Վանաձորի բժշկական կենտրոնում աուդիտը ընթացքի մեջ է. որոշակի պատկեր արդեն պարզ է

Վանաձորի բժշկական կենտրոնում շուրջ 3 ամիս առաջ սկսված աուդիտի գործընթացը դեռեւս շարունակվում է: Այս մասին ՀԺ-ի հետ զրույցում ասաց բժշկական կենտրոնի տնօրենի ժամանակավոր պաշտոնակատար Վահագն Մկրտչյանը: Հիշեցնենք, որ աուդիտ պահանջել էր հենց տնօրենը՝ ժամանակավոր պաշտոնակատար նշանակվելուց անմիջապես հետո:

«Ներկա պահին հիվանդանոցում իրականացվում են աուդիտի աշխատանքներ մարզպետարանի աուդիտի, ինչպես նաեւ Երեւանից եկած անկախ աուդիտի կողմից: Ամենօրյա ռեժիմով ու մեծ ծավալով ուսումնասիրություններ են արվում: Վերջին տարիների գործունեությունն է ուսումնասիրվում»,- ասաց Վահագն Մկրտչյանը՝ նշելով, որ մոտակա ժամանակներում վերջնական պատկեր կլինի, բայց. «Որոշ բաներ  իսկզբանե մեզ համար պարզ էր, թե ինչ է կատարվել նախկինում, պարզ էր նաեւ, թե ինչի հաշվին է հիվանդանոցը մեծ պարտքեր կուտակել ու արագ տեմպերով գլորվել ֆինանսական անդունդը»:

Շուրջ 3 ամիս տնօրենի ժամանակավոր պաշտոնակատար աշխատող Վահագն Մկրտչյանը օրինակ է բերում իր պաշտոնավարման ընթացքում վճարովի ծառայությունների աննախադեպ ու թռիչքային աճը. «Դա 3 հանգամանքով է պայմանավորված. նախ բժշկական կենտրոնը տեղափոխվել է նոր շենք, ինչի պատճառով նաեւ հոսքերն են ավելացել, երկրորդ հանգամանքն այն է, որ մենք ունենք որոշակի ծառայությունների համալրում, որը նախկինում չի եղել, իսկ որ ամենակարեւորն է՝ իմ կողմից բժշկական կենտրոնում անողոք պայքար է հայտարարվել ստվերային դրամաշրջանառության դեմ»:

Մկրտչյանն ասում է, որ այս 3 ամիսներին իրենք կարողացել են ոչ միայն բժշկական կենտրոնի ընթացիկ աշխատանքները բավարար առաջ տանել՝ առանց նոր պարտքեր կուտակելու, այլ նաեւ հին պարտքերից են վճարումներ արել:

Բացի ստվերային դրամաշրջանառությունից, հիվանդանոցում նաեւ ուռճացված հաստիքներ են եղել, պարբերաբար ու նույն մարդկանց տրված պարգեւատրումներ. «Մարդիկ են եղել, ովքեր պատկառելի գումարներ են ստացել պետական միջոցներից, բայց ոչինչ չեն արել: Իրենք այսօր ազատված են աշխատանքից, բայց աշխատանքը դրանից չի տուժել, ոչ էլ իրենց փոխարեն նոր մարդիկ են ընդունվել, պարզապես աշխատանքի ներքին վերաբաշխում է արվել»,- ասաց Մկրտչյանը: Անդրադառնալով պարգեւատրումերին՝ նշեց, որ դրանք կրկնվող են եղել, ու հիմնականում պարգեւատրվել են նույն մարդիկ. «Պարգեւատրումները ես ինքս եմ հայտնաբերել, առանց որեւէ աուդիտի, 2014թ-ից սկսած նայել եմ, տարեկան 2 մլն-ի պարգեւատրումներ են եղել, մեծ գումարները ստացել են նույն մարդիկ, ովքեր այստեղ ոչ բժիշկ են եղել, ոչ մայրապետ: Ինձ համար անընդունելի ու անհասկանալի է՝ երբ հիմնարկը պարտքեր ունի ու դու պարգեւատրումներ ես անում…»:

