Ինչպե՞ս է ստացվել, որ ՀՀ-ն լավ հարաբերություններ ունի ՌԴ-ի, ինչպես նաեւ ԵՄ-ի հետ․ ԵԽԽՎ պատգամավորի հարցը Փաշինյանին

Ստրասբուրքում ԵԽԽՎ լիագումար նիստին Գերմանիայի ներկայացուցիչ պատգամավորը ՀՀ վարչապետ Նիկոլ Փաշինյանին հարց ուղղելիս ասաց, որ անցած շաբաթ Գերմանիայի Բունդեսթագում շատ հետաքրքիր բանավեճ են ունեցել ԵՄ-Հայաստան նոր համաձայնագրի մասին, եւ ոչ ոք դեմ չի արտահայտվել դրան։ Պատգամավորն ասաց, որ բանավեճի ժամանակ հատկապես շեշտվում էր այն, որ ՀՀ-ն դրական հարաբերություններ ունի ՌԴ-ի, միեւնույն ժամանակ նաեւ ԵՄ-ի հետ, եւ իրենք ողջունել են դա։ Գերմանիայի ներկայացուցիչն ընդգծեց, որ կան պետություններ, որոնք ԵՄ անդամ են, բայց լավ հարաբերություններ չունեն․

«Կարո՞ք եք ասել՝ ինչպես է սա ստացվել, որ Հայաստանը լավ հարաբերություններ ունի Ռուսաստանի եւ միեւնույն ժամանակ ԵՄ-ի հետ, եւ գուցե Հայաստանը կարող է մոդել դառնալ ԵՄ-ի համար»,- ի վերջո հարցրեց պատգամավորը։

Նիկոլ Փաշինյանը պատասխանեց․

«Ինչպես ավելի վաղ իմ ելույթում ասել էի՝ ոչ մի օտարերկրյա ուժ ներգրավված չի եղել ՀՀ-ում տեղի ունեցած հեղափոխությանը, եւ երբեմն հանրությունը կարող է ականատես լինել բավականին տարօրինակ բանավեճերի։ Եւ երբ իմ ասուլիսների ընթացքում փորձում են ասել, թե ՀՀ-ում տեղի է ունեցել գունավոր հեղափոխություն, ես ամեն անգամ հարկ եմ համարում ընդգծել, որ մեզ մոտ տեղի է ունեցել ոչ թե գունավոր, այլ սիրո եւ համերաշխության հեղափոխություն։ Եւ այս բառերի տակ խոսքը ոչ թե գույների, կամ սիրո մասին է, այլ քաղաքական ենթատեքստի։ Խնդիրն այն է, որ մեր հեղափոխության մեջ իսկապես որեւէ արտաքին քաղաքական ուժի ներգրավվածություն չի եղել։ Բացառվում է, որ որեւէ մեկը նման բան կարողանա ցույց տալ։ Սա մեզ համար, կներեք, ազգային արժանապատվության խնդիր է, եւ անձամբ ինձ համար էլ անձնական արժանապատվության խնդիր է։ Շատ կարեւոր է արձանագրել, որ ժողովրդավարությունն իսկապես բխում է մեր ժողովրդի մտածելակերպից։ Կարծում եմ՝ սա է պատճառը, որ այսօր ունենք այն վիճակը, որի մասին դուք նշում եք»,-ասաց վարչապետը։

Նա ընդգծեց, որ ՀՀ-ում տեղի ունեցած հեղափոխությունը որեւէ երկրի դեմ չէ, որեւէ կազմակերպության դեմ չէ․

«ՀՀ-ի ժողովուրդը հեղափոխություն իրականացրել է հանուն իր ազատ եւ երջանիկ ապագայի, եւ մենք մտադիր ենք մեր հարաբերությունները զարգացնել մեր բոլոր միջազգային գործընկերների հետ։ ՀՀ-ն ԵԱՏՄ անդամ է, մենք այս պահին նախագահում ենք այդ կազմակերպությունում եւ մենք մեզնից կախվածն անելու ենք՝ այդ կազմակերպությունն առավել արդյունավետ դարձնելու համար։ ՌԴ-ի հետ մեր հարաբերությունները կրում են ռազմավարական բնույթ, եւ մենք ամեն ինչ անելու ենք՝ այդ հարաբերությունները զարգացնելու համար։ ՀԱՊԿ անդամ ենք, եւ ամեն ինչ անելու ենք՝ այդ կազմակերպությանը մեր անդամակցությունը առավել արդյունավետ դարձնելու համար։ ԵՄ-ի հետ այսօր ունենք հրաշալի հարաբերություններ, եւ դա ունի շատ կոնկրետ պատճառ․ խնդիրն այն է, որ համապարփակ եւ ընդլայված համագործակցության մասին պայմանագիրը ԵՄ-ի հետ, նրա բովանդակությունը լիարժեքորեն համընկնում է մեր կառավարության ունեցած օրակարգի հետ, այն օրակարգի հետ, որ մենք ի սկզբանե մտադիր ենք իրականցնել մեր երկրում»,-եզրափակեց ՀՀ վարչապետը։

Տպել
1889 դիտում

Մեր ընթացիկ խնդիրը հայեցկարգային եւ գաղափարական առումով Հայաստան-Սփյուռք սահմանները վերացնելն է․ վարչապետ

Թող 98թ․-ից առաջ միլիոններ կուտակեին, առյուծներ քշեին. Փաշինյանը՝ Քոչարյանի եւ Սարգսյանի շնորհավորական ուղերձների մասին

Լինելով ԱԱԾ տնօրեն՝ նա հայտարարություն է անում գերագույն հրամանատարի դեմ․ սպայի պատվին դրանից մեծ անարգանք չկա․ վարչապետ

Աղմկոտ միջադեպի գործով Վայոց Ձորի մարզպետի օգնականը կալանավորվել է

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին