Բողոքի ակցիա կենդանաբանական այգում, պատճառը՝ հիվանդացած եւ միակ սպիտակ վագրն է

Կենդանաբանական այգու նախկին աշխատակիցներն ու որոշ կենդանասերներ այսօր հերթական բողոքի ակցիան են իրականացնում այգու դիմաց։ Այս անգամ ակցիայի պատճառը հիվանդացած սպիտակ վագրն է, այդ կենդանատեսակից այգում մեկն է: Աշխատակիցները պահանջում են, որ այգու տնօրենը, գլխավոր անասանբույժը, անասնաբույծն ու կուրատորը, ազատեն իրենց զբաղեցրած պաշտոնը, նշելում են, որ վերջիններս մասնագիտորեն ոչ կոմպետենտ են եւ այգին տանում են կործանման:

Կենդանասերները պնդում են, որ սպիտակ վագրի մոտ ախտորոշված լեյկոզ հիվանդության հետ կապված հակասական, մութ եւ անգրագետ բաներ կան։ Սպիտակ վագրի մոտ լեյկոզի ախտորոշման մասին կենդանբանական այգին անցած շաբաթ էր հայտարարել, իսկ ուռուցքի մասին չեն էլ իմացել: Ուռուցքն ավելի ուշ հայտնաբերել էր Մոսկվայի կենդանաբանական այգու գլխավոր կենդանաբույժ Միխայիլ Ալշինեցկին։

«Լեյկոզը վիրուսային հիվանդություն է, որը հնարավոր չէ ախտորոշել որեւէ լաբորատորիայում։ Հետո եկավ ռուս կենդանաբույժն ու ասաց՝ կենդանու բերանի խոռոչում ուռուցք կա, նա երկար չի ապրի»,-լրագրողների հետ զրույցում ասաց ակցիայի մասնակիցներից մեկը։

Երեւանի կենդանաբանական այգու գլխավոր անասնաբույժ Հարություն Հովհաննիսյանը լրագրողների հետ զրույցում նշեց, որ կենդանու նախնական ախտորոշումը եղել է սպիտակ լեյկոզ, սակայն մինչեւ այս պահը նրանք կենդանու հիվանդության վերջանական ախտորոշումը չունեն: «Ունենք արյան անալիզի մի քանի պատասխաններ, բերանի խոռոչում հայտնաբերված ուռուցքի առկայություն»:

Երեւանի կենդանաբանական այգու գլխավոր անասնաբույժի խոսքով՝ կենդանաբանական այգում կենդանիների անկում միշտ էլ եղել է եւ լինելու է: Ավելին՝ բոլոր անկումները հիմնավորված են փաստաթղթերով:

Ցուցարարներն անընդհատ միջամտում էին Հարություն Հովհաննիսյանի խոսելիս, նշում, որ նա շատ բաներ թաքցնում է, շատ բաներ ստում, ստույգ ինֆորմացիային ու բժշկությանն էլ չի տիրապետում: Ակցիայի մասնակից կանանցից մեկը պարբերաբար կրկնում էր. «Մի՛ խուրդըվի Հարու՛թ, մեղք ես»: Նրանք պահանջում էին Ռուբեն Խաչատրյանի հետ հանդիպում, սակայն վերջինս այդպես էլ չներկայացավ: Նրա փոխարեն հարցերին էր պատասխանում գլխավոր անասնաբույժը:

Այգու նախկին աշխատակիցներից՝ Գեւորգ Գրիգորյանը, որը 1994 թվականից աշխատել է կենդանաբանական այգում, աշխատանքից հեռացվել է 2019 թվականի փետրվարի մեկից՝ այգու տնօրենի դեմ ուղղված ցույցերին մասնակցելու պատճառով: «Միաժամանակ խնամում էի փղին եւ գետաձիուն: Աշխատանքից հեռացրերցին ինձ՝ պատճառաբանելով, թե իբր փղին չեմ խնամել, ցույց եմ արել, բայց նման բան չկա, միշտ էլ ինձ մոտ առաջին հերթին կենդանու խնամքն է եղել, հետո՝ մնացած հարցերը»,-ասաց Գրիգորյանը:

Վերջինիս համոզմամբ՝ Ռուբեն Խաչատրյանին կենդանաբանական այգու տարածքն է պետք եւ ինչքան քիչ կենդանի, այնքան քիչ հոգս, քիչ աշխատակազմ. «Քաղաքապետարանի աշխատողներին ասում ենք՝ եղբայր, եկեք, ստուգեք, նա վարի է տալիս մեր աշխատանքը: Մենք ենք խնամել, մենք ենք այսքան տարի հոգ տարել այդ կենդանիների մասին: Խաչատրյանը մեզնից պահանջեց սովորել, համապատասխան կրթություն ստանալ, որպեսզի աշխատանքը շարունակենք, սակայն չէր պատկերացնում, թե կսովորենք»:

Տեղեկություններ կան, որ այգում պարբերաբար կրքեր է բորբոքում նախկին փոխտնօրեն Արման Մակարյանը, որ քավոր-սանիկական հարաբերություններ ունի Երեւանի նախկին քաղաքապետ Տարոն Մարգարյանի հետ: Մակարյանը հեռացված է աշխատանքից: Ի դեպ, նա հեղափոխության օրերին Ավանում ՀՀ քաղաքացիների մեքենաները ջարդուխուրդ արած բանդայի առաջամարտիկներից էր:

Տպել
556 դիտում

Ժողովրդի իշխանություն հետ բերած առաջնորդը էսօր Հայաստանի ոգին կբերի մեզ մոտ. Սարգիս Մանուկյան

Վանաձորի կերպարվեստի թանգարանը կապիտալ նորոգվում է (լուսանկարներ)

Ռոհանին կոչ է արել Պարսից ծոցի երկրներին համատեղ ապահովել տարածաշրջանի անվտանգությունը

Ես երբեք որևէ ներքաղաքական գործընթացի չեմ խառնվել և չեմ խառնվում. Արծրուն Հովհաննիսյանի հայտարարությունը

Առաջացել է ռեակտիվ հզորության դեբալանս. ինչ է պարզել մասնագիտական աշխատանքային խումբը մասսայական հոսանքազրկման մասին

56 մլրդ դրամ ԱԱՀ դեբետային պարտքը կվերադարձվի շուրջ 2835 հարկ վճարողների

Մարզպետի մասնակցությունը միջադեպին ստուգելու նպատակով առգրավվել են տարածքում առկա տեսախցիկները

Ունեմ տվյալներ, որ դեբետային գումարների մի մասը վերադարձվելու է Ս․ Սարգսյանի եղբոր ընտանիքի կազմակերպություններից մեկին

Շոու-բիզնեսի ներկայացուցիչը պետբյուջե չի վճարել ավելի քան 21 միլիոն դրամ հարկ. ՊԵԿ-ում քրգործ է հարուցվել

Ազատոճայիններն աշխարհի առաջնությունից գալիս են առանց մեդալների ու օլիմպիական ուղեգրերի

ՀՀ գլխավոր դատախազությունը տեսակապի միջոցով հարցաքննություն կատարելու իրավական հիմքերի ստեղծման նախագիծ է առաջարկել

Լոս Անջելեսը կլինի հայ-կալիֆորնիական համագործակցության խորացման հիմնական կիզակետը. վարչապետ

Մենք առաջ ենք գնում տնտեսական հսկայական փոփոխությունների իրականացմամբ. վարչապետը հանդիպել է Լոս Անջելեսի քաղաքապետին

ՀՀ 6 մարզում և մայրաքաղաքում այսօր էլեկտրաէներգիայի անջատումներ կլինեն

Երևանում և Սյունիքի մարզի Մեղրի քաղաքում անվտանգ տարածք են տեղափոխել օձերին

Զինծառայող Հայկ Խաչատրյանի վիճակը ծանր է. հնարավորության դեպքում կտեղափոխվի Երեւան. Հովհաննիսյան

Գիշերը հակառակորդը ձեռնարկել է դիվերսիոն ներթափանցման փորձ, սահմանին թողել 1 դի ու հետ շպրտվել

Հայկ Մարությանի որոշմամբ Երեւանի 3 դպրոցների տնօրեններ ազատվել են աշխատանքից

Արցախում մարտական դիրքից հրազենային վնասվածքով, ծայրահեղ ծանր վիճակում զինվոր է տեղափոխվել հոսպիտալ

Աշխարհի առաջնություն. ծանրորդ Անդրանիկ Կարապետյանը նվաճեց փոքր բրոնզե մեդալ