Մեծ Բրիտանիայի խորհրդարանը Մեյին պարտավորեցրել է կրկին երկարաձգել «Բրեքզիթ»-ի ժամկետը

Բրիտանիայի խորհրդարանի ստորին պալատը պարտավորեցրել է վարչապետ Թերեզա Մեյին ևս մեկ անգամ երկարաձգել Եվրամիությունից դուրս գալու վերջնաժամկետը․ հակառակ դեպքում Միացյալ Թագավորությունը ստիպված կլինի ապրիլի 12-ին լքել կառույցը՝ առանց ապահարզանի մասին համաձայնագրի ու հստակ պայմանավորվածությունների:

Որոշումն ընդունվել է երեկ՝ ընդամենը մեկ ձայնի առավելությամբ, օրենքի ուժ ստանալու համար այն պետք է հաստատվի նաև խորհրդարանի վերին պալատում, ապա՝ արժանանա Եվրամիության հավանությանը, հայտնում է Ազատությունը:

Օրեր առաջ Թերեզա Մեյը կառավարության՝ շուրջ յոթ ժամ շարունակված նիստից հետո հայտարարեց, որ պատրաստվում է մեկ անգամ ևս դիմել Եվրամիության ղեկավարությանը` «Բրեքզիթի» վերջնաժամկետը երկարաձգելու խնդրանքով: Այս հարցում Մեյը ակնկալում է իր գլխավոր քաղաքական հակառակորդների` լեյբորիստների աջակցությունը:

Նախորդ ուրբաթ օրը Համայնքների պալատը երրորդ անգամ մերժեց Բրյուսելի հետ կնքված համաձայնագիրը, ինչից հետո պարզ դարձավ, որ Մեծ Բրիտանիան ԵՄ-ն լքելու է ապրիլի 12-ին:

Թերեզա Մեյը, սակայն, հույս ունի, որ ընդդիմադիր լեյբորիստները, որոնք կտրականապես դեմ են այսպես կոչված կոշտ, առանց համաձայնագրի «Բրեքզիթին», կաջակցեն իրեն` իրադարձությունների ամենաանցանկալի սցենարը կանխելու նպատակով:

«Ես ուշադրությամբ ունկնդրեցի վարչապետի հայտարարությունը, ընթերցեցի նաև դրա գրավոր տարբերակը և կարող եմ ասել, որ ուրախ կլինեմ հանդիպել նրան: Մենք վարչապետի հետ պետք է քննարկենք ստեղծված կացությունը` հնարավորություն ստեղծելով, որպեսզի խորհրդարանը քվեարկի առաջարկների մի այնպիսի փաթեթի օգտին, որը կկանխի մեր դուրս մղումը ԵՄ-ի կազմից արդեն հաջոդ շաբաթավերջին», - նշել է Լեյբորիստական կուսակցության առաջնորդ Ջերեմի Քորբինը:

Թերեզա Մեյի կուսակից պահպանողականների մի ստվար հատվածին, սակայն, կառավարության ղեկավարի այս նախաձեռնությունը բացարձակապես չի ոգևորել: Նախկին արտգործնախարար Բորիս Ջոնսոնի համոզմամբ, օրինակ, Թերեզա Մեյի և լեյբորիստների համագործակցության պարագայում «Բրեքզիթի» ողջ գործընթացը կարող է կորցնել իր սկզբնական իմաստը:

«Կարծում եմ, որ շատ հիասթափեցնող է, որ «Բրեքզիթի» գործընթացը մենք վստահում ենք Ջերեմի Քորբինին և նրա ղեկավարած լեյբորիստական կուսակցությանը: Գրեթե կասկած չկա, որ եթե Քորբինը հասնի իր ուզածին, ապա մենք կմնանք Եվրամիության մաքսային միության կազմում, չենք կարողանա վերահսկել մեր առևտրային քաղաքականությունը և օրինաստեղծ գործունեության ահռելի մի հատվածը: Այդ դեպքում «Բրեքզիթը» տապալման աստիճանի մեղմ է լինելու», - հայտարարում էր «Բրեքզիթի» գլխավոր գաղափարախոսներից մեկը համարվող Բորիս Ջոնսոնը:

 
Տպել
629 դիտում

Հունվարի 18-ին գրանցված երկրաշարժն ու հետցնցումներն արտառոց չեն Ջավախքի գոտու համար. ԱԻՆ

Գեորգի Կուտոյանի անժամանակ մահվան բոթը խիստ ցավալի էր և ցնցող. Էդուարդ Մարտիրոսյան

Հրդեհ է բռնկվել «Մամուլի» շենքի առաջին հարկում. հայտարարվել է հրդեհի բարդության «1-ԲԻՍ» կանչ

ՀՀ ԱԺ-ում մեկնարկել է Հայաստան-Արցախ միջխորհրդարանական հանձնաժողովի ընդլայնված նիստը

Դերասան Հովհաննես Ազոյանի միջադեպի գործով մեղադրանք է առաջադրվել 31-ամյա երիտասարդի

Ադրբեջանը խորհրդարանական արտահերթ ընտրությունների նախաշեմին է․ ընդդիմադիրները կշահարկեն Արցախյան հակամարտության թեման

Արցախում 15.2 տոկոսով աճել են ներմուծված, 19.6 տոկոսով՝ արտահանված ապրանքների թվերը

Երեւանում եւ Աշտարակում արգելափակված ավտոմեքենաները դուրս են բերվել

Կոտրել են «Իմ քայլը» խմբակցության պատգամավորի մեքենայի ապակին եւ գողացել անձնական փաստաթղթերով պայուսակը

6-ամյա Տիգրան Ամիրխանյանի բուժմանն ուղղվել է 700.000 դրամ. Տաթեւիկ Ռեւազյան

Հրազդանում «BMW X6»-ը բախվել է պատին. տուժածների թվում 3 աղջիկ կա

ՃՏՊ Երեւանում. «Mercedes E» մակնիշի ավտոմեքենայի 24-ամյա վարորդը մահացել է

Փակ է Հ-31 ավտոճանապարհի Հարթաշեն-Տաշիր հատվածը, Սյունիքի մարզի ավտոճանապարհներին առկա է մերկասառույց:

Հունվարի 18-ին 2 երկրաշարժ է գրանցվել ՀՀ-ում. ցնցումները զգացվել են Լոռիում եւ Շիրակի մարզում

Երեկ տեղացած ձյան պատճառով ավտովթարների թիվը Հայաստանում էականորեն ավելացել է. ՃՈ պետ

Զելենսկին «շանս» է տվել Գոնչարուկին. Ուկրաինայի վարչապետը կշարունակի պաշտոնավարել

Սյունիքում 2019 թվականին ամբողջովին վերանորոգվել են 49 դպրոցների ճաշարաններ, իսկ 15-ի նորոգումն ընթացքի մեջ է

Հրդեհ Դավիթաշենում. տուժածներ չկան, վնասը նյութական է

Երեւան-Սեւան մայրուղու հարեւանությամբ վեր խոյացող «Արձագանք» եւ «Անվերջության ժապավեն» քանդակները կվերականգնվեն

Քաղաքացիները կամավոր հանձնել են «Կալաշնիկով» ինքնաձիգ, հրացան, ատրճանակ և զինամթերք