Ի՞նչ պատահեց աղբահանությանը. նախկինում այդպիսի պարտավորություն դրված էր նաեւ վարչական շրջանների ղեկավարների վրա

Երեւանում աղբահանության խնդիրը լրջագույններից է: Թե՛ հանրությունը, թե՛ քաղաքապետարանը, թե՛ միակ օպերատոր «Սանիթեք» ընկերությունը արձանագրում են, որ համայնքում էապես վատթարացել է սանիտարական վիճակը եւ սպառնում է մոտենալ ընդհուպ ճգնաժամայինի:

Դրանից խուսափելու պատճռաբանությամբ եւ հրատապության հիմնավորմամբ քաղաքապետարանը դիմել է կառավարությանը՝ իրավունք ստանալու 15 աղբատար մեքենաների ձեռքբերումը կազմակերպել «մեկ անձից» գնման ընթացակարգով, ինչը թույլ կտա հավելյալ ռեսուրսներ ներգրավել աղբահանությունը կազմակերպելու համար: Կառավարությունն այսօրվա նիստում հավանություն տվեց նախագծին:

Քաղաքային իշխանությունը դժգոհ է «Սանիթեքի» աշխատանքից, ընկերությունն էլ մատնացույց է անում ինչ-ինչ խնդիրներ ու խոչընդոտներ: Դեռ ամիսներ առաջ քաղաքապետ Հայկ Մարությանը առաջ էր քաշել երկրորդ օպերատոր ունենալու հնարավոր անհրաժեշտության հարցը: Ամենայն հավանականությամբ՝ համայնքի ձեռք բերելիք աղբատար մեքենաներով հենց դրա հիմքն է դրվելու: Քաղաքապետի խոսնակ Հակոբ Կարապետյանը լրագրողների հետ հանդիպման ժամանակ չշտապեց հայտարարել նոր օպերատորի մասին: Ավագանու իշխող «Իմ քայլը» խմբակցության տարբեր անդամներ, սակայն, արդեն իսկ հանդես են եկել այդպիսի գրառումներով:

«Երկրորդ օպերատորը դառնում է համայնքը: Եվ ուրեմն, սիրելի´ երեւանցիներ, ինչպես գիտեք՝ աղբահանության հարցը ամենաքննարկվող եւ խնդրահարույց հարցերից մեկն է դարձել վերջին տարիներին, հատկապես վերջին 1 տարում: Տարիներ առաջ «Սանիթեքի» հետ կնքված համագործակցությունը ամենավատ գործարքներից մեկն է, եւ այդ կազմակերպության ապաշնորհ ու սխալ կառավարման արդյունքում Երեւանի աղբահանությունը վտանգի տակ է հայտնվել: Սակայն քաղաքային իշխանության տարած աշխատանքների եւ քննարկումների արդյունքում շատ շուտով հարցին կտրվի վերջնական լուծում, ըստ որի՝ մի քանի օրից ավագանին կընդունի նոր համայնքային հիմնարկ ստեղծելու որոշում, որը կիրականացնի Երեւանի աղբահանության եւ սանիտարական մաքրման աշխատանքները»,- գրել էր ավագանու «Իմ քայլը» խմբակցության անդամ Դավիթ Խաչատրյանը:

Ընդդիմադիր «Լույս» եւ «Բարգավաճ Հայաստան» խմբակցությունների անդամներն այս առնչությամբ վրդովմունք էին հայտնում: Ասում էին, որ կառավարություն դիմելուց առաջ իրենց հետ քննարկումներ չեն եղել, իրենց կարծիքը ոչ ոք չի հարցրել: Քաղաքապետի մամուլի խոսնակն ի պատասխան նկատեց, որ այդպիսի պարտադիր ընթացակարգ չկա, իսկ այն մասին, որ քննարկվում է աղբահանության ոլորտում երկրորդ օպերատոր ներգրավելու հնարավորության հարցը, քաղաքապետ Մարությանը հայտարարել է վաղուց, փետրվարին էլ անցկացվել էր աղբատար մեքենաների գնման գործընթաց, որի ժամանակ ընդդիմադիր խմբակցության անդամները կարող էին հետաքրքող հարցերի վերաբերյալ ներկայացնել իրենց հարցումները:   

Ի դեպ, փետրվարին անցկացված մրցույթի արդյունքները բողոքարկվել են այդ մրցույթին մասնակցելու հնարավորություն չունեցած ընկերություններից մեկի կողմից: Նրա այդ բողոքը համապատասխան մարմինը համարել է հիմնավոր: Բայց դրա հետ էլ համաձայն չէ քաղաքապետարանը եւ դիմել է դատարան: Իսկ մինչ դատական վեճը կհանգուցալուծվի, քաղապետարանը, փաստորեն, պատրաստվում է աղբատար մեքենաներ ձեռք բերել ուղիղ՝ մեկ անձից՝ առանց մրցույթի, որովհետեւ ամառը մոտենում է եւ կանխատեսում է աղբահանության խնդրի սրացում: Փետրվարին անցկացվել էր մրցույթ՝ 24 ավտոմեքենա ձեռք բերելու համար՝ 900 միլիոն դրամի շրջանակում: Այս փուլում կգնվի 15-ը՝ նվազագույն կարիքները հոգալու համար:

