Սպիտակի մշակույթի տան տնօրենը ազատվել է աշխատանքից. ստուգումներ են իրականացվում

Սպիտակի քաղաքապետ Գագիկ Սահակյանի որոշմամբ՝ երկու օր առաջ աշխատանքից ազատվել է մշակույթի տան տնօրեն Սամվել Մաթոսյանը: Հիշեցնենք, որ մշակույթի տանը տիրող լարված մթնոլորտի, պարբերաբար իրականացվող դրամահավաքների ու մի շարք այլ խախտումների մասին ՀԺ-ի հետ զրույցում ահազանգել էր մշակույթի տան երգի խմբավար Ինգա Մարտիրոսյանը: Տնօրեն Սամվել Մաթոսյանը հոդվածի հրապարակումից ժամեր անց զանգահարել ու հերքել էր մեղադրանքները:

Ինգա Մարտիրոսյանը նաեւ հայտնել էր, որ տնօրենը իրենից գումարներ է հետ պահանջում, այդպես էլ չներկայացնելով որեւէ փաստաթղթային հիմք: Մեր հրապարակումը դատախազությունը ուղարկեց ոստիկանության Սպիտակի բաժին, որտեղ էլ քրեական գործեր հարուցվեցին պաշտոնատար անձին կաշառք տալու, պաշտոնատար անձի կողմից կաշառք վերցնելու եւ պաշտոնատար անձի կողմից կաշառքի միջնորդության փաստերով:

Սպիտակի քաղաքապետարանի աշխատակազմի քարտուղար Անահիտ Գյուլազյանը ՀԺ-ի հետ զրույցում հաստատեց մշակույթի տան տնօրենի աշխատանքից ազատվելու տեղեկությունը, նշելով, որ նա ազատվել է սեփական դիմումի համաձայն: Նոր տնօրեն դեռեւս չի նշանակվել, բայց քաղաքապետը ներկայացրել է ավագանուն, մնում է ավագանին հաստատի. «Թեկնածություն առաջադրվել է քաղաքապետի կողմից, բայց ավագանու նիստ չի եղել դեռ»,-ասաց նա՝ նշելով, որ նախորդ տնօրենն ազատվել է աշխատանքից ապրիլի 8-ին. «ՏԻՄ օրենքի համաձայն՝ համայնքի ղեկավարը թեկնածու է առաջարկել ավագանու հաստատմանը: Պաշտոնական պարտականությունների մեջ մտնելու է ավագանու հաստատումից հետո՝ քաղաքապետի որոշման հիման վրա»: Ներկայացված թեկնածուն Հերմինե Դարչինյանն է, մասնագիտությամբ մանկավարժ է, Սպիտակ քաղաքի բնակիչ. «Քաղաքապետը նախընտրեց դրսից մարդ բերել, կազմակերպչական ակտիվ ջիղ ունի, աշխատանքային լուրջ փորձ ունի երեխաների հետ աշխատելու»:

Աշխատակազմի քարտուղարից հետաքրքրվեցինք, կարգավորվե՞լ է արդյոք մշակույթի տանը տիրող լարված մթնոլորտը. «Դե ժամանակ առ ժամանակ է միշտ եղել, հիմա կարգավորված իրավիճակ է: Այս պահին մեր հանձնաժողովը հանձնում-ընդունում է անում, մենք մասնագիտական հանձնաժողով ենք ուղարկել տարբեր բնագավառներից, որ նաեւ խնդրին մոտիկից ծանոթանան, հաշվապահական թղթերին ծանոթանան»:

Անահիտ Գյուլազյանն ասաց, որ տեղյակ չէ հարուցված քրեական գործերին:

Տպել
1146 դիտում

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)