«Գազպրոմ Արմենիա»-ում մեծ թվով կրճատումներ են սպասվում. պատճառը սահմանին գազի գնի թանկացումն է

«Հայկական ժամանակ» օրաթերթին է դիմել «Գազպրոմ Արմենիա»-ի Երեւան քաղաքի տարածքային բաժիններից մեկի աշխատակիցը: Նա պատմեց, որ բաժնում ժողով են արել եւ ասել են, որ ընկերությունում մոտ 50 տոկոսով կրճատում է լինելու:

«Պատճառը գազի թանկացման հետ է կապված, իրենք չեն կարողանում ապահովել»,- ասաց աշխատակիցը:

Նա նշեց, որ այժմ նույն աշխատանքը, որն օրինակ 2 հոգի էին կատարում, անելու է մեկ հոգի, առանց աշխատավարձի փոփոխության:

Աշխատակիցը նշեց, որ երկուշաբթի բողոքի ակցիա են իրականացնելու, բայց սա ուղղված է լինելու ոչ թե կառավարության դեմ, այլ ընկերության. «Մենք գիտակցում ենք, որ կառավարությունն այստեղ կապ չունի»:

«Հայկական ժամանակ»-ը հարցի վերաբերյալ պարզաբանում ստացավ նաեւ «Գազպրոմ Արմենիա»-ի հասարակայնության եւ ԶԼՄ-ների հետ կապերի ծառայությունից.

«ՀՀ առաքվող բնական գազի գնի փոփոխությամբ պայմանավորված՝ ներկայում աշխատանքային քննարկումներ են ընթանում համալիր հարցերի շուրջ, այդ թվում դիտարկելով նաեւ համակարգի ծախսերի կրճատման, աշխատողների քանակի վերանայման եւ հաստիքների կրճատման հարցերը»,- նշեցին «Գազպրոմ Արմենիա»-ից: Այլ մանրամասներ չհաղորդեցին:

Հիշեցնենք, որ 2018 թվականի վերջում ՀՀ վարչապետ Նիկոլ Փաշինյանը հայտնել էր, որ ռուսական գազի գինը սահմանին կփոխվի, սակայն բնակչության համար ներքին սակագները նույնը կմնան։ Ավելի ուշ «Գազպրոմը» տեղեկացրել էր, որ «Գազպրոմ Արմենիա» դուստր ձեռնարկությունը կապույտ վառելիք է գնելու հազար խմ–ի դիմաց 165 դոլարով` նախկին 150 դոլարի փոխարեն։ Այնուհետեւ կառավարությունից նշել էին, որ սակագինը սպառողների համար կպահպանվի «Գազպրոմ Արմենիայի» ծախսերի կրճատման հաշվին։

Ի դեպ, «Գազպրոմ Արմենիա»-ում ղեկավար կազմի աշխատավարձերն անտրամաբանական բարձր են: Հիշեցնենք, որ 2018 թվականի նոյեմբերին ՊԵԿ-ը ստուգումներ էր իրականացրել «Գազպրոմ Արմենիա»-ում: Ըստ ՊԵԿ-ի տարածած հաղորդագրության, բացահայտվել էր առանձնապես խոշոր չափերով հարկեր չվճարելու դեպքեր: Մասնավորապես «Գազպրոմ Արմենիա» ՓԲԸ-ն 2016 եւ 2017 թվականների ընթացքում հարկային մարմին ներկայացված ԱԱՀ-ի եւ շահութահարկի հաշվարկներում ներառել էր ակնհայտ կեղծ տվյալներ, ինչի արդյունքում մի քանի միլիարդ դրամի չափով պակաս է հաշվարկել հարկային պարտավորությունները:

Տպել
1645 դիտում

Ժամկետային զինծառայողին մեղադրանք է առաջադրվել` սպանության փորձ կատարելու համար

Սուրիկ Խաչատրյանի առանձնատունը, որը գտնվում է կենդանաբանական այգու ճանապարհին, գրանցված չէ. Պետրոսյան

Ներքին տեղեկությունները Հայաստանից Ադրբեջանում հայտնվել չեն կարող. Արթուր Վանեցյան

«Women’s Club»-ի նոր անդամ Արենա Զեյնալյանի կերպարը կոտրելու է տարածված կարծրատիպը

Հայաստանում ներդրվում է անշարժ գույքի միասնական հարկատեսակը. գործադիրը հաստատեց նախագիծը

Ես այս ընթացքում բազմաթիվ աղաղակող կոպիտ թերություններ եմ տեսել. վարչապետ

Սուրբ Հովհաննես Կարապետի մասունքը տարվել է Շողակաթի վանք

Սահմանադրական դատարանի նախագահի լիազորությունները ստանձնում է Վահե Գրիգորյանը․ նա երդվեց խորհրդարանում

Գործող հողի հարկին եւ գույքահարկին փոխարինելու է գալիս միասնական անշարժ գույքի հարկի գաղափարը. Պետրոսյան

Եվրոպական խաղերի բացման ժամանակ ՀՀ դրոշակակիրը կլինի Եվրոպայի չեմպիոն Բաչկովը

Ադրբեջանը մոտ 5%-ով ավելացնելու է ռազմական ծախսերը

Արդյունքում կունենանք 25 մլն խմ ծավալով ջրատար, նաեւ ոռոգման ենթակա կդառնա եւս 740 հա նոր հողատարածքներ. Պապիկյան

19-ամյա 6 երիտասարդների տարկետում է տրվել, որպեսզի կարողանան ավարտել դպրոցը

Առաջարկում ենք այդ նախագծի քննարկումը հետաձգել. Քյարամյանի առաջարկով հետաձգվեց գումարի հատկացման վերաբերյալ նախագիծը

Կառավարության որոշմամբ բասկետբոլի ազգային հավաքականի 3 խաղացողներ ազատվեցին զինծառայությունից

Ինձ էս օրը քցողը, ոչնչացնողը պետք ա ստանա արժանի պատիժ, ընտանիքս ոչնչացել ա. Մարտի 1-ի գործով տուժող

Միջադեպ Վրաստանի խորհրդարանում. հայկական պատվիրակությունը լքել է նիստերի դահլիճը

The Sun-ը պատմում է բրիտանացու մասին, որը ՀՀ-ում հիմնել է «Դիլիջան» ֆուտբոլային թիմը

Կառավարությունը 50 մլն դրամ կհատկացնի՝ Մանսուրյանի 80-ամյա հոբելյանին նվիրված միջազգային փառատոնի իրականացման համար

Վերաքննիչ դատարանը ուժի մեջ է թողել Միհրան Պողոսյանին կալանավորելու որոշումը. բողոքը մերժվել է