Ես երբեք քաղաքական որեւէ կուսակցության անդամ չեմ եղել․ ՍԴ դատավորի թեկնածուն Ազգային ժողովում է

Սահմանադրական դատարանի դատավորը, իմ պատկերացմամբ, մի մարդ է, որն ունի հրաշալի իրավաբանական գիտելիքներ եւ որի արժեհամակարգում արդարությունը գտնվում է ամենաբարձր աստիճանի վրա։ Այս մասին այսօր Ազգային ժողովում իր ելույթում ասաց Սահմանադրական դատարանի դատավորի թեկնածու Գոռ Հովհաննիսյանը։

Ազգային ժողովն այսօր ընտրելու է ՍԴ նոր դատավոր։

Ավելի վաղ հայտնել էինք, որ նախագահ Արմեն Սարգսյանը ՍԴ անդամի պաշտոնում Ազգային ժողովին է ներկայացրել փաստաբան Գոռ Հովհաննիսյանի թեկնածությունը, սակայն ՍԴ դատավորի թեկնածության համար առաջադրվել էր նաեւ հայտնի փաստաբան Վահե Գրիգորյանը։ Ըստ ամենայնի՝ իշխող մեծամասնությունը Գոռ Հովհաննիսյանի ընտրությունը կտապալի ճիշտ այնպես, ինչպես նախորդ տարվա հոկտեմբերին ՀՀԿ-ն տապալեց Վահե Գրիգորյանի ընտրությունը։

Գոռ Հովհաննիսյանն Ազգային ժողովին ներկայացրեց իր կենսագրությունը, ապա անդրադարձավ այն հատկանիշներին, որոնք, ըստ իրեն, պետք է ունենա ՍԴ դատավորը․

«Դատավորը պետք է ունենա հրաշալի իրավաբանական կրթություն եւ կարողանա ճիշտ մեկնաբանել ու ճիշտ կիրառել գործող Սահմանադրությունն ու օրենքները։ Երկրորդ պահանջը ենթադրում է, որ դատավորն իր էությամբ պետք է լինի անկախ ու համարձակ մարդ, որը կարող է արհամարհել ցանկացած ճնշում իր նկատմամբ եւ կայացնել օբյեկտիվ ու արդար վճիռ՝ ցանկացած պարագայում»,-ասաղ Գոռ Հովհաննիսյանը՝ հավելելով, որ դատավորի անձին ներկայացվող կարեւորագույն պահանջներից մեկն էլ իր քաղաքական չեզոքությունն է։

Անդրադառնալով իր անձին՝ ՍԴ դատավորի թեկնածուն ասաց․

«Կարող եմ ասել, որ ես երբեք քաղաքական որեւէ կուսակցության անդամ չեմ եղել, չեմ հարել որեւէ կուսակցությամբ, երբեք չեմ զբաղվել քաղաքականությամբ, մտադիր էլ չեմ զբաղվելու, երբեք քաղաքական որեւէ ուժի կամ ներկայացուցչի ծառայություն չեմ մատուցել, ծառայություն չեմ ստացել, ու դրա համար էլ որեւէ մեկից որեւէ բան չեմ ակնկալում ու որեւէ մեկին որեւէ բան պարտք չեմ»։

Գոռ Հովհաննիսյանը նշեց, որ գիտի՝ Հայաստանում դատարանների նկատմամբ վստահության պակաս կա եւ հենց այդ պատճառով էլ ցանկանում է իր օրինակով ապացուցել, որ ՀՀ-ում դժվար չէ լինել անկախ ու օբյեկտիվ դատավոր․

«Ես պատրաստ եմ հրաժարվել իրավունքի ոլորտում առաջատար երկրում՝ Գերմանիայում իմ գիտական կարիերայից, ընկերներից, գործընկերներից, եւ միայն մեկ նպատակի համար․ ես ուզում եմ իմ ներդրումն ունենալ հայկական իրավունքի զարգացման մեջ։ Մենք պետք է փորձենք ետ չմնալ զարգացումներից, կարծում եմ կարող եմ օգտակար լինել»,-ասաց ՍԴ դատավորի թեկնածուն։

Տպել
2680 դիտում

Ողբերգական վթար Երևան-Երասխ ճանապարհին. վիրավորները գիտակցության չգալով մահացել են

Սպանդանոց կառուցելու ցանկություն հայտնողների թիվը կտրուկ ավելացել է

ՆԱՏՕ-ի գեներալ Լորեն Միշոն բարձր է գնահատել հայ խաղաղապահների պատրաստվածության մակարդակը

Աշխատանքային գրքույկների հավաքագրման աշխատանքների ժամկետը լրացել է

ԱՄՆ-ը մտածել է Իրանի միջուկային օբյեկտներին կանխարգելիչ հարված հասցնելու մասին. Մայք Պոմպեո

Ամփոփվել են ՀՀ ԶՈւ զորքերի ծառայության վարչության կատարած աշխատանքները

Արմեն Սարգսյանը ցավակցել է Գեորգի Կուտոյանի​ մահվան կապակցությամբ

Մեքենան բախվել է ծառին, հետո՝ «Կլայկ» կահույքի արտադրամասի պատին. կա տուժած

Վարչապետ Նիկոլ Փաշինյանն ընդունել է հայտնի աստղաֆիզիկոս Գարիկ Իսրայելյանին

Մարզպետը կլանային որոշում կայացրեց, սա հիվանդանոցն ինձանից խլել էր, որը չեմ հանդուրժելու. Աշոտ Կուրղինյան

Սոցցանցերից մեկի օգտատերը երիտասարդի մերկ լուսանկարները չհրապարակելու համար պահանջել էր 190․000 դրամ. ոստիկանություն

Հրայր Թովմասյանը անձամբ է ինձ խնդրել, որ մտնի Կուտոյանի մահվան դեպքի վայր, սակայն ես թույլ չեմ տվել. Արթուր Մելիքյան

Ղարաբաղյան կարգավորման գործընթացում արձանագրվել է «փոքր քայլերի» տեղաշարժ. Սերգեյ Լավրով

ՀՀ Էկոնոմիկայի նախարարություն են հրավիրվել մարզպետարանների գյուղատնտեսության և բնապահպանության վարչության պետերը

25-ամյա Անի Ասատրյանը որոնվում է որպես անհետ կորած

ԱԱԾ նախկին տնօրենի վնասվածքը քունքի շրջանում է. սենյակում կան բազմաթիվ պարկուճներ, պատերին՝ կրակոցների հետքեր

Հայկ Մարությանն ընդունել է Հայաստանում ԵՄ դեսպան Անդրեա Վիկտորինին

Բեռնատարը դուրս է եկել ճանապարհի երթեւեկելի հատվածից եւ սահել դեպի ձորը. ԱԻՆ

Կուտոյանի մահվան դեպքի վայրում հայտնաբերվել է «Գլոք» տեսակի զենք. այն նվիրել է Վրաստանի անվտանգության ծառայության պետը

Գեորգի Կուտոյան անունով օգտատերը Վիքիպեդիայից 3 անգամ փորձել է ջնջել ԱԱԾ նախկին տնօրենի կենսագրությունը