Բազմաթիվ կարեւոր խնդիրներ կան, որոնք մենք փորձում ենք լուծել. Սիփան Փաշինյան

Վերջին ամիսներին ՀՀ ազգային ժողովի «Իմ քայլը» խմբակցության պատգամավոր Սիփան Փաշինյանը 2 տարբեր ծրագրերի շրջանակներում կարողացել է ներդրողներ ներգրավել Տավուշի մարզում:

«Հայկական ժամանակ»-ը զրուցել է պատգամավորի հետ՝ իր իրականացրած ծրագրերի եւ պատգամավորական գործունեության մասին:

- Պարոն Փաշինյան, Տավուշի մարզում ի՞նչ ծրագրեր եք իրականացնում: Նկատել ենք, որ 2 տարբեր ծրագրերի մասով կարողացել եք արտերկրում բնակվող մեր հայրենակիցներին ներգրավել եւ նրանք ներդրում են կատարում այդ ծրագրերում: Ի վերջո, որպես պատգամավոր, ձեր առաքելությունը դա չէ, ինչո՞ւ եք այդքան աշխատում դրանց շուրջ:

- Բնականաբար, դա իմ պարտականությունների մեջ չի մտնում, բայց ամեն դեպքում հասարակությունը երբ ինձ ձայն է տվել, քարոզարշավի ժամանակ զգացել եմ, որ իրենք ինձնից ակնկալում են, որպեսզի փորձեմ հնարավորինս այնպես անել, որ մարզում ներդրումներ լինեն, աշխատատեղեր բացվեն: Ես, որպես տավուշեցի, հիմա փորձում եմ մարզում որոշակի ներդրումներ ներգրավել:

- Օրերս գրել էիք, որ Տավուշի մարզի Ակնաղբյուր համայնքում ծրագիր իրականացնելու համար անհրաժեշտ գումարի 20 տոկոսը համայնքը պետք է վճարեր, որը չուներ, սակայն արտերկրում բնակվող մեր հայրենակիցը որոշել է տրամադրել այդ գումարը: Մանրամասներ կներկայացնե՞ք այդ ծրագրից եւ ներդրումից:

- Դա ներդրում չի: Դա ՄԱԿ-ի ծրագիր է. Ակնաղբյուրում 17.1 հեկտար գյուղատնտեսական նշանակության հողատարածքում ջրի ոռոգման խնդիր կա: ՄԱԿ-ը ծրագիր է իրականացրել՝ համաֆինանսավորման պայմանով: Մոտ 51 մլն դրամի ծրագիր էր, Ակնաղբյուրը պետք է 20 տոկոսը վճարեր, այսինքն, 10 միլիոնից մի փոքր ավելի: Բնականաբար, համայնքը չունի այդ բյուջեն, քանի որ փոքր է: Ես կարողացա ներգրավել մարդկանց, որոնք հայրենասեր են եւ մենք հիմա ունենք այդ 10 միլիոնը: Այդ գումարը փոխանցվել է գյուղի հաշվեհամարին, եւ ծրագիրն ամիսների ընթացքում կիրականանա: Մոտակա օրերս կխոսեմ այլ ծրագրի մասին, որը կիրականանա՝ դրսում բնակվող հայազգի գործարարների աջակցությամբ:

- Մոտ 2 ամիս առաջ խոսել էիք նաեւ մեկ այլ ծրագրի մասին: Նշել էիք, որ կա ներդրող, որն Իջեւանում հողատարածք է գնել եւ ցանկություն ունի ներդրում կատարել: Գրվեց նաեւ, որ այդտեղ հավանաբար խաղահրապարակ է կառուցվելու: Այդ ծրագրի վերաբերյալ մանրամասներ կարո՞ղ եք հայտնել:

- Տվյալ ներդրողը՝ Արմեն Սիրունյանը, ռուսաստանաբնակ գործարար է: Գնել է տարածքը, որոշակի գործողություններ է այդտեղ իրականացրել: Նախնական տեղեկություններով՝ 1 ամսից կսկսվեն բուն շինարարական աշխատանքները: Հավանաբար այնտեղ կլինի մանկական ռեստորան, մեծ խաղային սարքեր, ատրակցիոններ:

- Ժամկետներ կա՞ն, թե դա երբ պատրաստ կլինի:

- Հույս ունենանք՝ այս տարվա մեջ կավարտենք:

- Մարզպետի, մարզպետարանի հետ համագործակցություն կա՞ այս ծրագրերի շուրջ, թե ինքնուրույն եք անում:

- Եթե կարիք է լինում՝ բնականաբար համագործակցում եմ, բայց տվյալ պարագայում՝ ոչ, որովհետեւ դրա կարիքը չկա: Մարզպետարանն իր աշխատանքն է կատարում, ես էլ փորձում եմ այսպիսով օգտակար լինել: Որեւիցե համագործակցելու խնդիր չկա բնականաբար: Միայն այդ ծրագիրը չէ, որ պետք է իրականանա, տարբեր ծրագրեր կան:

- Էլ ի՞նչ ծրագրեր կան:

- Շինարարության ծրագիր կա մեծ, բայց թույլ տվեք դրա մասին առայժմ չխոսել: Մեկնարկը տալուց անպայման կհրավիրեմ լուսաբանելու:

- Որպես պատգամավոր օրենսդրական նախաձեռնություններով հանդես գալու մտադրություն ունե՞ք առաջիկայում:

- Ես հիմա ճիշտն ասած «Վիճակախաղերի մասին» օրենքի նախագծի համահեղինակ եմ, իմ ընտրողների հետ խոսել էի ու պատրաստվում էի նման նախագծով հանդես գալ: Բայց ինչպես գիտեք Ալեն Սիմոնյանը արդեն իսկ հանդես է եկել նման նախաձեռնությամբ՝ դեռ նախորդ գումարման ԱԺ-ում, այդ իսկ պատճառով համահեղինակ եմ եւ նաեւ առաջարկներով հանդես կգամ: Օրենսդրական այլ նախագիծ կա, որը հիմա քննարկման փուլում է. դա նախկին արտադրական տարածքների գույքահարկերի հետ կապված խնդիրն է, որոնք չեն աշխատում եւ որոնք որեւիցե հավելյալ արժեք չեն ստեղծում: Հիմա քննարկման փուլում է, պետք է հասկանալ, թե ինչ ձեւով է հնարավոր դա կարգավորել օրենսդրական դաշտում:

- Տավուշի մարզը սահմանային մարզ է: Մարզից հիմնականում արտագաղթն ավելի շատ է լինում, քան ներգաղթը: Այդ մասով հորդոր կամ կոչ եղե՞լ է, որպեսզի մնան մարզում: Կամ ներդրողների հետ բանակցություններ եղե՞լ են, որպեսզի աշխատատեղեր բացվեն մարզում եւ արտագաղթի խնդիրը վերանա:

- Հորդորելով մարդուն չես կարող պահել եւ ասել՝ մի արտագաղթիր: Իմ գործունեությամբ՝ բնականաբար այն, ինչն ինձ օրենքը թույլ է տալիս, ես փորձում եմ ամեն ինչ անել, որպեսզի տավուշցիների կյանքն ավելի հարմարավետ դառնա եւ հնարավորություն ունենան աշխատելու ու չլքելու իրենց մարզը: Բնականաբար, մենք պետք է ամեն ինչ անենք, որ աշխատատեղեր բացվեն, որպեսզի մարդիկ չլքեն իրենց հայրենի գյուղը կամ քաղաքը:

- Մարզ այցելելու կամ քաղաքացիներին հանդիպելու հաճախականություն կա՞:

- Ես հաճախ եմ մարզ այցելում, բայց ոչ թե կոնկրետ հանդիպումների նպատակով, այլ այն ծրագրերի, որոնք պետք է տեղի ունենան կամ փորձում եմ այնպես անել, որ դրանք իրականանան: Տարբեր գործերով եմ գնում ու այդ ընթացքում գաղտնի տեղերով չեմ շրջում: Առաջիկայում բնականաբար պլանավորել եմ այցելել համայնքներ, որպեսզի բնակիչների հետ շփվեմ եւ հասկանամ՝ ինչ խնդիր կա:

- Որպես պատգամավոր, ի՞նչ եք կարծում, որն է այսօր տավուշցիների հիմնական խնդիրը:

- Որպես այդպիսին խնդիրները, կարծում եմ, մարզերում նույնն են եւ շատ են: Կարծում եմ, կոնկրետ մեծ խնդիր, որը շատ գլոբալ է, սխալ է առանձնացնել մնացած խնդիրներից: Խնդիրները բազմազան են եւ չկա ավել կամ պակաս խնդիր: Բազմաթիվ կարեւոր խնդիրներ կան, որոնք մենք փորձում ենք լուծել: Կարծում եմ, մի քիչ արդեն իսկ ստացվում է եւ հույս ունեմ, որ ավելի մեծ քայլերով հետագայում առաջ կգնանք: Կփորձենք լուծել բոլոր խնդիրները, չնայած բոլոր խնդիրները բարդ է լուծելը:

Տպել
1398 դիտում

Թուրքիայից ԵՄ արտահանումը 2019-ի 7 ամսում կազմել է 47.2 մլրդ եվրո

Այսօր առանձին շրջաններում սպասվում են տեղումներ, առաջիկա օրերին՝ առանց տեղումների եղանակ

Հրշեջները մարել են Ներքին Չարբախի գերեզմանատանը բռնկված հրդեհը

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին