Լավ, այդ մարդը ծնվել է չարչարվելո՞ւ համար. վարչապետը կարեւորել է Ագրարային համալսարանի դերը գյուղացու կյանքում

Վարչապետ Նիկոլ Փաշինյանը կրթության եւ գիտության նախարար Արայիկ Հարությունյանի ուղեկցությամբ այսօր այցելեց Հայաստանի ազգային ագրարային համալսարան:

Ռեկտոր Վարդան Ուռուտյանը, որն այդ պաշտոնում ընտրվել է նախորդ տարեվերջին, նախ ներկայացրեց, թե ինչ վիճակում է ընդունել համալսարանը, ապա անդրադարձավ այն փոփոխություններին, որոնք արդեն իրականացվել են ու դեռ նախատեսվում են:

Համալսարանում տեղի են ունեցել կառուցվածքային փոփոխություններ, բացառվել են թելադրության ձեւով դասախոսությունները, ստեղծվել է Moodl հարթակ՝ ուսանողներին անհրաժեշտ էլեկտրոնային նյութերով ու տեղեկատվությամբ, ներդրվել է Mulberry փաստաթղթաշրջանառության համակարգ եւ այլն: Ագրարային համալսարանում բակալավրիական կրթությունը նախատեսվում է 5 տարվա փոխարեն դարձնել 4 տարի: Բակում կառուցվելու է նոր՝ մոդեռն ջերմատուն, որտեղ ուսանողները կծանոթանան բոլոր տեխնոլոգիաներին եւ կստանան պրակտիկ հմտություններ, գինեդարանը նախատեսվում է դարձնել գինու տուրիզմի եւ ուսումնական կենտրոն: «Մեր երազանքն է, որ համալսարանը դառնա ագրոտեխնոլոգիական գերազանցության կենտրոն»,- մի շարք այլ ծրագրեր թվարկելուց հետո արձանագրեց Վարդան Ուռուտյանը:

Այն, ինչ այստեղ տեսավ ու լսեց վարչապետը, նրան կարծես գոհացրեց, բայց մի սկզբունքային դիտարկում ուներ՝ կապված բարեփոխումները իրականացնելու համալսարանի մոտեցման հետ:

Ռեկտոր Ուռուտյանը նշեց, որ համալսարանում ներդնելու են ոչ ավանդական ֆինանսավորմամբ ֆոնդագոյացման մեխանիզմներ. «Ֆրեզնոյում կա մի ֆոնդ՝ հայկական ագրոբիզնեսի կրթության ֆոնդը, որի հետ բանակցում ենք, որ ենթահաշիվ ունենանք: Սա ազատված ֆոնդ է, եւ ասենք սփյուռքի բարերարների բոլոր նվիրատվությունները հարկերից ազատվում են: Այդ գումարները ուղղելու ենք համալսարանի զարգացմանը: Կանոնավոր աշխատանքներ մշտապես տանում ենք բարերարների, հիմնադրամների հետ, քանի որ այս մեր բոլոր ենթակառուցվածքները վերազինելու համար բավականաչափ մեծ գումարներ են պետք, եւ մեր ռեզերվները այսօր բավարար չեն»:  

Վարչապետին հետաքրքրեց՝ կա՞ հաշվարկ, թե ծրագիրն ամբողջ ծավալով իրագործելու համար որքան գումար է անհրաժեշտ: Դրական պատասխան ստանալուց հետո նա կարեւոր համարեց, որ պետական նշանակության ծրագրեր իրագործելու համար բարերարներին դիմելուց առաջ նախ կառավարություն դիմեն:

«Գուցե մենք պետք է տրամաբանությունը փոխենք: Մենք համոզվա՞ծ ենք, որ մենք չենք կարող ունենալ ռազմավարություն, նախագիծ, նախահաշիվ, եւ դա իրականացնել մեր բյուջեի միջոցներով: Իհարկե, ով կուզենա օգնել, թող օգնի, բայց տպավորություն է, որ անընդհատ մենք ինչ ուզում ենք, գնում ենք բարերարներին ասում՝ մի բան տվեք: Ես համոզված չեմ՝ դա ճի՞շտ մոտեցում է: Բա ինչի՞ համար է կառավարությունը: Բարերաների ներգրավվածությունը շատ լավ է, բայց այդ գործունեությունը մի տեսակ պետական տրամաբանության մեջ չէ»,- արձանագրեց վարչապետը: Ուշադրություն հրավիրեց, որ բարերարների օգնությանը ապավինելու դեպքում ձեռնարկված փոփոխություններն ամբողջացնելու համար կարող է, ասենք, տասը տարի պահանջվել, մինչդեռ խնդիրը հրատապ է:

«Այդ տասը տարին փող չէ՞: Իսկ գուցե մեզ պետք է դա անել երկու տարում, երեք տարում: Իսկ գուցե պետք է մեկ տարի ոչինչ չանել, կենտրոնանալ դրա՞ վրա: Ես օրինակ մի քանի անգամ հայտարարել եմ՝ փողի խնդիր չունենք: Առնվազն անցալ տարի (հնարավոր է՝ նաեւ այս տարի), ընդհակառակը, ունեցել ենք բյուջեի ծախսային մասը կատարելու խնդիր»,- ասաց Նիկոլ Փաշինյանը՝ ընդգծելով, որ Ագրարային համալսարանը կառավարության համար այսօր ունի առաջնային նշանակություն եւ դրա զարգացումը պետական կարեւորության գործ է, որը պետք է արվի պետական մակարդակով:

«Ագրարային համալսարանը հատկապես այս պահին ինչու է մեզ համար առանցքային կարեւորություն ունեցող: Որովհետեւ մեր երկրում աշխատուժի մեծ մասը զբաղված է գյուղատնտեսության ոլորտում, եւ այդ ոլորտում ամենամեծ պրոբլեմն այն է, որ մարդու կյանքը ձեւակերպվում է այսպես. չարչարվում ենք, բայց արդյունք չունենք: Մեր ամենակարեւոր խնդիրն է, որ օգնենք մեր գյուղացիներին, որպեսզի նախ այդ չարչարանքը դառնա աշխատանք: Չարչարանքի եւ աշխատանքի միջեւ տարբերությունն այն է, որ աշխատանքի մեջ հաճույքի, բավարարվածության շատ մեծ կոմպոնենտ կա: Եվ երկրորդը, որ աշխատանքը լինի արդյունավետ: Մեր խնդիրն այն է, որ աշխատանքի պրոցեսի մեջ զուտ ֆիզիկական ուժի կիրառումը հնարավորինս նվազի եւ հնարավորինս ավելանա մտավոր աշխատանքը: Եվ իհարկե աշխատանքը պետք է չարչարանք չլինի, ի վերջո, որովհետեւ եթե աշխատանքը տառապանք է, դա ինքնին արդեն պրոբլեմ է: Լավ, այդ մարդը ծնվել է չարչարվելո՞ւ համար: Նա պետք է իր ամեն օրվա կյանքից, աշխատանքից հաճույք ստանա, եւ ուրախ եմ, որ այն, ինչ որ ներկայացնում եք, համապաատսխանում է այդ տրամաբանությանը»,- Ագրարային համալսարանում արձանագրեց վարչապետը:

Տպել
3147 դիտում

Համագործակցության ներուժը բավականին մեծ է․ Ճապոնիայում հանդիպել են Էստոնիայի եւ Հայաստանի նախագահները

Քաղաքապետարանն առաջարկում է առգրավել փողոցում չթույլատրված առեւտուր անողների ապրանքը, կիրառել էլեկտրոնային քարտեր

Սփյուռքի գործերի գլխավոր հանձնակատարը հանդիպել է Արևմտյան Ամերիկայի համահայկական խորհրդի ներկայացուցիչների հետ

Վարչապետի որոշմամբ՝ Արտակ Նահապետյանն ազատվել է ՓԾ տնօրենի պաշտոնից

Տավուշ գյուղում ավտոմեքենան դուրս է եկել ճանապարհի երթևեկելի հատվածից և բախվել ծառին

ԱԳ նախարարը հանդիպել է Միացյալ Թագավորության Եվրոպայի և Ամերիկայի հարցերով պետնախարարի հետ

Որպես անհետ կորած որոնվող 77-ամյա տղամարդը հայտնաբերվել է (տեսանյութ)

Արսեն Բաբայանը ձերբակալվել է Արման Բաբաջանյանի հաղորդման հիման վրա

Խորվաթիայի խորհրդարանը վավերացրել է ՀՀ-ԵՄ Համապարփակ և ընդլայնված գործընկերության համաձայնագիրը

Երևանի Սեբաստիայի փողոցում բախվել են ավտոմեքենաներ. կա տուժած

Էլեկտրաէներգիայի մինչեւ 6-ժամյա անջատումներ՝ Երևանում և ևս 7 մարզում

Ապրիլյան պատերազմի քննիչ հանձնաժողովում լսել են Լելե Թեփեի հատվածում մարտական գործողությունների մասնակցած ավագ սերժանտի

Ծանրամարտիկ Հակոբ Մկրտչյանին շնորհվել է սպորտի վաստակավոր վարպետի կոչում

2 տղամարդիկ մտել են բջջային օպերատորներից մեկի սպասարկման սրահ ու բռնվել (տեսանյութ)

Տնտեսական հեղափոխությունը ոչ թե մի քանի ամսվա, այլ մի քանի տարվա գործ է. տնտեսագետ

Երեւանի բազմաբնակարան բնակելի 90 շենքի տանիքնի կտեղադրվի արևային ֆոտովոլտային համակարգ

ՊՆ 5-րդ զորամիավորման ստորաբաժանումներն անցկացրել են կրակային պատրաստության պարապմունքներ

Գորիս-Կապան հատվածի 8-14-րդ կմ-երը բեռնատարների համար դեռ փակ են լինելու

Անասնաշուկայում ուսումնասիրություններ են կատարվել, բրուցելոզ չի հայտնաբերվել

Փրկարարները լողավազանից դուրս են բերել շներին