

Տեղի է ունեցել ՀՀԿ Գործադիր մարմնի հերթական նիստը. գնահատական է տրվել վարչապետի կոչին

«Արսենալի» երկրպագուները ստորագրահավաք են սկսել, որ ԵԼ եզրափակիչը Բաքվից տեղափոխվի

Ես տուրիստ էի եկել, էդ տանն էլ 3 եղբայր ենք ապրում ու 50 ախրանա, որ մեզ պահում ա. Դոն Պիպոն չգիտեր, որ իր ասուլիսն է

Վարչապետը վերընտրվելու առթիվ շնորհավորական ուղերձ է հղել Հնդկաստանի վարչապետ Նարենդրա Մոդիին

Մխիթարյանի՝ ԵԼ եզրափակչին չմասնացկելը խայտառակում է ՈՒԵՖԱ-ին. CNN-ն առաջարկում է բոյկոտել

Քոչարյանի եւ մյուսների գործով վերաքննիչ բողոքը ներկայացվել է. եղել է դատավարական օրենքի էական խախտում

Եկել ենք ասելո՝ւ լրջացե՛ք. Արմեն Ռուստամյան

Վերջին զանգի օրը ոստիկանները կծառայեն ուժեղացված ռեժիմով (տեսանյութ)