Աղբահանությունը որոշակի պարբերականությամբ լուրջ խնդիր էր դառնում նաեւ քաղաքի նախորդ իշխանությունների ժամանակ, ասենք, օրինակ, Ամանորին, ամռանը: Բայց նրանց հեռանալուց հետո ամեն ինչ կարծես գլխիվայր շուռ եկավ: Հարց է առաջանում՝ ինչ փոխվեց իշխանափոխությունից հետո, Երեւանի սահմաննե՞րն ընդլայնվեցին, աղբի ծավալնե՞րը մեծացան, «Սանիթե՞քը» սկսեց վատ աշխատել, ռեսուրսնե՞րը նվազեցին:

Քաղաքապետարանում ասում են, որ ընկերության ավտոբազան աստիճանաբար մաշվել է: «Ի սկզբանե իրենք որոշակի քանակությամբ ներդրում արել են: Պայմանագիրը ենթադրում է, օրինակ, որ պետք է պահել 8 հազար հատ աղբամանի քանակը: Այդ 8 հազարը նվազել-նվազել է, այսօր դարձել է 5 հազար: Այսինքն, եթե 8 հազար աղբամանը դառնում է 7 հազար, դու այդ հազարը չես համալրում, 5 հազարի դեպքում 3 հազարով համալրելը ավելի բարդ խնդիր է դառնում: Իսկ այս պահին մենք տեսնում ենք, որ փաստացի անլուծելի խնդիր է դառնում: «Սանիթեք» ընկերության ներկայացուցիչները պարբերաբար ակնարկում են, խոսում են ինչ-որ խոստումների մասին, որ քաղաքապետարանը նախկինում տվել է, պայմանավորվածությունների մասին, բայց քաղաքապետն ասում է՝ հարգելիներս, մեր իրավահարաբերությունները հիմնված են այս փաստաթղթի վրա, որը կոչվում է պայմանագիր: Ըստ դրա՝ իմ պարտականությունն է քեզ վճարել, քո պարտականությունն է մաքրել: Ես քեզ վճարում եմ, մաքրիր»,- ասաց Հակոբ Կարապետյանը:

Այդուհանդերձ, մեզ հաջողվեց պարզել, որ ստեղծված իրավիճակի պատճառը նաեւ այն է, որ նախորդ իշխանությունների ժամանակ վարչական շրջանների ղեկավարների վրա պարտավորություն է դրված եղել քաղաքի այն հատվածներում, որտեղ աղբահանության խնդիր է առաջանում, դա լուծել սեփական միջոցներով: Վարչական շրջանների ղեկավարները մեքենա են վարձակալել եւ կազմակերպել այդ աշխատանքը: Այժմ, սակայն, վարչական շրջանների ղեկավարներին նման հրահանգ իջեցնելու պրակտիկան բացառվել է:   

Հանրային հնչեղություն ստացած աղբահանության խնդրի վերաբերյալ այսօր հայտարարություն էր տարածել «Սանիթեք» ընկերությունը: Քաղաքապետարանին կոչ էր արել իր հայտարարություններում լինել ազնիվ ու համակողմանի, միեւնույն ժամանակ նշել էր որոշակի խնդիրների ու խոչընդոտների մասին, որոնց վրա քանիցս հրավիրել է քաղաքապետարանի ուշադրությունը եւ տեղեկացրել, որ դրանց լուծումներ չտալու դեպքում Երեւան քաղաքը կկանգնի աղբահանության ճնաժամի առաջ, ինչին էլ ականատես ենք լինում:

Քաղաքապետարանի տեղեկատվության եւ հասարակայնության հետ կապերի վարչության պետ Հովսեփ Կուբատյանը, պատասխանելով մեր հարցին, թե ինչ խնդիրների մասին է խոսքը, ասաց. «Մի խնդրի մասին է՝ աղբավայրի ճանապարհի նորոգման: Պայմանագրում այդպիսի բան նշված չէ: Իրենք նախկին իշխանությունների հետ ունեցել են բանավոր պայմանավորվածություն, որ աղբավայրի ճանապարհը կբերվի այն վիճակին, որ իրենց ավտոմեքենաները անխոչընդոտ կարողանան հասնել աղբավայր եւ աղբը այդտեղ թափել: Դրանից հետո աղբավայրի ճանապարհը արդեն ներկայիս իշխանությունները զգալիորեն լավացրել են»:

Հ.Գ. Երեւանի քաղաքապետարանում ապրիլի 23-ին հրավիրված է ավագանու նիստ: Վերջինիս օրակարգը երեկոյան համալրվեց եւս մեկ հարցով. «Երեւանի աղբահանություն եւ սանիտարական մաքրում» համայնքային հիմնարկ ստեղծելու եւ դրա կանոնադրությունը հաստատելու մասին:

Տպել
1189 դիտում

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)