Այսօր մեր խնդիրն է ստեղծել պայմաններ, որ Արցախի եւ Ադրբեջանի միջեւ երկխոսությունը չընդհատվի․ Նիկոլ Փաշինյան

Ղարաբաղի հարցի խաղաղ կարգավորման մեր պարտավորությունը եւս մեկ անգամ վերահաստատեցի ԵԽԽՎ ամբիոնից ելույթ ունենալով, եւ ասացի, որ կարծում եմ՝ վերջին շրջանում խաղաղության օրակարգը, խաղաղության բանաձեւը, դա կյանքի կոչելու առաջարկներ ներկայանցելը ադրբեջանցի մեր գործընկերներին եւ հանրությանը՝ մեր ամենակարեւոր անելիքներից մեկն է։ Այս մասին այսօր ԵԽԽՎ լիագումար նիստի ժամանակ ասաց ՀՀ վարչապետ Նիկոլ Փաշինյանը՝ պատասխանելով ԵԽԽՎ պատգամավորներից մեկի հարցին, որտեղ վերջինս ասում էր, որ 2001-ին ԵԽ-ում ընդգրկվելով՝ ՀՀ-ն խոստացել է, որ զբաղվելու է ղարաբաղյան հակամարտության կարգավորմամբ, որը շարունակում է Ադրբեջանի տարածքային ամբողջականության մարդու իրավունքների խախտումներով․ ի վերջո ե՞րբ եք կյանքի կոչելու ձեր այդ խոստումը, որը համապատասխան փաստաթղթերով ստանձնել է Հայաստանը։

Վարչապետ Փաշինյանն ընդգծեց, որ ուրախ է, որ Ադրբեջանի նախագահ Իլհամ Ալիեւի հետ բավականին ուղիղ, անկեղծ, ազնիվ ու կառուցողական խոսակցություն է ծավալվել, բայց, ցավոք, մենք դեռ ընդհանուր պատկերացումներ չունենք Արցախի հարցի կարգավորման նրբությունների մեխանիզմների մասին․

«Բայց այն, որ մենք կարողացել ենք կառուցողական անկեղծ քննարկման մթնոլորտ ստեղծել, արդեն իսկ բավականին լավ է։ Մեր ընկալմամբ՝ այսօր կարեւորագույն մի քանի հարց կա, որոնց մենք պետք է պատասխանենք խաղաղության օրակարգը ինստիտուցիոնալ առումով ուժեղացնելու համար, եւ դրանցից մեկը ԵԱՀԿ Մինսկի խմբի ֆորմատի լիարժեք գործարկումն է, որը ենթադրում է նաեւ Լեռնային Ղարաբաղի ներկայացուցիչների կարգավորման խաղաղ գործընթաց։ Որովհետեւ շատ դժվար է հասկանալ, թե ինպես ենք մենք պատրաստվում հարցը կարգավորել՝ առանց կոնֆլիկտի առաջնային եւ հիմնական կողմին լսելու, առանց նրա հետ խոսելու, եւ, ինչպես արդեն ասացի, մեր քայլերը ուղղված են նրան, որ ԵԱՀԿ Մինսկի խմբի համանախագահության շրջանակներում վերականգնենք երկխոսությունը ԼՂ-ի եւ Ադրբեջանի միջեւ»,-ասաց ՀՀ վարչապետը։

Նա նաեւ նշեց, որ թեեւ շատերը չգիտեն, բայց ԼՂ եւ Ադրբեջանի ղեկավարների միջեւ տեղի է ունեցել նաեւ ուղիղ հանդիպում, այդ պրակտիկան եղել է նախկինում․

«ԼՂ ընտրված ներկայացուցիչներն, ըստ էության, միշտ ներգրավված են եղել բանակցային գործընթացում։ Սովորաբար ասում են մինչեւ 1998 թիվը, բայց ես կարող եմ ասել, որ մինչեւ 2018 թիվը Ղարաբաղի ներկայացուցիչները ներկա են եղել բանակցային գործընթացում։ Եկեք չմոռանանք, որ Ռոբերտ Քոչարյանը ՀՀ նախագահ դառնալուց առաջ եղել է ԼՂՀ նախագահ։ Դրանից հետո Սերժ Սարգսյանն է ներկայացրել Հայաստանը, բայց նա եղել է նաեւ Ղարաբաղի առաջնորդներից մեկը»։

Փաշինյանը հավելեց, որ մենք ունենք մի վիճակ, երբ ԼՂ-ն բանակցային ողջ գործընթացում ներկայացված է եղել բանակցությունների սեղանի շուրջ, եւ այսօր էլ մեր խնդիրն է ստեղծել պայմաններ, որ ԼՂ եւ Ադրբեջանի միջեւ երկխոսությունը չընդհատվի։

Տպել
779 դիտում

Ջերմուկում տղամարդ է ինքնասպան եղել

Պետությունը նախատեսում է Գյումրու տուն-ինտերնատի ծառայությունը պատվիրակել բարեգործական կազմակերպությանը

Մենք Ադրբեջանի իշխանություններին անընդհատ կոչ ենք անում գալ կառուցողական դաշտ․ վարչապետ

ՀՀ առողջապահության նախարարությունը համալրել է հիմնական դեղերի ցանկը

Այս տարվա 9 ամիսներին զինծառայողների ապահովագրության հիմնադրամին 648.8 մլն դրամ ավելի է փոխանցվել․ Փաշինյան

Գազամատակարարման պլանային ընդհատումներ են սպասվում Գեղարքունիքում և Տավուշում

Հարձակում է եղել Փարիզի հայկական վարժարանի վրա

Կարծում եմ՝ ելքը պարզ է. Ռուստամ Բադասյանը՝ Նաիրի Հունանյանի դիմումի մասին

«Եվրատեսիլ»-ի կանոնները կարող են փոխվել. կքննարկվի՝ արդյոք ժյուրի պետք է, թե՝ ոչ

Հաշվի առնելով վիրահատության հանգամանքը, Արա Բաբլոյանը հարցաքննության է կանչվել իր նախընտրած ժամին

Մեր տնտեսությունը անկողնային հիվանդ չէ. Փաշինյանը՝ Արման Բաբաջանյանին

Նախագահ Արմեն Սարգսյանը ցավակցել է անվանի թավջութակահար, մանկավարժ Վահրամ Սարաջյանի ընտանիքին

ԿԳՄՍՆ դրամաշնորհային նախագծերը խիստ չափանիշներով կընտրվեն. նոր պայմանները կհրապարակվեն տարեվերջին

«Չեմ ուզում լինել Սպիտակ տան նախագահ. ուզում եմ լինել ՀՀ շարքային քաղաքացի»

Հյուսիսային պողոտայի պատմություն չի կարող լինել նոր Հայաստանում․ Նիկոլ Փաշինյան

Կատալոնական Սանտ Իլարի Սակալմ քաղաքը ճանաչել է Հայոց ցեղասպանությունը

Ազատվել եմ սեփական դիմումիս համաձայն. փոխոստիկանապետ Հովհաննես Քոչարյանը պաշտոնից ազատման մասին

Կառավարությունում քննարկվել է Էկոնոմիկայի նախարարության 2020 թ. պետական բյուջետային հատկացումների հայտը

Հրայր Թովմասյանն անձեռնմխելի է. ո՞ր դեպքում եւ ո՞ւմ համաձայնությամբ նա կարող է քրեական հետապնդման ենթարկվել

Առաջիկայում աշխատանքից ազատված ԱԻՆ աշխատակիցների վերջնահաշվարկը կլինի, մի քանի մարդու մասին է խոսքը․ նախարար