Լեռնավան համայնքի ավագանին հրաժարական է տվել

Լոռու մարզի Լեռնավան համայնքի ավագանքու 7 անդամներից 4-ը հրաժարական են ներկայացրել: Գյուղում ավագանու նիստեր չեն կայանում, սպասում են նոր ընտրությունների: Լեռնավանում ՏԻՄ վերջին ընտրությունները կայացել էին նախորդ տարվա մարտ ամսին:

ՀԺ-ին հասած տեղեկություններով, ավագանուն հրաժարական ներկայացնել պարտադրել են համայնքի բնակիչները, չնայած ավագանու անդամները որպես հրաժարականի պատճառ նշել են իրենց մեծ տարիքն ու առողջական խնդիրները: Մեզ տեղեկություններ հասան նաեւ, որ մինչ հրաժարական ներկայացնելը, գյուղում անհաշտ մթնոլորտ է եղել, բողոքի ցույցեր են կազմակերպվել: Բնակիչներից ոմանք ավագանու անդամներին ու գյուղապետին մեղադրել են ոչ միայն ապօրինությունների, այլ նաեւ ավագանու բացակա անդամների ստորագրությունները կեղծելու մեջ: Մեր աղբյուրի փոխանցմամբ, համայնքի բնակիչներից ոմանք ստիպել են ավագանու անդամներին անվստահություն հայտնել գյուղապետին: Ավագանու անդամները դա չեն արել, որոշել են ինքնաբացարկ հայտնել:

ՀԺ-ի հետ զրույցում Լեռնավանի գյուղապետ Վաչիկ Վարդանյանն ասաց, որ ավագանու անդամները պարզապես չեն ցանկացել շարունակել աշխատանքը. «Չուզեցան, դիմում գրին դուրս եկան, էլ հնարավոր չէր ավագանու նիստեր կատարել, արձանագրություն կազմեցինք, ներկայացրեցինք մարզպետարան, որ թազա ընտրություններ անեն»,-ասաց գյուղապետը՝ որպես պատճառ նշելով նրանց ծեր լինելն ու առողջական խնդիրները. «Համոզեցի աշխատել, չուզեցին եւ վերջ»:

Վարդանյանն ասաց, որ սպասում են ընտրություններին, իսկ մինչ այդ որոշ հարցերում գյուղը հետ կընկնի:

Լեռնավան համայնքի հրաժարական ներկայացրած ավագանու անդամ Դավիթ Հարությունյանը ՀԺ-ի հետ զրույցում նշեց, որ հրաժարական է ներկայացրել առողջական խնդիրների պատճառով. «Ես 5-րդ մարդն եմ եղել, որ դիմում եմ գրել, էն 2-ն էլ հետո են գրել»: Պարոն Հարությունյանից հետաքրքրվեցինք, ինչպես եղավ, որ ավագանու անդամների մեծ մասը հրաժարականի դիմում ներկայացրեցին. «Ես չգիտեմ՝ ով ինչի ներկայացրեց, ես խնդիր ունեմ առողջական, իմ պատճառը դա էր»:

Հրաժարական ներկայացրած ավագանու անդամ Վարդան Ավագյանը չցանկացավ որեւէ մեկնաբանություն տալ. «Մեկնաբանություն չեմ տա, տեղս էլ հարմար չի»,-ասաց նա:

Ավագանու մյուս անդամ Գրիգոր Թադեւոսյանն ասաց, որ ինքը դիմում չի ներկայացրել, այլ ինքնըստինքյան դուրս է մնացել: Թադեւոսյանը դժվարացավ նշել, թե մյուսները ինչու են դիմում գրել. «Գյուղում ինչ-որ ասել են, որ եթե եկամուտ չունես, ինչ գործ ունես էդտեղ, տղերքն էլ դիմում են գրել դուրս եկել»:

Համլետ Մազմանյանը համայնքի ավագանու թերեւս միակ անդամն էր, ով որոշ մանրամասներ ներկայացրեց. «Ինչ խնդիրներ ու առաջարկություններ ներկայացնում էինք համայնքապետի առաջ, չէր ընդունում, լուրջ անվստահություն կար գյուղապետի ու ավագանու հանդեպ: Շատ մարդկանց, ովքեր չպետք է հայտնվեին սոցօգնություն ստացողների ցուցակում՝ հայտնվել էին, սկանդալային խնդիրներ կան գյուղում»,-ասաց Մազմանյանը, նշելով, որ ավագանու գործունեության իմաստը իր կոլեգաները չէին հասկացել. «Մարդիկ եղել էին ավագանու զուտ էղնելու համար, մեր նոր Հայաստանում պետք են այնպիսի մարդիկ, ովքեր հասկանում են, բյուջեի տնօրինողը ավագանին է, եւ ինքը վերահսկող մարմին է նաեւ: Ավագանին մեզ մոտ եղել է համայնքապետի կամակատարը»,-նշեց Համլետ Մազմանյանն ու որպես վերջաբան նշեց, որ անգամ ավագանու ստորագրություն է կեղծվել. «Կոնկրետ մարդը կոնկրետ ժամանակահատվածում Հայաստանում չի եղել, բայց որոշման տակ իր ստորագրությունն է դրվել, թե իբր մարդը ներկա է եղել նիստին ու համաձայնություն տվել»:

Տպել
717 դիտում

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը