Չեմպիոնների լիգայի 2018-19 մրցաշրջանի 1/4 եզրափակչի «Մանչեստեր Սիթի»-«Թոթենհեմ» պատասխան խաղը ֆուտբոլային աշխարհի քննարկման գլխավոր թեման է: Ֆանտաստիկ հանդիպում, որը կարելի է կրկին դիտել, 11 րոպեում 4 գոլ, մինչեւ վերջին պահն անորոշություն վերջնական հաղթողի վերաբերյալ, հույզեր. երեկ՝ ապրիլի 17-ին, «Թոթենհեմն» ու «Սիթին» խելահեղ ու գերդրամատիկ խաղ անցկացրին: Ի վերջո լոնդոնցիները հաջորդ փուլ անցան, թեեւ երեկ պարտվեցին:

Հանդիպումը սկսվեց նման պատասխանատու խաղերի համար անսովոր գոլառատությամբ: 4-րդ րոպեին «Սիթիից» աչքի ընկավ Ռահիմ Ստերլինգը՝ հավասարեցնելով դիմակայության հաշիվը: Ընդամենը 3 րոպե անց լոնդոնցիներից Հին Մին Սոնը խփեց պատասխան գնդակը ու կրկին առաջ մղեց «Թոթենհեմին» այս դիմակայությունում: Եվս 3 րոպե անց՝ 10-րդ րոպեին, Սոնը կրկին գոլի հեղինակ դարձավ խաղի հաշիվը դարձնելով 2:1 հօգուտ իրենց եւ ամրապնդելով առավելությունը դիմակայությունում:

«Քաղաքաբնակները», սակայն, չհամակերպվեցին: Հաջորդ իսկ րոպեին՝ 11-րդ րոպեին, Բերնարդո Սիլվան խփեց իր թիմի 2-րդ գնդակը: 21-րդ րոպեին էլ Ստերլինգը դուբլ ձեւակերպեց ու հաշիվը դարձրեց 3:2: Սա ամեն դեպքում ձեռնտու էր «Թոթենհեմին», ու «Սիթին» շարունակեց առաջ շարժվել: 59-րդ րոպեին Սերխիո Ագուերոն իր թիմի 4-րդ գոլը խփեց, ու սա արդեն կիսաեզրափակիչ էր դուրս բերում «Սիթիին»: «Թոթենհեմը», սակայն, համաձայն չէր սրա հետ: 73-րդ րոպեին աշխատեց լոնդոնցիների գլխավոր մարզիչ Մաուրիսիո Պոչետինոյի կատարած փոխարինումը. անկյունայինի խաղարկումից հետո մրցակցի դարպասը գրավեց փոխարինման մտած Ֆերնանդո Յորենտեն:

Խաղի մնացած հատվածում դարպասի գրավում չարձանագրվեց, սակայն այդ րոպեներն այնպիսի դրամատիկ ընթացք ունեցան, որ գոլերի բացակայությունն աննկատ մնաց: Որքան մոտենում էր հանդիպման ավարտը, այնքան «Թոթենհեմն» ավելի քիչ էր գրոհում ու ավելի շատ պաշտպանվում: Ավելացված ժամանակի դրվագներից մեկում Քրիստիան Էրկսենը սարսափելի սխալ հետ փոխանցում կատարեց, գնդակը Բերնանրդո Սիլվայից անդրադառնալով հայտնվեց Ագուերոյի մոտ, նա առաջ շարժվեց ու փոխանցեց Ստերլինգին: Վերջինս գնդակն ուղարկեց դարպասը, նրա թիմակիցներն ու երկրպագուները երկար  ժամանակ տոնում էին կիսաեզրափակիչ դուրս գալը, սակայն մրցավարը տեսակրկնությունների համակարգից օգտվելուց հետո չհաշվեց գոլը:

Խաղն ավարտվեց «Սիթիի» 4:3 հաղթանակով: Առաջին հանդիպումը «Թոթենհեմը» հաղթել էր 1:0 հաշվով: Ընդհանուր դիմակայությունում գրանցվեց 4:4 հաշիվը, սակայն կիսաեզրափակիչ դուրս եկավ «Թոթենհեմը» մրցակցի հարկի տակ ավելի շատ գոլեր խփելու շնորհիվ:

