Մոսկվայի հետ հարաբերությունների լարման ֆոնին. ԵՄ ղեկավարությունը Լուկաշենկոյին հրավիրել է Բրյուսել

Մոսկվա-Մինսկ հարաբերությունների հերթական ճգնաժամի ֆոնին ԵՄ ղեկավարությունը Բելառուսի նախագահ Ալեքսանդր Լուկաշենկոյին հրավիրել է Բրյուսել: Նպատակը «Արևելյան գործընկերության» ստեղծման 10-րդ տարեդարձին նվիրված համաժողովի շրջանակներում կազմակերպվող ճաշկերույթին մասնակցելն է:

Բրյուսելյան աղբյուրների փոխանցմամբ, մայիսի 13-ին նախատեսված ճաշկերույթի կազմակերպիչն է լինելու Եվրամիության խորհրդի նախագահ Դոնալդ Տուսկը: Ճաշկերույթին մասնակցելու հրավեր է ուղարկվել նաև «Արևելյան գործընկերության» անդամ մյուս պետությունների` Հայաստանի, Ադրբեջանի, Վրաստանի, Մոլդովայի և Ուկրաինայի ղեկավարներին:

ԵՄ մոտ կանգնած աղբյուրները, սակայն, փոխանցում են, որ Բրյուսելում Լուկաշենկոյի ժամանումը քիչ հավանական են համարում, գրում է Ազատությունը:

Բելառուսն այդ ճաշկերույթի ընթացքում, ըստ ամենայնի, ներկայացնելու է արտաքին գործերի նախարար Վլադիմիր Մակեյը:

Լուկաշենկոյին Բրյուսել հրավիրվելու փաստը հատկանշական է այն առումով, որ վերջին շրջանում բավականին լարվել են Ռուսաստան-Բելառուս հարաբերությունները: Ռուսաստանի անմիջական հարեւան, դաշնակից եւ միութենական պետության անդամ Բելառուսը Եվրամիության հետ կապերի սերտացման հնարավորությունն է օգտագործում՝ անհրաժեշտության դեպքում Ռուսաստանի հետ հարաբերությունները բալանսավորելու համար:

Օրեր առաջ Բելառուսի նախագահ Ալեքսանդր Լուկաշենկոն հերթական կոշտ քննադատությունն էր հնչեցրել մերձավոր դաշնակից Ռուսաստանի հասցեին՝ Մոսկվայի գործողությունները համեմատելով պատժամիջոցների հետ: Բանն այն է, որ «Ռոսսելխոզնադզոր»-ը ժամանակավորապես սահմանափակել է բելառուսական խնձորի և տանձի ներկրումը՝ որպես պատճառ նշելով կեղծ փաստաթղթավորման դեպքերի հայտնաբերումը:

«Այնտեղ այնքան են լկտիացել, որ մեր ձեռքերն են ոլորում», - հայտարարել է Բելառուսի նախագահը՝ հավելելով, որ Մոսկվան չի պատասխանում Մինսկի բարի վերաբերմունքին: Բացի կոշտ հայտարարություններից նա կոնկրետ հակազդող հանձնարարականներ էր տվել՝ հարված հասցնելով բելառուսական տարածքով Ռուսաստանից Արեւմուտքի նավթի արտահանման ծավալներին:

Լուկաշենկոն հանձնարարել էր սահմանափակել կամ դադարեցնել ռուսական նավթի առաքումը «Դրուժբա» նավթամուղի վերանորոգման պատճառով: Նրա խոսքով՝ մասնագետները դեռ անցած տարիներին էին հորդորում վերանորոգման համար փակել ավելի քան կես դար առաջ կառուցված նավթատարը, սակայն այն ժամանակ որոշվել էր խուսափել անախորժություններից և չփակել ռուսական նավթատարը:

Թե երբ է ավարտվելու վերանորոգումը, Բելառուսում չեն հստակեցրել:

Ռուսաստանյան «Տրանսնեֆտ» ընկերությունը «Դրուժբա» նավթամուղի վիճակը բավարար է գնահատում՝ միևնույն ժամանակ ընդունելով, որ խողովակները որոշ թերություններ ունեն: Ընկերությունը նաև հայտարարել է, որ նավթամուղի աշխատանքները դադարեցնելու անհրաժեշտություն չի տեսնում:

Կրեմլի խոսնակ Դմիտրի Պեսկովը հայտարարել է, թե ըմբռնումով են մոտենում Լուկաշենկոյի զգացմունքային հայտարարություններին, սակայն կարծում են, որ դրանց տոնայնությունը պետք է ավելի համապատասխանի երկու երկրների դաշնակցային հարաբերությունների բնույթին: Ռուսաստանում նաեւ հայտարարել էին, որ նավթի արտահանման սահմանափակման՝ Լուկաշենկոյի որոշումը բանակցելու նոր թեմա է:

Տպել
1113 դիտում

Լիահույս եմ, որ նոր լիցք կհաղորդենք մեր հարաբերություններին. Նիկոլ Փաշինյանը շնորհավորել է Ավստրալիայի վարչապետին

Արգելվել է կենդանական ծագման մթերքի և հումքի ներմուծումը Չինաստանից

Վարչապետը շնորհավորական ուղերձ է հղել Հնդկաստանի վարչապետին՝ երկրի ազգային տոնի առթիվ

2019-ին ունենք հրադադարի ռեժիմի խախտումների զգալի նվազում, ՊԲ արդյունքները գոհացնում են. ՊԲ հրամանատար (տեսանյութ)

Երեւանի Մետրոպոլիտենում տեղի է ունեցել տեխնիկական խափանում․ խնդիրը վերացվել է

Փեսան համընդհանուր զորահավաք է հայտարարում

Էլեկտրաէներգիայի անջատումներ կլինեն Երևանում և մի շարք մարզերում

Վարդենյաց լեռնանցքը փակ է բեռնատարների համար, Սոթք-Քարվաճառը՝ բոլոր մեքենաների համար դժվարանցանելի

Ա. Սարգսյանը անձնակազմերին է ներկայացրել ոստիկանության նորանշանակ ԵՔՎ պետին և ՊՊԾ գնդի հրամանատարին (տեսանյութ)

Արմեն​ Սարգսյանը​ և​ Նունե Սարգսյանն այցելել​ են​ Երուսաղեմի​ Սուրբ​ Հարության​ տաճար

Հրդեհ Վանաձոր քաղաքի շենքերից մեկում. տուժածներ չկան

Ծաղկաձորում, Հրազդանում, Գորիս-Տաթեւ ավտոճանապարհին ձյան մեջ մեքենաներ են արգելափակվել

«Գազել» մակնիշի ավտոմեքենան ընկել է Ազատի ջրամբարը (տեսանյութ)

Երեւան հասնեմ՝ Հրայր Թովմասյանի ակնկալած օբյեկտիվ, արժանահավատ փաստը կհրապարակեմ. Նիկոլ Փաշինյան

Հասարակության ներսում խնամքով փորվող խրամատները

Շիրակի պետական համալսարանը չի լուծարվի, իսկ ռեկտորի ժպ-ն չի օգտվում նախարարի հովանավորչությունից. ԿԳՄՍ նախարար

Գեորգի Կուտոյանի կողմից ֆինանսական խնդիրներ ունենալու վերաբերյալ որեւէ փաստական տվյալներ չեն ստացվել. ՔԿ

ՇՊՀ-ում դեռ անցյալի իրավական գնահատականը չի տրվել. Գյումրիում ԿԳՄՍ նախարարի մասնակցությամբ քննարկում է կայացել

Սպիտակում «Brabus Gelandewagen» մակնիշի մեքենա է այրվել

Թուրքիայում զոհերի թիվը հասել է 22-ի, կտարհանվի աղետից տուժած թուրքական բանտը