«Ճշտի» եւ օրենքի միջեւ կողմնորոշվելու ժամանակը. ովքեր են ընկերության իրական սեփականատերերը

Ապրիլի 8-ին Երեւանում տեղի ունեցան միանգամից երկու բողոքի ակցիաներ։ Մի դեպքում «Սպայկա» ընկերության աշխատակիցներն էին բողոքում իրենց տնօրենի կալանքի դեմ (ընկերությունը մեղադրվում է ավելի քան 7 միլիարդ դրամի չափով հարկեր թաքցնելու մեջ), մյուս դեպքում ցուցարարները բողոքում էին ԱԺ ամբիոնից տրանսգենդերի ելույթի փաստի առթիվ, դա գնահատում էին որպես սրբապղծություն եւ ցանկանում էին մտնել ԱԺ դահլիճ ու խունկ վառելով չեզոքացնել այդ «պղծության» հետքերը։

Այս երկու իրադարձություններն, իհարկե, միմյանց հետ անմիջականորեն կապված չեն։ Միակ (համենայն դեպս՝ ակնհայտ) կապը թերեւս այն է, որ երկու դեպքում էլ ցույցերի առիթ դարձած իրադարձություններն ու դրանց շուրջ բարձրացած քարոզչական աղմուկը՝ համընթաց մանիպուլյացիաներով, մեղմ ասած, համարժեք չէին։ Մի կողմ թողնենք այն հարցերը՝ ԱԺ դահլիճում տրանսգենդերի հայտնվելն ու ելույթ ունենալը դո՞ւր է գալիս մարդկանց, թե ոչ, կամ ո՞ւմ հրավերով էր նա հայտնվել խորհրդարանում։ Շատերի համար դա անսովոր էր, շատերին դա իսկապես դուր չեկավ, շատերը դա անկեղծորեն սրբապղծություն են համարում ու գտնում են, որ նման երեւույթները դեմ են մեր ավանդական ազգային արժեհամակարգին․․․ Բայց եկեք անկեղծ լինենք։ Ազգային ժողովի ամբիոնից ով ասես ելույթ է ունեցել՝ գողեր, թալանչիներ, խաբեբաներ, մարդասպաններ, ուրացողներ, պետության հաշվին միլիարդատեր դարձածներ ու տասնյակ հազարավոր մարդկանց օրվա հացից զրկածներ, զինվորի բաժին լափածներ, հասարակաց տների սեփականատերեր, եւ այսպես շարունակ։ Քանի՞ անգամ է բողոքի ալիք բարձրացել, քանի՞ անգամ է խոսվել ազգային արժեհամակարգը ոտնահարելու անթույլատրելիության մասին, քանի՞ հոգեւորական է ԱԺ դահլիճում խունկ վառելու ցանկություն հայտնել։ Թե՞ մարդասպաններն ու թալանչիները մեր ազգային արժեհամակարգին այնքան էլ անհարիր չեն եղել։ Եվ սա՝ այն դեպքում, երբ թալանն ու մարդասպանությունը մեր օրենքներով քրեորեն պատժելի են, իսկ տրանսգենդեր լինելը՝ ոչ։ Լավ է դա, թե վատ՝ այլ հարց է, բայց եթե վատ է՝ պետք է օրենքները փոխել, ոչ թե հարցին մոտենալ ավանդական «շուստրիությամբ»՝ իբր «հա, դե օրենքը տենց ա, որ եվրոպացիք փող-բան տան, բայց ձեւի համար ա, ով լուրջ ընդունեց՝ կտանք գլուխները կջարդենք»։

Հիմա՝ «Սպայկա» ընկերության մասին։ Իրականում այդ ընկերությունը 7 միլիարդ դրամի հարկային պարտավորություններ ունի, թե ոչ՝ քննությունը կպարզի, արժեր ընկերության տնօրենին կալանավորել, թե կարելի էր բավարարվել նաեւ չհեռանալու ստորագրությամբ՝ քննարկելու հարց է (որոշում կայացնողները երեւի հաշվի են առել բոլոր դրական եւ բացասական կողմերը), ինքնին այն փաստը, որ աշխատակիցները բողոքի ցույցերով փորձում են պաշտպանել իրենց տնօրենին՝ զուտ մարդկայնորեն հասկանալի է (եթե, իհարկե, բողոքողների կորիզն իսկապես ընկերության աշխատողներն են), բայց մի բան ակնհայտ է՝ ընկերության «հակափաստարկների» հիմքում ի սկզբանե հասարակական կարծիքը մանիպուլյացիաների ենթարկելու նպատակն է։ Ու նաեւ հայտնի «մուննաթը»՝ իբր «դե որ դուք տենց եք անում, մենք էլ ներդրումներ չենք բերի, ոչ էլ միրգ ու բանջարեղեն կմթերենք, դե թող գյուղացիք գնան սոված կոտորվեն»։ Ծանոթ պատկեր է, չէ՞․ պահանջներս բավարարեք, թե չէ կարտագաղթեմ։ Այսինքն՝ մարդը, իր հայրենիքում ապրելով, ինչ-որ մեկին լավություն է անում։ Նույնն էլ այս դեպքում է։ «Սպայկա» ընկերությունը, պարզվում է, տարիներ շարունակ ոչ թե շահույթ է հետապնդել, այլ բիզնես-գործունեություն է ծավալել բացառապես հանուն ժողովրդի, հաճախ հսկայական վնասներ է կրել, «իրա ջեբից» փոխհատուցել է այդ վնասները, միայն թե գյուղացիները սոված չմնան։ Ու հիմա խիստ դժգոհ է, որ իշխանությունները չեն գնահատում այդ ազգանվեր գործունեությունը եւ այնքան լկտիություն ունեն, որ դեռ մի բան էլ հարկեր են պահանջում։

Այս ամենն, իհարկե, տհաճ է։ Միակ մխիթարությունն այն է, որ մարդիկ, մեծ հաշվով, հասկանում են, թե ինչ է տեղի ունենում իրականում։ Հասարակական ընկալումը շատ պարզ է․ եթե սա զուտ իրավական հարց է, պետք է սպասել իրավապահ մարմինների ուսումնասիրություններին, իսկ եթե հարցը դիտարկվում է ոչ թե իրավական, այլ «ճշտի» հարթությունում, ուրեմն պետք է «ճշտով» դիտարկել, թե ովքեր են այդ ընկերության իրական սեփականատերերը, եւ որքանով է տրամաբանական, որ այդ ընկերությունն ազնվորեն վճարած լինի հարկերը (էլ չենք խոսում վնասով աշխատելու մասին)։

Այնպես որ՝ չարժե խառնել օրենքն ու «ճիշտը»։ Առավել եւս, որ հասարակության մեծամասնության կարծիքը միանշանակ է՝ ճիշտը օրենքն է։

Տպել
5184 դիտում

Վեթինգը ստորացուցիչ համարող դատավորներից ազատվելը միայն դրական կլինի մեր դատական համակարգի համար․ Կարեն Անդրեասյան

Մեծ կյանք եք մտնում նոր երկրում. ԿԳ նախարարի շնորհավորական ուղերձը՝ Վերջին զանգի կապակցությամբ

Արդարադատության փոխնախարարների մասնակցությամբ կայացել է ՀՀ-ԵՄ հանրային քննարկում

Սիրալիր և անվճար հուշում ՍԴ նախագահ Հրայր Թովմասյանին և դատական բանդայի անդամներին. Ս. Սաֆարյան

Ջերմաստիճանը կբարձրանա, բայց տեղումները կշարունակվեն առաջիկա օրերին անձրեւի եւ կարկուտի տեսքով

Հայաստանից ձեզ շատ սեր եմ բերել․ Աննա Հակոբյանը հանդիպել է Ալմաթիի հայ համայնքի հետ (լուսանկարներ)

Էլեկտրաէներգիայի 6-ժամյա անջատումներ են սպասվում Երեւանում եւ 7 մարզերում

Եղեգնաձորի դպրոցի բակում 15-ամյա պատանիների վեճի արդյունքում մեկը գլխուղեղային վնասվածք է ստացել

Երևան քաղաքի Ռոստոմի փողոցի տներից մեկում հայտնաբերվել է բնակչի դին

Լոռու մարզպետի հետ հանդիպումը արդյունք չտվեց. վարորդները որոշեցին շարունակել գործադուլը

Էրդողանը շնորհավորական ուղերձ է հղել Ալիևին՝ Ադրբեջանի 101-ամյակի կապակցությամբ

Արմավիրի մարզի մի շարք համայքներում հակակարկտային կայանքներից արձակվել է 1811 կրակոց

Պուտինը պետական պարգեւներ եւ կոչումներ է շնորհել ռուսաստանաբնակ հայտնի հայ գործիչներին

Աղբահանման և աղբի վերամշակման աշխատանքները համակարգող աշխատանքային խումբը սկսում է գործունեության առաջին փուլը

Եվրոպա լիգայի եզրափակիչը կարող է խաղացվել հազարավոր դատարկ տրիբունաների առաջ. The Sun

Ողբերգական դեպք Գյումրիում. երեխան մահացել է

Աշխարհաքաղաքականության և հակամարտությունների ֆրանսահայ փորձագետը ՀՀ ԱԳՆ-ում հանդես եկավ դասախոսությամբ

Դատավոր Դավիթ Գրիգորյանը հանցագործության մասին հաղորդում է ներկայացրել գլխավոր դատախազին

BBC-ն Գրանդ փղի մասին վավերագրական ֆիլմը կցուցադրի հունիսի 6-ին

Օսիպյանը շնորհավորական ուղերձ է հղել վերջին զանգի առթիվ