Ողջ հանդիպման տեսագրությունը կարելի է դիտել այստեղ:

Լոնդոնցիների համար այս հաջողությունը պատմական էր: Վերջին անգամ նրանք այս մրցաշարի կիսաեզրափակչում խաղացել են 57 տարի առաջ՝ 1961-1962 մրցաշրջանում:

Քառորդ եզրափակչի մյուս պատասխան հանդիպումը նույնպես գոլառատ էր: «Լիվերպուլը» հյուրընկալվելիս «Պորտուին» հաղթեց 4:1 հաշվով: Առաջին խաղում «մերսիսայդցիներն» առավելության էին հասել 2:0: Ընդհանուր դիմակայությունում նրանք հաղթեցին 6:1 հաշվով:

Կիսաեզրափակչում կազմվել են հետեւյալ զույգերը՝ «Թոթենհեմ»-«Այաքս» եւ «Բարսելոնա»-«Լիվերպուլ»: Զույգերում առաջինը նշված թիմերն առաջին հանդիպումները կանցկացնեն տանը: Կիսաեզրափակիչ առաջին խաղերը կկայանան ապրիլի 30-ին ու մայիսի 1-ին, պատասխանները՝ 1 շաբաթ անց:

Տպել
598 դիտում

«Wizz Air-ի Գյումրիից թռիչքներ իրականացնելու լուրերն իրականությանը չեն համապատասխանում». Տաթեւիկ Ռեւազյան

Վրաերթ Տիչինա և Սեբաստիա փողոցների խաչմերուկում. տուժածի վիճակը կայուն ծանր է

Երեւանում կայացած «Լազարյան ակումբ»-ի հերթական նիստը ֆինանսավորվել է ՌԴ նախագահ Վ. Պուտինի գրասենյակի կողմից

Շիրակի մարզի և Չինաստանի Հայնան նահանգի միջև ստորագրվել է Միջտարածաշրջանային հուշագիր

Մասիսում բնակարանագողը բռնվել է հանցանքի վայրում

ՀՀ նախագահ Արմեն Սարգսյանը հանդիպել է Կատարի փոխվարչապետ, պաշտպանության նախարար Խալիդ բին Մոհամեդ Ալ Աթիյայի հետ

Ռուբեն Բալաբանյանն ընտրվեց ՀՀ Հանրային խորհրդի պետաիրավական հարցերի հանձնաժողովի նախագահ

Թանկ Ամանորն ու էժան պոպուլիզմը

ՀՀ նախագահ Արմեն Սարգսյանը կմասնակցի «Դոհա ֆորում-2019»-ին

Ռուսաստանում անոմալ եղանակ է սպասվում. РИА Новости

«Սևան» քրեակատարողական հիմնարկում թմրամիջոցների իրացման դեպք է կանխվել

Օդի ջերմաստիճանը կբարձրանա 5-ից 7 աստիճանով

«Արաբկիր»բկ-ում քաղաքացին գլխով հարվածել է բժշկին. Արսեն Թորոսյանն իրավապահներին կոչ է արել գտնել եւ պատժել մեղավորին

Դալար գյուղի բնակիչը վճարային տերմինալ է գողացել

Դեկտեմբերի 8-ից 14-ը հայ դիրքապահների ուղղությամբ արձակվել է 1500 կրակոց

Կենտրոնական իշխանությունը ՏԻՄ ընտրությունների ժամանակ այլեւս չի ճնշում, երբեմն էլ չի հաղթում

Նախաքննության ընթացքում առիթ կունենաք ասելու, թե ով է այդ «ընդհանուր ընկերը». Անդրանիկ Քոչարյանը՝ Ռուբեն Հայրապետյանինն

Մյունխեն-Երևան չվերթով հետախուզվող է Հայաստան վերադարձել

Ադիգեայի ՆԳՆ կողմից հետախուզվողը կամավոր ներկայացել է ոստիկանության Վաղարշապատի բաժին

Հրդեհ Սարատովկայում