Հայաստանի բուհերի ուսանողների կեսից ավելին օգտվում է ուսման վարձը ամսական տարբերակով վճարելու հնարավորությունից

Մարտի 6-ին Ազգային ժողովում «Կրթության մասին» ՀՀ օրենքում փոփոխություններ կատարելու մասին նախագծի ընդունմամբ Հայաստանի բուհերի ուսանողներին հնարավորություն տրվեց ուսման վարձերը վճարել մաս-մաս`ամսական կտրվածքով:

Ըստ նախագծի` ուսանողներն արդեն իրավունք ունեն կիսամյակի համար սահմանված ուսման վարձավճարը վճարել հավասարաչափ 4 ամիսների ընթացքում (1-ին կիսամյակում՝ սեպտեմբեր, հոկտեմբեր, նոյեմբեր, դեկտեմբեր ամիսներին, 2-րդ կիսամյակում՝ փետրվար, մարտ, ապրիլ, մայիս ամիսներին), բացառությամբ 1-ին կուրսի 1-ին կիսամյակի և ավարտական կուրսի վերջին կիսամյակի համար սահմանված վարձավճարի:

Ըստ ընդունված նախագծի` ուսանողը պետք է ընթացիկ ամսվա համար սահմանված վարձավճարի համապատասխան մասը վճարի համալսարանի բանկային հաշվեհամարին, մինչև տվյալ ամսվա վերջին աշխատանքային օրը: Ինչպես նաև տվյալ ամսվա համար սահմանված ժամկետում ուսման վարձավճարը չվճարելու դեպքում ուսանողը կարող է հեռացվել համալսարանից:

Այս նախագիծի ընդունումն առաջինը մեծ ոգևորություն առաջացրեց ուսանողների շրջանում: Այն մեծ հնարավորություն է ուսանողների համար, քանի որ նրանց համար շատ ավելի հեշտ է 12 ամիսների ընթացքում վճարել ուսման վարձը՝ ընդհանուր գումարը ամսական վճարների բաժանելով: Մյուս կողմից ուսանողներին տրվում է լայն հնարավորություն, քանի որ ուսման վարձը միանվագ վճարելու անհնարինության պատճառով բազմաթիվ ուսանողներ դուրս են մնում բուհերից:

«Հայկական ժամանակ»-ը հետաքրքրվեց, թե նախագծի ընդունումից հետո Երևանի տարբեր բուհերի ուսանողների քանի տոկոսն է կարողացել այդ ձևաչափով վարձավճարները վճարել, համեմետած անցած տարիների, երբ ուսանողները պետք է կիսամյակի սկզբում վճարեին ամբողջ կիսամյակի համար նախատեսվելիք վարձը:

Հայաստանի պետական տնտեսագիտական համալսարանի լրատվության և հասարակայնության հետ կապերի բաժնի պետ Գոհար Գևորգյանը մեզ հետ զրույցում ասաց, որ համալսարանում մեծ թիվ են կազմում այն ուսանողները, որոնք օգտվում են վարձավճարները ամսական տարբերակով վճարելու հնարավորությունից.

«Հայաստանի պետական տնտեսագիտական համալսարանում ուսման վարձի վճարման համակարգը ճկուն է եղել նաև նախկինում, այսինքն՝ բոլոր այն դեպքերում, երբ ուսանողները ցանկություն են հայտնել վարձը մաս-մաս վճարել, նրանց համար կազմվել է անհատական ժամանակացույց: Օրենքն ուժի մեջ մտնելուց հետո մեր ուսանողները ևս օգտվում են այդ հնարավորությունից: Թե քանի ուսանող է օգտվում այդ հնարավորությունից, չենք կարող ասել, քանի որ հաշվառում չենք իրականացրել, սակայն այս պահին ուսանողների ավելի քան 50 տոկոսը կամ կեսից ավելին ունի ուսման վարձի պարտք, ինչը նշանակում է, որ մեծ թվով ուսանողներ օգտվում են ուսման վարձը ուսումնական տարվա տարբեր ամիսներին վճարելու հնարավորությունից»- ասաց Գոհար Գևորգյանը:

Գրեթե նույն պատկերն էր նաև ՀՊՄՀ-ում և ՀԱԱՀ-ում:

Խաչատուր Աբովյանի անվան հայկական պետական մանկավարժական համալսարանի լրատվության և հանրության կապերի վարչության պետ Դիանա Մարկոսյանը մեզ հայտնեց, որ ՀՊՄՀ-ն միշտ էլ իր ուսանողներին հնարավորություն է տվել վարձավճարները վճարել մաս-մաս, և ուսման վարձերը  միանվագ կամ կիսամյակային կտրվածքով չվճարելու դեպքում ուսանողները դուրս չեն մնացել համալսարանից: Սակայն հիմա` ամսական տարբերակով վարձավճարները կատարելու նախագծի ընդունումից հետո, համալսարանն արդեն օրենքով ընդունված նախագծի շրջանակներում թույլ կտա մաս-մաս վճարել ուսումնական վարձը:

ՀՊՄՀ լրատվության և հասարակության հետ կապերի վարչությունից տեղեկացանք նաև, որ այս տարի ուսանողների շրջանում դեռ չեն եղել այնպիսի դեպքեր, որ ուսանողը ցանկություն հայտնի և դիմում գրի ուսման վարձը մաս-մաս վճարելու համար:

Հայաստանի ազգային ագրարարային համալսարանի ուսումնական վարչությատ պետ Դանիել Հայրապետյանը մեզ տեկեկացրեց, որ մինչ նախագծի ընդունվելը, համալսարանն արդեն կիրառում էր  ուսման վարձը մաս-մաս վճարելու մեխանիզմը: «Մինչև վերջին քննության մտնելը մենք ուսանողին հնարավորություն ենք տվել վարձը մաս-մաս վճարելու` 5000-ով, 10 000-ով, ինչքան որ ուսանողը կարողացել է այդ ընթացքում: Բայց տարեվերջյան վերջին քննությանը պետք է ուսանողը վարձը ամբողջությամբ վճարած մտնի քննության, եթե այդ ժամանակ էլ չի կարողանում ամբողջությամբ վճարել, միչև լուծարքային շրջանի ավարտ ուսանողին հնարավորություն տալիս ենք ամբողջությամբ վճարել իր ուսումնական վարձավճարը»- տեղեկացանք ՀԱԱՀ-ի ուսումնական վարչության պետից:

Տպել
1056 դիտում

Երեկ տեղացած ձյան պատճառով ավտովթարների թիվը Հայաստանում էականորեն ավելացել է. ՃՈ պետ

Զելենսկին «շանս» է տվել Գոնչարուկին. Ուկրաինայի վարչապետը կշարունակի պաշտոնավարել

Սյունիքում 2019 թվականին ամբողջովին վերանորոգվել են 49 դպրոցների ճաշարաններ, իսկ 15-ի նորոգումն ընթացքի մեջ է

Հրդեհ Դավիթաշենում. տուժածներ չկան, վնասը նյութական է

Երեւան-Սեւան մայրուղու հարեւանությամբ վեր խոյացող «Արձագանք» եւ «Անվերջության ժապավեն» քանդակները կվերականգնվեն

Քաղաքացիները կամավոր հանձնել են «Կալաշնիկով» ինքնաձիգ, հրացան, ատրճանակ և զինամթերք

Արարատի մարզում նախատեսված է հիմնանորոգել միջպետական եւ հանրապետական նշանակության 23,4 կմ ավտոճանապարհ

Ինքնաթիռի կործանման օրը Իրանի օդային տարածքում 6 ամերիկյան F35 կործանիչ-ռմբակոծիչ է եղել. Լավրով

Ողբերգական վթար Երևան-Երասխ ճանապարհին. վիրավորները գիտակցության չգալով մահացել են

Սպանդանոց կառուցելու ցանկություն հայտնողների թիվը կտրուկ ավելացել է

ՆԱՏՕ-ի գեներալ Լորեն Միշոն բարձր է գնահատել հայ խաղաղապահների պատրաստվածության մակարդակը

Աշխատանքային գրքույկների հավաքագրման աշխատանքների ժամկետը լրացել է

ԱՄՆ-ը մտածել է Իրանի միջուկային օբյեկտներին կանխարգելիչ հարված հասցնելու մասին. Մայք Պոմպեո

Ամփոփվել են ՀՀ ԶՈւ զորքերի ծառայության վարչության կատարած աշխատանքները

Արմեն Սարգսյանը ցավակցել է Գեորգի Կուտոյանի​ մահվան կապակցությամբ

Մեքենան բախվել է ծառին, հետո՝ «Կլայկ» կահույքի արտադրամասի պատին. կա տուժած

Վարչապետ Նիկոլ Փաշինյանն ընդունել է հայտնի աստղաֆիզիկոս Գարիկ Իսրայելյանին

Մարզպետը կլանային որոշում կայացրեց, սա հիվանդանոցն ինձանից խլել էր, որը չեմ հանդուրժելու. Աշոտ Կուրղինյան

Սոցցանցերից մեկի օգտատերը երիտասարդի մերկ լուսանկարները չհրապարակելու համար պահանջել էր 190․000 դրամ. ոստիկանություն

Հրայր Թովմասյանը անձամբ է ինձ խնդրել, որ մտնի Կուտոյանի մահվան դեպքի վայր, սակայն ես թույլ չեմ տվել. Արթուր Մելիքյան