Մկրտչյանն ասում է, որ իր պաշտոնավարման օրոք ինքը եւս պարգեւատրումներ է արել, բայց ոչ թե վարչական օղակի աշխատակիցներին, այլ սանիտարներին, ովքեր ահռելի աշխատանք են կատարում եւ իսկապես արժանի են եղել խրախուսման. «Ծննդատան մայրապետերին ենք խրախուսել, ամեն մի մայրապետը մի ամբողջ հարկ է մաքրում, իդեալական է այնտեղ, բա այդ մարդկանց ո՞նց չխրախուսենք… սիմվոլիկ գումար ենք տվել, բայց դա ուշադրություն էր, որին արժանի էին, պարգեւատրումը լավ բան է, երբ տեղին է արվում»,- ասաց տնօրենի ժամանակովր պաշտոնակատար Վահագն Մկրտչյանը: Մեր հարցին, ինքն իրեն այս ամիսներին չի՞ պարգեւատրել, բացասական պատասխան տվեց. «Միայն մայրապետերն են պարգեւատրվել, որեւէ այլ մարդ, այդ թվում՝ ադմինիստրատիվ աշխատակից կամ տնօրեն, չի պարգեւատրվել…»:

Տպել
2659 դիտում

Գիտականորեն ապացուցվել է, որ կորոնավիրուսի փոխանցման հիմնական գործոն դարձել են ծովամթերքից եւ օձից պատրաստված ուտեստները

ԱԺ-ն առաջին ընթերցմամբ միաձայն էներգետիկ ոլորտի ընկերությունների իրական սեփականատերերի բացահայտման նախագիծը

Որքան գիտեմ՝ Ռուբեն Հայրապետյանն ու Սերժ Սարգսյանը իրար հետ են գնացել աճուրդի տեղը․ Սուքիասյանը՝ «Բջնի» գործարանի մասին

Պետությանը պատճառվել է 36 միլիոն դրամից ավելի վնաս. հարուցվել է քրեական գործ (տեսանյութ)

Դե, «քուանշ» ուրեմն. 20 օր ժամանակ ունեք մանդատները վայր դնելու համար. Ալեն Սիմոնյանը՝ ԲՀԿ-ին եւ ԼՀԿ-ին

Սերժ Սարգսյանը պետք է գար, որ գովազդեր իմ «Ռոսիա մոլը», որովհետեւ ես շատ տուժած էի․ Խաչատուր Սուքիասյան

Ցմահ դատապարտյալի գործով դատարանի կողմից դատավարական իրավունքի հիմնարար խախտման հիմքով վերաքննիչ բողոք է ներկայացվել

Վիվա-ՄՏՍ. «+3ԳԲ» ինտերնետ փաթեթ՝ «X», «Y» և «Z» սակագնային պլանների բաժանորդների համար

Պարտադիր ժամկետային զինծառայողների վիրավորվելու դեպքի առթիվ հարուցվել է քրեական գործ . ՔԿ

Տիգրան Ավինյանը մասնակցել է «COBRAIN» ծրագրի մեկնարկային գիտաժողովին

«Գրագետ տղա էր». երեկ «Էրեբունի պլազա» ներխուժած տղամարդը «Բերկուտ» անվտանգության ծառայությունում պահնորդ է աշխատել

Ոստիկանության բարեփոխումների նպատակը պետք է լինի ոստիկանություն-քաղաքացի նոր հարաբերությունների հաստատումը. վարչապետ

Էկոնոմիկայի նախարարի տեղակալ Արտակ Քամալյանը հունվարի 31-ին կազատվի պաշտոնից. նա ԵՏՀ-ում նախարար է նշանակվել

Ցմահ դատապարտյալ Աշոտ Մանուկյանն ազատ է արձակվել

ԱԺ-ն քննարկում է այլընտրանքային՝ հեռավար կրթության անցման մասին նախագիծը

Դատական դեպարտամենտի դատական կարգադրիչների ծառայության պետին գեներալ-մայորի կոչում է շնորհվել

Պուտինն աշխարհի 5 երկրների առաջնորդներին առաջարկել է հանդիպում ունենալ

Սա իմ խաչն է, որը ես պիտի տանեմ. Հրայր Թովմասյան

Ատրճանակ, հրացաններ, նռնակներ․ ոստիկանության բաժիններում ապօրինի զենքեր են հանձնվել (տեսանյութ)

Նիկոլ Փաշինյանը փոփոխել է իր որոշումը՝ Սահմանադրական բարեփոխումների հանձնաժողովի անդամների թիվը 15-ից դարձնելով 16